Bæjarins besta - 31.01.2008, Blaðsíða 10

FIMMTUDAGUR 31. JANÚAR 200810
BB - STEINSÖGUN EHF
Steinsteypusögun – Kjarnaborun
Múrbrot – Niðurrif
Bjarni L. Birgisson
Símar: 896 7579 – 855 2713 – 456 7579
Netfang: bbsteinsogun@simnet.is
UMFB komir áfram á Íslandsmótinu
Drengirnir 5. flokki Ungmennafélags Bolungarvíkur sigruðu sinn riðil í undankeppni
Íslandsmótsins í innanhúsfótbolta sem haldin var fyrir stuttu. Þeir voru í riðli með
Víði Garði, Fram, Víkingum og Reyni Sandgerði. Vestfirðingar byrjuðu á því að
vinna Víkinga 1-0, í næsta leik gerðu þeir jafntefli við Víði 1-1, strákarnir rúlluðu
svo yfir Reynismenn 6-1 og þrátt fyrir 1-0 tap gegn Fram í síðasta leiknum sigruðu
strákarnir sinn riðil með sjö stig líkt og Fram, Víðir og Víkingur. UMFB var með
fimm mörk í plús en Víðir og Fram með fjögur mörk í plús en Víkingar tvö mörk.
Ráðherra efins um olíuhreinsistöð
Þórunn Sveinbjarnardóttir umhverfisráðherra segir að mengun frá olíuhreinsunarstöð á
Vestfjörðum yrði gríðarleg og gengi verulega gegn stefnumörkun um samdrátt í losun
gróðurhúsalofttegunda. Helgi Hjörvar, formaður umhverfisnefndar Alþingis, beindi
fyrirspurn til flokkssystur sinnar, Þórunnar Sveinbjarnardóttur um afstöðu hennar til
olíuhreinsunarstöðvar á Vestfjörðum og um þá mengun sem af slíkri stöð stafar. Af-
staða ráðherrans var langt í frá jákvæð enda sagði hún starfsemina menga mikið.
Stefna stjórnvalda er að draga úr losun gróðurhúsalofttegunda um 50% til 75%.
Styttist í Stútung
Stútungur, þorrablót Flat-
eyringa, verður haldið í
íþróttahúsinu á Flateyri 9.
febrúar nk. Jafnan gætir
mikillar eftirvæntingar fyr-
ir blótinu en síðustu ár hefur
Stútungur verið annálaður
fyrir vegleg heimatilbúin
skemmtiatriði og hafa heilu
revíurnar verið samdar af
þessu tilefni. Að venju
verður boðið upp á alís-
lenskan þorramat og annað
góðgæti og opinn bar að
auki. Skemmtunin hefst kl.
20 og að henni lokinni sér
hljómsveitin F1 rauður um
að halda uppi fjörinu fram
á nótt. Þorrablót Flateyringa
hefur frá árinu 1935 verið
haldið undir nafninu Stút-
ungur og fer því nú fram í
73. sinn.
Hægt er að tilkynna þátt-
töku til Margrétar í s. 864-
0345 og Vigdísar í s. 866-
7614. Miðaðverð á Stútung
í ár er 5.000 krónur og er
Stútungur opinn öllum 18
ára og eldri á meðan húsrúm
leyfir. Miðasala verður í
Vagninum á Flateyri mið-
vikudaginn 6. febrúar og
fimmtudaginn 7. febrúar
milli kl. 18 og 20. báða dag-
ana. – thelma@bb.is
Það er umtalsvert dýrara að
gera út sjóstangaveiðibát frá
höfnum Ísafjarðarbæjar en frá
Súðavík, ef skoðaðar eru
gjaldskrár hafna sveitarfélag-
anna. Á sudureyri.is kemur
fram í umfjöllun Elíasar Guð-
mundssonar framkvæmda-
stjóra Hvíldarkletts ehf. að um
rúmlega 200% munur sé á
bryggjugjöldum milli sveit-
arfélaganna en bryggjugjald
er kr. 1.892 í Súðavík en kr.
5.217 eftir hækkun hjá höfn-
um Ísafjarðarbæjar. Bátur sem
gerir út frá Súðavík og veiðir
fimm tonn í 15 veiðiferðum
greiðir Súðavíkurhreppi kr.
10.920 á mánuði en sami bátur
greiðir höfnum Ísafjarðarbæj-
ar kr. 16.505 fyrir sömu þjón-
ustu. Hjá Súðavíkurhreppi er
sérstakur flokkur báta sem
nefnist frístundabátar undir 20
tonnum og greiða þeir fyrr-
nefnt gjald, 1.892 krónur á
mánuði en aðrir bátar undir
20 tonnum greiða aldrei lægra
en 3.780 krónur á mánuði.
Öll þjónustugjöld nema krana-
gjald voru hækkuð um 4,5%
hjá höfnum Ísafjarðarbæjar nú
um áramót en aflagjald sem
bátar greiða af verðmæti afl-
ans lækkar um 0,1%. Auðséð
er að nokkur óánægja ríkir
með þetta hjá þeim sem reka
ferðaþjónustufyrirtækið Hvíld-
arklett ehf. og gera út sjó-
stangaveiðibáta frá Flateyri og
Suðureyri. Á sudureyri.is seg-
ir ennfremur í umfjöllun Elí-
asar um málið: „Þrátt fyrir að
bæði sveitarfélögin lofi ný-
sköpunarfyrirtækjum aðstoð
í sínum atvinnumálastefnum
þá virðist vera svo að ein-
göngu að Súðavíkurhreppur
standi við gefin loforð. Ný
flotbryggja var byggð í sumar
fyrir sjóstangveiðibáta á Suð-
ureyri en framkvæmdin var
fjármögnuð að mestu leyti
með styrk frá ríkinu.“
Guðmundur M. Kristjáns-
son hafnarstjóri Ísafjarðarbæj-
ar segir að þetta sé ekki réttur
samanburður. „Hafnargjald-
skrá Súðavíkurhrepps hefur
ekki hækkað frá árinu 2006
og ætli þeir séu því ekki á
svipuðu róli og við vorum þá.
Það eru bátar af svipaðri stærð
og sjóstangaveiðibátarnir að
kaupa þjónustu og borga fullt
gjald og því er ekki talin
ástæða til að hygla einum at-
vinnurekanda umfram aðra.
Það yrði þá að vera pólitísk
ákvörðun að ofan en þangað
til verða menn bara að vera
búnir að gera sér grein fyrir
þessum gjaldskrám áður en
farið er í atvinnurekstur, “
segir Guðmundur.
– sigridur@bb.is
Bryggjugjöld hærri hjá
Ísafjarðarbæ en í Súðavík
Fundur stjórnar og trún-
aðarráðs Verkalýðsfélags
Vestfjarða samþykkir stuðn-
ing við aðgerðarhóp SGS
og hvetur landssambönd
innan ASÍ til samstöðu.
Fjölmennur fundur stjórnar
og trúnaðarráðs Verk Vest
furðar sig á viðbrögðum
ríkisstjórnarinnar við hug-
myndum ASÍ skatta- og
velferðarmálum. Á fundin-
um var farið yfir stöðuna í
samningamálum og hver
væru næstu skref af hálfu
launþega. Einnig voru helstu
áhersluatriði stjórnarsátt-
mála ríkisstjórnar Sjálf-
stæðisflokks og Samfylk-
ingar í efnahags- og at-
vinnumálum tekin fyrir og
þau borin saman við kröfur
launþega og áherslur ASÍ í
skatta- og velferðarmálum.
Eftir þann samanburð er
ekki að undra þó launþegar
hafi borið ákveðna bjartsýni
í brjósti gagnvart aðkomu
ríkisstjórnarinnar að kjara-
samningunum.
Eins og komið hefur fram
í fjölmiðlum hefur SGS
komið á fót aðgerðarhópi
sem stjórn og trúnaðarráð
hefur samþykkt að veita
stuðning í formi greiðslna
úr vinnudeilusjóði félagsins
að gefnum ákveðnum for-
sendum. Jafnframt hvetur
fundurinn landssambönd
innan ASÍ til samstöðu í
baráttunni fyrir bættum
kjörum láglauna- og milli-
tekjufólks. „Landsambönd
innan ASÍ verða að leggja
til hliðar séráherslur í kröf-
um sínum til að ná fram
heildstæðum kjarasamning-
um á sameiginlegu samn-
ingaborði við SA“, segir á
verkvest.is.
– thelma@bb.is
Styður að-
gerðahóp SGS
Sinfóníuhljómsveitin er skipuð 80 fastráðnum hljóðfæraleikurum og hana má stækka í allt að 100 manns í einstaka tilfelli.
Sinfóníutónar á Torfnesi
Börn og unglingar fengu að njóta sinfóníutónleika í boði Sinfóníuhljómsveitar Íslands.
Börn og unglingar á norðanverðum Vestfjörðum fengu
vænan skammt af menningu í síðustu viku er Sinfóníu-
hljómsveit Íslands bauð þeim á tónleika í íþróttahúsinu á
Torfnesi. Dagskráin var sérstaklega valin með tilliti til
aldurshópsins frá 5 til 16 ára og var veðrið þema þeirra.
Söngkonan og tónlistarkennarinn Bjarney Ingibjörg
Gunnlaugsdóttir var kynnir. Sinfóníuhljómsveitin er stödd
á Ísafirði til þess að halda hátíðartónleika í tilefni af 60 ára
afmæli Tónlistarskóla Ísafjarðar síðar á þessu ári. Sann-
kallaður hátíðarbragur hvíldi yfir dagskránni, sem var
einstaklega vönduð og metnaðarfull og með mikilli þátttöku
vestfirskra listamanna, og má þar nefna um hundrað
manna hátíðarkór sem stóð í stífum æfingum fyrir viðburð-
inn. Stjórnandi á tónleikunum var Bernharður Wilkinson,
en hann hefur áður stjórnað kórum og hljómsveitum hér
vestra við góðan orðstír.