Bæjarins besta - 18.12.2008, Blaðsíða 40

FIMMTUDAGUR 18. DESEMBER 200840
Tekin í norður Noregi síðasta sumar. Án efa fallegasta sólsetur sem að ég hef séð í lífi mínu.
Allir hlutir eru gott ljósmyndaefni
Anton Eðvarð Kristensen
hefur vakið mikla athygli sem
ljósmyndari hérlendis. Hann
er einungis sextán ára en samt
hafa þegar birst myndir eftir
hann í nokkrum fjölmiðlum
og mynd eftir hann hefur verið
valin í ljósmyndabók sem
kemur út erlendis. Móðir hans,
Sigurlaug Björg Edvarðs-
dóttir, og fósturfaðir, Ragnar
Sæbjörnsson, eru búsett á Ísa-
firði, en Anton býr syðra þar
sem hann stundar nám við
Iðnskólann í Reykjavík á upp-
lýsinga- og fjölmiðlabraut.
Pilturinn á ekki mjög langt
að sækja ljósmyndahæfi-
leikana því Sigurgeir Bjarni
Halldórsson langafi hans var
þekktur ljósmyndari á Ísafirði.
Sigurgeir var sjómaður og
einn fyrsti áhugaljósmyndari
Ísafjarðar, en óalgengt var að
aðrir en atvinnuljósmyndarar
tækju eins mikið af myndum
og hann á þessum tíma. Líkt
og langafinn er Anton ávallt
með myndavélina með sér og
reynir að ná góðum myndum
hvar sem hann er staddur.
Hann segir alla hluti vera gott
ljósmyndaefni, það þurfi
aðeins að sjá þá í réttu ljósi.
Bæjarins besta sló á þráðinn
til Antons og spjallaði við
hann um ljósmyndun.
– Sæll Anton. Okkur barst
til eyrna hér á Bæjarins besta
að þú værir búinn að vekja
töluverða athygli á þér sem
ljósmyndari. Hvenær fórst þú
að stunda ljósmyndun?
„Ljósmyndaáhuginn hefur
ávallt blundað í mér. Ég keypti
mér mína fyrstu myndavél í
ágúst í fyrra og áhuginn greip
mig samstundis. Eftir það tók
ég upp á því að ljósmynda
flest allt. Núna er ég að reyna
að gera áhugamálið að atvinnu
og hef stigið mín fyrstu skref
í þeim efnum.“
– Ertu þá fastráðinn ljós-
myndari fyrir einhverja aðila
eða fyrirtæki?
„Nei, ég er ekki fastráðinn
en það er oft haft samband við
mig og ég beðinn um að mæta
í fyrirtæki og tek þá myndir
sem það ætlar að nota. Svo er
ég beðinn um að ljósmynda
ýmsa viðburði.“
– Hvað ertu gamall?
„Ég er 16 ára.“
– Sextán ára og strax byrjað
að hafa samband við þig til
þess að ljósmynda auglýsing-
ar. Þykir það ekki nokkuð
góður árangur?
„Jú, ég held það bara. Ari
Magg var 19 ára þegar hann
var orðinn atvinnuljósmynd-
ari. Það er því markmiðið hjá
mér að vera kominn á samning
áður en ég verð 19 ára.“
– Hvernig hefur þú vakið
athygli á þér sem ljósmyndari?
Er það aðallega á veraldar-
vefnum?
„Þetta er rosalega mikið í
gegnum tengsl sem ég vek
athygli á mér. Þetta fer mjög
mikið eftir því hvaða fólk
maður þekkir og hvernig mað-
ur hefur samskipti við fólk.
En ég hef einnig vakið athygli
á mér á netinu og með fólki í
kringum mig sem hefur sagt
frá mér.“
– Hefur þú tekið þátt í ein-
hverjum ljósmyndakeppnum?
„Ekki neinum stórum keppn-
um nei. En það birtist ein
mynd eftir mig í bók sem kem-
ur út í New York í apríl á
næsta ári. Svo hafa myndir
eftir mig birst í Séð og heyrt
og Fréttablaðinu.“
– Þegar þú ferð af stað með
myndavélina, er þá eitthvað
eitt myndefni sem þú einbeitir
þér að?
„Ég hef mestan áhuga á
tísku- og auglýsingaljós-
myndun. En sem áhugamál,
þá koma ávallt fyrst upp í huga
mér landslagsmyndir, andlits-
myndir og stúdíómyndir.“
– Sækir þú einhverja við-
burði eða ertu oftast fenginn
til þess að fara á þá og taka
myndir?
„Ég er stundum beðinn um
að mæta á ljósmyndaviðburði,
en ég er að reyna að byggja
mér upp ferilmöppu með ljós-
myndum mínum og er því
duglegur að mæta á ýmsa at-
burði og taka myndir. Eftir að
Mér leiddist alveg hrikalega mikið heima, skellti upp góðri lýsingu og smellti af.
ég hef ljósmyndað þessa at-
burði er ég oft beðinn um að
lána eða selja myndir af þeim.“
– Ertu algjörlega sjálfmennt-
aður eða hefur þú sótt þér
einhverja ljósmyndamennt-
un?
„Ég er algjörlega sjálfmennt-
aður í þessu fagi, en ég byrjaði
síðasta vor í Iðnskólanum í
Reykjavík á upplýsinga- og
fjölmiðlafræðibraut, sem er
undanfari að ljósmyndun og
grafískri hönnun.“
– Reynir þú að ná sem nátt-
úrulegustum myndum eða
notastu mikið við eftirvinnslu
á þeim?