Bæjarins besta - 18.12.2008, Blaðsíða 41

FIMMTUDAGUR 18. DESEMBER 2008 41
„Mér finnst skemmtilegast
að vera einn úti í náttúrunni
með myndavélina og ljós-
mynda náttúruna. Mér þykir
samt gaman að leika mér með
lýsingu og ljósabúnað. T.d.
eru tónleikar besta myndefnið
þegar kemur að lýsingu. Það
kemur samt upp á einstaka
sinnum að ég þurfi að gera
litaleiðréttingu á myndum í
Photoshop í tölvunni og skerpa
myndirnar í því forriti. Ég er
samt ekki mikið að skeyta
saman myndum í tölvunni,
ekki nema ég sé beðinn sér-
staklega um það. Ég hef gert
það í örfá skipti að taka bak-
grunna í burtu af myndum og
setja annan bakgrunn.“
– Er þetta tímafrekt áhuga-
mál?
„Já, rosalega tímafrekt og
mjög mikil peningaeyðsla.“
– Stefnir þú á einhverja frek-
ari menntun í ljósmyndun?
„Já, mjög líklega, eða þá að
ég verð mjög heppinn og
kemst á fastan samning hjá
einhverju auglýsingafyrirtæki
og næ þá að starfa eitthvað
við ljósmyndun á Íslandi. Og
svo kemst maður kannski til
útlanda og starfar þar.“
– Hvaða eiginleika þarf góð-
ur ljósmyndari að hafa?
„Góður ljósmyndari þarf
aðallega að horfa á hluti með
öðrum augum en flest fólk
gerir og sjá öll sjónarhorn á
hlutum sem maður horfir á.
Allir hlutir eru gott ljós-
myndaefni og ef þú ætlar að
taka góða mynd, þá þarft þú
að sjá hlutina í öðru ljósi.“
– En myndir þú nálgast
fréttaljósmyndun á annan
máta?
„Þegar maður kemur á
vettvang í fréttaljósmyndun,
þá verður maður að vera rosa-
lega snöggur að hugsa og
finna myndefnið. Ef maður
kemur að bílslysi, þá þarf
maður að vinna hratt og hefur
knappan tíma til þess að
mynda slysið.“
– Ertu eitthvað búinn að
reyna að ná góðum fréttaljós-
myndum?
„Ég hef sótt borgarafundina
sem haldnir hafa verið síðasta
misserið og tekið myndir af
þeim, en það er voðalega
sjaldan sem ég mæti ekki ljós-
myndara frá Morgunblaðinu
eða Fréttablaðinu á þessum
viðburðum.“
– birgir@bb.is
Sigurrós í Höllinni 23.11.2008 bestu tónleikar sem að ég hef farið á, ekki
skemmdi fyrir að ég fékk að ljósmynda þarna fyrir þá drengi og er hægt að
sjá myndir frá þessu inn á minni heimasíðu og heimasíðu Sigurrósar.
Minnimalismi hafsins. Þessi var tekinn þegar að ég var í heimsókn hjá
pabba mínum í Noregi og við skelltum okkur í smá ljósmyndatúr.
Myndin er tekin í hvalfirði við gömlu hvalstöðina, föt frá
Moods of Norway og íslenskt landslag klikka ekki.