Bæjarins besta - 18.12.2008, Blaðsíða 36

FIMMTUDAGUR 18. DESEMBER 200836
Sr. Fjölnir ásamt eiginkonu sinni Heiðrúnu Tryggvadóttur og börnum.
Gott að vera
komin heim
Sr. Fjölnir Ásbjörnsson og
Heiðrún Tryggvadóttir eru
nýju prestshjónin í Holti í Ön-
undarfirði. Fjölnir var áður
sóknarprestur á Skagaströnd.
Hann vígðist til prestsþjón-
ustu árið 2002 og hefur gegnt
prestsstörfum víða um land,
nokkur fyrstu árin sem afleys-
ingaprestur. Eiginkona séra
Fjölnis er Heiðrún Tryggva-
dóttir kennari og eiga þau þrjá
syni. Bæjarins besta ákvað að
kynnast nýju prestshjónunum
og settist niður með þeim yfir
kaffibolla.
„Heiðrún er Ísfirðingur“,
segir sr. Fjölnir. „Við fluttum
á Ísafjörð árið 2000 og ég var
við ýmis störf fram til 2002.
Þá um haustið sótti ég um að
fá að starfa sem afleysinga-
prestur og þjónaði síðan sem
slíkur á ýmsum stöðum. Fyrst
ár á Sauðárkróki, þaðan fórum
við til Vestmannaeyja, síðan
á Höfn í Hornafirði og loks á
Tálknafjörð. Árið 2006 er ég
svo fastráðinn á Skagaströnd
og þar höfðum við búið í rúm-
lega tvö og hálft ár áður en
við fluttumst hingað. Okkur
leið mjög vel á Skagaströnd
en það togaði í okkur að koma
vestur. Héðan eigum við góð-
ar minningar.“
Fjölnir hafði reyndar lengi
haft augastað á Holti. „Presta-
kallið var síðast auglýst laust
árið 2000 um það leyti sem ég
var að klára námið og því var
ég ekki gjaldgengur að sækja
um. Síðan hef ég alltaf haft
auga á þessu prestakalli.“
– Hvernig leggst það í ykkur
að vera komin vestur?
„Mjög vel. Hér erum við í
umhverfi sem við þekkjum
og hér eigum við stóran vina-
og frændgarð. Sem er líka
mjög gott fyrir strákana okkar.
Það var mjög sérstakt að flytja
t.d. til Eyja eða Hafnar í
Hornafirði þar sem maður
þekkti engan. Við vorum þó
mjög fljót að kynnast fólki.
En það er allt öðruvísi upplif-
un að flytja vestur á firði þar
sem maður kannast vel við
sig.“
Nýtt að búa
úti í sveit
Heiðrún er kennari að mennt
en er eins og stendur í fæðing-
arorlofi með yngsta soninn,
sem kom í heiminn á Jóns-
messunni í sumar. „Ég ætla
að klára fæðingarorlofið mitt
og síðan sé ég til hvað ég geri
næsta haust. Hingað til hefur
ekki verið erfitt að fá starf
sem kennari þó að það sé ef til
vill að breytast. Á öllu þessu
flakki hef ég alltaf getað geng-
ið inn í kennarastarf. Alltaf er
þörf fyrir kennara og það hefur
komið sér mjög vel að vera í
þessu starfi þegar maður er
giftur afleysingapresti. Það er
oft grínast með það að prestar
séu annað hvort giftir kennur-
um eða hjúkrunarfræðing-
um“, segir Heiðrún.
„Já, það er mjög algengt.
Enda hagkvæmt“, skýtur Fjöl-
nir að kíminn.
„Við erum mjög ánægð með
að vera komin aftur á Vest-
firðina“, heldur Heiðrún áfram.
„Við höfum fengið svo góðar
móttökur við komuna að við
erum mjög spennt fyrir þessu.
Eldri strákarnir okkar eru
einnig mjög ánægðir. Þetta eru