Dagblaðið Vísir - DV - 25.06.2008, Síða 28

miðvikudagur 25. júní 200828 FERÐIR DV
Húsavík
Hið íslenska reðursafn er nú með 200 reði. meðal
annars eru 52 eintök af 16 tegundum hvala og 114
eintök af 20 tegundum landspendýra. Safnið er
opið frá klukkan tólf til sex alla daga og er
aðgangseyrir fimm hundruð krónur.
siglufjörður
Síldarminjasafnið er stærsta sjóminja- og iðnaðar-
safn landsins. í þremur ólíkum húsum er hægt að
kynnast síldveiðum og vinnslu á silfri hafsins. Safnið
er opið frá klukkan tíu til sex. aðgangseyrir er 800
krónur og er ókeypis fyrir 12 ára og yngri.
ÁhugavERÐIR
staðir á Norðurlandi
Ásbyrgi
Ásbyrgi er hamrakví í þjóðgarðinum í jökulsárgljúfr-
um og er eitt af mestu náttúruundrum íslands.
Ásbyrgi er innan þjóðgarðsins í jökulsárgljúfrum og
er mikill ferðamannastraumur þangað yfir
sumartímann. Lagðir hafa verið göngustígar um
svæðið og er búið að setja upp upplýsingaskilti um
þær trjá- og blómategundir sem þarna leynast.
Ýmsar lengri og styttri gönguleiðir eru um svæðið.
Skipulagðar gönguferðir eru á sumrin og hægt er
að fá upplýsingar um þær í þjónustumiðstöðinni
við tjaldstæðin fremsti í mynni Ásbyrgis.
Mývatn
jarðböðunum á mývatni svipar að mörgu leyti til
Bláa lónsins á Suðurnesjum en eru á margan hátt
frábrugðin til dæmis er gerð vatnsins allt önnur.
mývetningar hafa notið þess að stunda heit
jarðböð sér til heilsubótar allt frá landnámsöld
enda eru náttúrugæði sveitarinnar einstök. Hiti er í
jörð, heitar uppsprettur eru í gjám og hvergi
annars staðar á íslandi stígur hrein vatnsgufa, laus
við brennistein og aðra mengun, upp úr jörðinni.
aðgangseyrir fyrir sextán ára og eldri er fjórtán
hundruð krónur, tólf til fimmtán ára sjö hundruð
króunr. Fyrir öryrkja og eldri borgarar kostar ellefu
hundruð krónur. Frítt er fyrir ellefu ára og yngri en
aðeins í fylgd með fullorðnum.
Hljóðaklettar
Hljóðaklettar í jökulsárgljúfrum eru sérkennileg
þyrping stuðlabergskletta í mynni vesturdals niðri við
jökulsá á Fjöllum. Þessir klettar munu vera gígtappar
gígaraðar, sem síðara hamfarahlaup jöklu skolaði í
burtu fyrir um það bil 3000 árum. upplagt að ganga
frá hljóðaklettum suður í Hólmatungur. 2 ½- 3
klukkustundir. Sunnan við klettana eru karl og kerling,
tveir hraunstandar neðst í gljúfrinu. Tröllahellir var
bústaður þeirra áður en þau urðu að steinum.
Dettifoss
dettifoss er aflmesti foss íslands. Hann er hluti af
þjóðgarðinum í jökulsárgljúfrum og er skilgreindur
sem náttúruvætti samkvæmt umhverfisstofnun.