Listin að lifa - 01.12.2004, Qupperneq 4

Sannleikanum verður hver...
Ég gagnrýndi Tryggingastofnun ríkisins (TR) í grein í Morgunblaðinu fyrir nokkrum mánuðum, en
var ekki virtur svars. Best að þegja málið í hel, en ég huggaði mig samt við þann gamla málshátt að
- sannleikanum verður hver sárreiðastur.
Aðalatriðið í gagnrýni minni var að TR forðaðist í lengstu
lög í skrifum sínum til lífeyrisþega að útskýra það, hvað
breytingar á lögum haustið 2002 um greiðslur til lífeyris-
þega þýddu í raun og veru. I skrifum TR til lífeyrisþega var talað
út og suður um þær breytingar sem voru í vændum um viðmiðun
lífeyrisgreiðslna, án þess að nefna aðalatriðin.
Til dæmis var þar hvergi nefnt að tekjur ársins 2002 mundu
engin áhrif hafa til skerðingar á lífeyrisgreiðslur frá TR árið 2003,
þegar upp væri staðið. Auðvitað vissi TR þetta, en umfram allt þá
mátti venjulegur lífeyrisþegi ekki vita það. Lífeyrisþeginn gæti ef
til vill fundið upp á því að reyna að hækka tekjur sínar það ár, að
ekki sé talað um það að taka út fjármagnstekjur sínar, og borga
aðeins fjármagnstekjuskatt, 10%, en halda samt tekjutryggingu
sinni frá TR án skerðingar vegna þeirra tekna. Þær skerðingar
nema 22.5% af fjármagnstekjum þeirra sem hafa tekjutryggingu.
Þannig greiða margir aldraðir beint og óbeint 32.5% í skatt af
fjármagnstekjum sínum.
Skyldi óbreyttur alþingismaður vita þetta? Auðvitað voru þetta
skipanir ofan frá í stjórnkerfinu til að lækka lífeyrisgreiðslur til
aldraðra, sem forstjóri TR varð að hlýða, og „að sjálfsögðu" kaus
hann að svara ekki.
Aðalatriði lagabreytinganna var að frá og með árinu 2003
á að miða bætur TR við tekjur sama árs. Tilgangurinn er aug-
ljós. Viðmiðunartekjur hækka a.m.k. sem svarar verðbólgu og
skerðingar greiðslna verða því meiri, að öðru óbreyttu. Um það
leyti sem þetta blað kemur út munu mjög margir lífeyrisþegar
fá kröfu ffá TR um endurgreiðslu vegna þess að tekjur flestra
lífeyrisþega hafa hækkað sem svarar verðbólgu. Sem sé ennþá
ein aðgerð til að sauma betur að öldruðum. Ekki er horft í þann
milljóna aukakostnað sem endurreikningur á öllum bótum hlýtur
að hafa í för með sér fyrir TR.
En mótleik verða menn helst að hafa í hverri skák og í vörn
er það oft besti leikurinn að reyna að flækja stöðuna. í þessu
tilfelli valdi TR að beina athyglinni frá núverandi hremmingum
aldraðra, og efna til morgunverðarfundar þar sem á dagskrá var
í raun aðeins eitt mál. Það var það, að ef fram fer sem horfir, þá
verður framtíðarsýnin sú að eftir 30 ár fá margir ellilífeyrisþegar
mjög há eftirlaun. Það er að segja þeir sem hafa á starfsævi sinni
haft góðar tekjur og borgað í lífeyrissjóð talsverðan hluta tekna
sinna. Ræðumaðurinn, sem var fyrrverandi forseti ASÍ, minnt-
ist hinsvegar ekki einu orði á öryrkja eða atvinnulausa og aðra
sem hafa ekki háar tekjur og fá þess vegna lágar greiðslur úr
lífeyrissjóðum.
Stórlega misheppnaður leikur, ekki síst vegna þess að ef og
þegar þessi gósentíð rennur upp, þá verður fjöldi fundarmanna
genginn á vit feðranna. Einstaka blómarós sem mætt var gæti ef
til vill upplifað þessa gósentíð, en þær voru því miður alltof fáar.
Þeir sem málið í raun og veru varðar voru fáir mættir, enda hafa
yngri menn og konur lítinn áhuga á starfsemi TR ennþá.
Mætti ef til vill biðja alþingismenn að fara sér bægar í að
lækka skuldir ríkissjóðs, og gera eilítið meira fyrir öryrkja og
aldraða? En þeim virðist það vera sanngjarnt að lækka ört skuldir
ríkissjóðs, meðal annars með lágum greiðslum til aldraðra og
annarra sem minna mega sín í okkar svokallaða velferðarkerfi.
Að lokum, stæði ekki Tryggingastofnun ríkisins það nær að halda
morgunverðarfund um málefni skjólstæðinga sinna eins og þau
eru i dag? Eða er það yfirvöldum ef til vill ekki þóknanlegt?
Pétur Gudmundsson
Kjaramálafundur:
Félög eldri borgara í Suðvestur kjördæmi boða til sameigin-
legs opins fúndar um kjaramál eldri borgara, laugardaginn
22. janúar 2005, kl. 14-17, í safhaðarheimili Vídalínskirkju,
Kirkjuhvoli við Kirkjulund í Garðabæ.
Til þessa fundar er alþingismönnum kjördæmisins boðið, til
að gera grein fyrir afstöðu sinni, í stuttu máli, til þessa mála-
flokks, svo og að taka þátt í pallborðsumræðum, að loknum
framsöguerindum, þar sem fundarmönnum gefst kostur á að
leggja fram spurningar og athugasemdir.
Það er kominn tími til að ráðamenn þjóðarinnar standi við
kosningaloforðin.
Það styttist óðum í næstu kosningar og það er undir okkur
komið hvort umboð þeirra alþingismanna, sem nú sitja, verði
endurnýjað eða ekki.
Eldri borgarar eru hvattir til að mæta og láta í sér heyra um
kjaramál sín.
Félög eldri borgara um land allt eru einnig hvött til að efna
til kjaramálafunda í kjördæmum sínum og láta þingmenn gera
grein fyrir afstöðu sinni.
Félag eldri borgara á Álftanesi
Félag eldri borgara í Garðaba
Félag eldri borgara í Flafnaifirði
Félag aldraðra í Mosfellsba og nágrenni (FAMOS)
Félag eldri borgara í Kópavogi
4