Fréttatíminn - 05.06.2015, Blaðsíða 24

dvaldi þar, aðallega í Gambíu, við
rannsóknir sínar. „Það var mikið
ævintýri út af fyrir sig að búa þar
innan um þetta fólk og hvað þá að
stunda rannsóknirnar sem fóru í
stórum dráttum þannig fram að ég
leigði mér túlk og fór á milli staða
undir merkjum aðferðarfræði sem
heitir einfaldlega „to see what is
there“. Þegar ég fór svo að skoða
viðtölin sem ég hafði tekið upp
á segulband kom í ljós að það er
ýmislegt sameiginlegt með þeim
öndum sem galdramennirnir þarna
telja sig vera í nánum samskiptum
við og álfunum og huldufólkinu sem
amma og afi höfðu sagt mér frá þótt
langt sé á milli. Maðurinn, hvar sem
hann er á jörðinni, nálgast nefnilega
heiminn með svipuðum hætti þótt
enginn samskipti eða skyldleiki sé
á milli.“
Ferðirnar til Afríku urðu tvær
með nokkurra mánaða dvöl í hvort
skipti en fjármagnið var ekki mikið
og nefnir Jón Ársæll sem dæmi að
hann hafi farið á puttanum aftur
heim til Íslands í bæði skiptin. „Þá
var ég í Senegal og fór niður á höfn á
hverjum degi til að athuga hvort þar
lægju einhver skip sem væru á leið-
inni til Evrópu. Þegar ég fann þau
svo fékk ég far gegn því að vinna um
borð á leiðinni fyrir fæði.“
Féll fyrir meintri fyrirsætu
Þegar Jón Ársæll kom heim frá Afr-
íku eftir seinni ferðina lá leið hans
sem oftar á bar í Reykjavík þar
sem hann hitti undurfagra stúlku,
Steinunni Þórarinsdóttur mynd-
listarkonu, sem reyndist nýkomin
heim frá Ítalíu og þar réðust örlög
hans. „Ég hreifst af þessari konu,
spurði hvort hún hefði verið fyrir-
sæta á Ítalíu og hún féll fyrir því.
Hún flutti fljótlega inn til mín og síð-
an höfum við búið saman og eigum
tvo syni, Þórð Inga sem er 22 ára
gamall heimspekinemi, tónskáld
og rappari, og Þórarin Inga 32 ára
sem er myndlistarmaður. Steinunn
er gimsteinn lífs míns og kom inn
í það alveg á réttum tíma. Ég hef
líka orðið þeirrar gleði aðnjótandi
að fá að aðstoða hana í myndlistinni
þegar hún hefur þurft á að halda.
Var meira að segja módel hjá henni
stundum í gamla daga en eftir að ég
fór að fitna lauk þeim ferli og eldri
sonurinn tók við módelhlutverkinu. Við erum nú
búin að vera saman í þrjátíu og fimm ár en höfðum
aldrei gift okkur, einhverra hluta vegna, en drifum
í því núna í vetur, fannst vera kominn tími til. Við
höfum ekkert verið að flagga þessu en auðvitað er
það ekkert leyndarmál. Það má segja að eftir þrjátíu
og fimm ára sambúð séum við nokkuð viss um það
að hjónabandið muni endast.”
Gróa hefur oft rétt fyrir sér
Gróa á Leiti hefur haldið því fram undanfarna mán-
uði að Jón Ársæll sé alvarlega veikur og því liggur
beint við að spyrja hvort eitthvað sé hæft í því og
hvort þar liggi hluti af ástæðunni fyrir endalok-
um Sjálfstæðs fólks. „Gróa hefur nú oft á réttu að
standa og ég hef átt við veikindi að stríða. Er mikill
gigtarsjúklingur, sem uppgötvaðist fyrir fimmtán
árum síðan en það eru kominn svo öflug lyf við
gigtinni að ég er svona í stórum dráttum einkenna-
laus. Hins vegar hafa fylgt þessu hliðarverkanir
og ég hef verið í miklum rannsóknum undanfarna
mánuði. Það kom í ljós að ég er með hjartatif og eitt
og annað sem verið er að vinna í að laga. Meðal ein-
kennanna var að það leið yfir mig hist og her sem
endaði með yfirliði í stiganum hérna heima þannig
að ég datt illa og axlarbrotnaði og á í því núna. En
þetta horfir nú allt til betri vegar.“
Hér tekur samtalið netta u-beygju um órannsak-
anlega vegi lífsins og í ljós kemur að Jón Ársæll
hefur verið „að þrælast í gegnum“ Biblíuna eins og
hann orðar það, og er Jobsbók í sérstöku uppáhaldi.
Finnur hann til samsömunar við Job? „Það er Job í
okkur öllum,“ segir hann og glottir. „Ég hef meira
að segja setið á jörðinni á slóðum Jobs og ausið
yfir mig sandi. Þá var ég að gera þátt um Halldór
Ásgrímsson sem leiddi okkur á þessar slóðir. Þar
Ég var um
tíma í hópi
sem hafði
afskaplega
gaman af
því að hjóla
naktinn um
bæinn að
næturlagi og
við lentum
í alls kyns
ævintýrum í
þeim ferðum
24 viðtal Helgin 5.-7. júní 2015
Prófaðu þetta
heyrnartæki í 7 daga
Bókaðu tíma í fría heyrnar mælingu
Sími 568 6880
www.heyrnartaekni.is
Heyrnarskerðing er þreytandi!
Heyrnartækni | Glæsibæ | Álfheimum 74 | 104 Reykjavík | Landsbyggðaþjónusta | Sími 568 6880
Ofurnett - ósýnileg í eyra eða falin á bak við eyra
Alta2 heyrnartækin frá Oticon búa yfir
einstakri tækni sem kallast BrainHearing™.
Þessi tækni hjálpar heilanum að vinna
betur úr hljóði þannig að þú upplifir það
eins eðlilega og hægt er. Með Alta2
heyrnartækjunum verður auðveldara fyrir
þig að heyra og skilja, hvort heldur sem
um lágvært samtal er að ræða eða
samræður í krefjandi aðstæðum.