Fréttatíminn - 06.03.2015, Page 52

52 matur & vín Helgin 6.-8. mars 2015
Fáðu meira
út úr Fríinu
gerðu verðsamanburð á hótelum og bílaleigubílum á túristi.is
F ram til þessa hefur The Annual Icelandic Beer Festival verið öllum opin en nú var í fyrsta sinn
selt inn á hátíðina. Fyrir litlar sjö
þúsund krónur gátu gestir bragðað
á góðum bjór fjóra daga í röð og er
óhætt að fullyrða að þetta fyrir-
komulag sé mun betra. Uppselt
var á hátíðina og hún frábærlega
heppnuð.
Tilraunamennska að norðan
Hátíðin hófst síðdegis á fimmtu-
dag. Bruggsmiðjan á Árskógssandi
bauð upp á fjóra Kalda-bjóra. Þar
af voru tveir nýir sem aðeins hafa
verið fáanlegir á völdum börum að
undanförnu, Kaldi IPA og Kaldi
Barley Wine. IPA-bjórinn er mjög
humlaður og 7,3% að styrkleika.
Barley Wine-ið reyndist afar kröft-
ugt enda um 10%. Báðir voru þessir
nýju Kalda-bjórar skemmtileg, og
tímabær, viðbót við framleiðslu
fyrirtækisins.
Ölvisholt var með þrjá bjóra á
hátíðinni. Lava og Skjálfta þekkja
flestir en nýjasta viðbótin var
páskabjór brugghússins, brúnölið
Barón. Allir þrír stóðu fyrir sínu.
Erlendu gestirnir á fimmtudags-
kvöldinu voru frá Breakside brugg-
húsinu í Portland í Oregon-fylki.
Þeir komu með tvo bjóra með sér á
krana; Breakside IPA og Breakside
Salted Caramel Stout. IPA-bjórinn
hefur að sögn bruggaranna hlotið
verðlaun í sínum flokki vestanhafs.
Stout-bjórinn var sérstaklega vel
heppnaður.
Lífræn sending frá Portland
Á föstudeginum var komið að Vífil-
felli og Einstök að halda uppi heiðri
íslenskrar framleiðslu. Einstök var
með sína hefðbundnu bjóra en hjá
Vífilfelli var smá tilraunastarfsemi
í gangi. Hinn ágæti Páska Bock
hafði fengið smá yfirhalningu af
þessu tilefni, með anís og vanillu
út í. Skemmtileg nýbreytni og vel
tilraunarinnar virði.
Hopworks er annað brugghús
frá Portland í Oregon sem heiðraði
okkur með nærveru sinni á bjórhá-
tíðinni á Kex. Brugghúsið sérhæfir
sig í lífrænum bjórum og leggur
áherslu á sjálfbærni og hráefni úr
nærumhverfinu. Hopworks bauð
upp á lífrænan IPA, Rise Up Red
rauðöl og Imperial Stout-bjór sem
kallast Motherland. Því miður eru
Hopworks-bjórarnir ekki fáan-
legir í Vínbúðunum, ekki frekar en
bjórar Breakside.
Mikil eftirspurn eftir Mikkeller
og félögum
Það var áberandi mest af gestum
á laugardeginum enda kannski
mesta eftirvæntingin eftir heim-
sókn Mikkeller og To Øl. Strákarn-
ir í Borg brugghúsi voru fulltrúar
lands og þjóðar ásamt félögum
sínum í Ölgerðinni. Ölgerðin bauð
upp á Páskagull, sem að þessu
sinni er hveitibjór að þýskum sið,
og ósíaðan Bola. Borg var með
páskabjórinn Þorlák, Surt Nr. 8 frá
2012, Júdas og nýjan Session IPA,
4,5% að styrkleika. Sá síðastnefndi
var sérstaklega skemmtilegur
og væri óskandi að hann rataði á
flöskur í framtíðinni.
Danski farandbruggarinn
Mikkel Borg Bjergsø, stofnandi
og eigandi Mikkeller, kom sjálfur
hingað til lands á bjórhátíðina og til
að opna nýjan bar við Hverfisgötu.
Fjögurra
daga bjórveisla
The Annual Icelandic Beer Festival var haldin í fjórða sinn á Kex
Hostel um síðustu helgi. Hátíðin var veglegri en nokkru sinni
áður og hægt var að bragða á bjór frá skemmtilegum brugg-
húsum utan úr heimi. Fréttatíminn fylgdist með hátíðinni.
Margt var um manninn á árlegri bjórhátíð á Kex Hostel um síðustu helgi. Íslensku brugghúsin og brugghús utan úr heimi kynntu framleiðslu sína fyrir íslensku áhugafólki um bjór. Hátíðin var afar vel heppnuð. Ljósmynd/Hari
Mikkeller bauð upp á hinn frábæra
Beer Geek Breakfast og fimm for-
vitnilega bjóra í kaupbæti. Þeir
voru rauðölið Erik the Red, IPA-
bjórinn Koppi, Crooked Moon sem
er tvöfaldur IPA, hinn glúteinlausi
Peter Pale and Mary og Ahhh Öl
sem er bruggaður að belgískum
sið. Skemmst er frá að segja að
þeir voru allir mjög skemmti-
legir en morgunverðarölið stóð þó
upp úr. Hægt er að fá Beer Geek
Breakfast á Mikkeller-barnum við
Hverfisgötu.
Félagar Mikkels og lærlingar í
To Øl voru sömuleiðis í góðu stuði.
Þeir buðu upp á svakalegan bjór
sem kallast Hardcore Mælk og er
samvinnuverkefni To Øl og skoska
brugghússins BrewDog. Þetta er
blanda af Hardcore IPA frá Brew-
Dog og Sort Mælk frá To Øl sem
hefur fengið að þroskast í skoskum
eikartunnum.
Auk þess buðu þeir félagar upp
á súran bjór, Sur Amarillo, áður-
nefndan Sort Mælk, frábæran IPA
sem kallast Insane in the Grain
og Eurodancer, sem er American
Pale Ale.
Frábær upplifun frá Evil Twin
Á lokadegi bjórhátíðarinnar,
sunnudegi, voru þrjú erlend brugg-
hús í aðalhlutverki, en Steðji bauð
upp á sinn bjór í flöskum. Hið
kunna brugghús Founders bauð
upp á All Day IPA af krana og
nokkra af bjórum sínum í flösku.
Ekkert var út á vörurnar að setja,
nema síður sé, en skemmtilegra
hefði verið ef fleiri hefðu verið á
krana.
Fulltrúar Two Roads, sem rekið
er frá Stratford í Connecticut,
mættu með fimm flotta bjóra. Þrír
af þeim stóðu upp úr. Honespot
Road var svokallaður White IPA,
tiltölulega léttur og ferskur. Road
2 Ruin var tvöfaldur IPA, mjög þétt-
ur, og Igor’s Dream var skemmti-
legur Russian Imperial Stout sem
er þroskaður í viskítunnum.
Stjarna kvöldsins var hins vegar
Evil Twin. Stofnandi þess er Jeppe
Jarnit-Bjergsø, bróðir Mikkels í
Mikkeller. Jeppe stofnaði Evil Twin
árið 2010 og hefur verið duglegur
að brugga nýja og forvitnilega
bjóra. Hann sendi til að mynda frá
sér yfir 40 bjóra árið 2012.
Á Kex bauð hann upp á hinn
skemmtilega Yin & Yang sem
raunar er tveir bjórar af ólíkum
stíl sem blandað er saman. Yin er
Imperial Stout og Yang er IPA og
á Kex gastu annað hvort fengið þá
í sitt hvoru lagi eða látið blanda
þeim saman. Yin & Yang er frábær
upplifun. Svo skemmtilega vill til
að þeir fást í ríkinu svo það er um
að gera að prófa.
Auk þess var í boði hinn lauflétti
Bikini Beer, frábær pilsner sem
kallast Low Life og frábær Stout, I
Love You With My Stout, heil 12%
með miklu kaffi- og súkkulaði-
bragði.
Áhugaverðir gestir að utan
Þessi árlega bjórhátíð var afar vel
heppnuð að þessu sinni og rímar
vel við breytt landslag í bjórmenn-
ingunni í miðborginni. Nýja fyrir-
komulagið tryggði það að ekki
mynduðust of langar biðraðir og
öllum gafst tækifæri til að spjalla
við bruggarana ef þeim svo sýnd-
ist. Mikilvægast var þó að hingað
voru fengin áhugaverð erlend
brugghús. Í bland við hina ágætu
innlendu framleiðslu var hægt að
kynna sér nýja og spennandi bjóra
að utan, sem fæstir eru fáanlegir
í Vínbúðunum, og er vonandi að
framhald verði á.
Höskuldur Daði Magnússon
hdm@frettatiminn.is
Hopworks í Portland, sem sérhæfir sig í lífrænum bjór, var eitt þeirra brugghúsa sem kynnti bjóra sína á Kex Hostel.