Fréttatíminn - 24.04.2015, Síða 36

36 fjölskyldan Helgin 24.-26. apríl 2015
F ræðsla er samofin sýningunni á margvíslegan hátt og á sýningunni er fræðsluefni sem býður upp á
leik og hvetur til skapandi hugsunar um
verk og inntak sýningarinnar,“ segir
Hlín Gylfadóttir, safnfræðslufulltrúi
Þjóðminjasafns Íslands, sem sá um gerð
fræðsluefnis á sýningunni Sjónarhorn
sem opnuð var í Safnahúsinu við Hverfis-
götu þann 18. apríl. Nokkur fræðslurými
eru á sýningunni og eru þrjú þeirra sér-
staklega ætluð fjölskyldum.
Sjónarhorn er grunnsýning á íslensk-
um myndheimi og sjónrænum menning-
ararfi. Að sýningunni standa höfuðsöfnin
þrjú, Þjóðminjasafn Íslands, Listasafn
Íslands og Náttúruminjasafn Íslands, auk
Þjóðskjalasafns Íslands, Landsbókasafns-
Háskólabókasafns og Stofnunar Árna
Magnússonar í íslenskum fræðum. Sam-
starf þessara sex stofnana býður upp á
einstakt tækifæri til að skoða arfleifðina
í nýju samhengi og með nýstárlegum
hætti.
Mikil áhersla er lögð á fræðslugildi
sýningarinnar og vann Hlín fræðslu-
efnið í samstarfi við sýningarstjórann
Markús Þór Andrésson og miðlunarsvið
Þjóðminjasafnsins á meðan sýningin var
í mótun en algengara er að fræðsluefni
sé unnið eftir á. „Fjölskyldufræðslan er
byggð þannig upp að börn og fullorðnir
geta unnið verkefni í sameiningu. Við
göngum út frá því að allar kynslóðir hafi
eitthvað til málanna að leggja og galdr-
arnir gerast þegar samræðan á sér stað
milli kynslóða. Allir geta nálgast fræðslu-
efnið á sínum forsendum, börn, ömmur
og afar, mömmu og pabbar,“ segir hún.
Fræðsluefnið miðar að því að leiða fólk
áfram með leikjum, spilum og þrautum.
Hlín tekur sem dæmi að á efstu hæð
Safnahússins sé útgangspunktur sýn-
ingarinnar samband okkar við umhverfið,
og þar er fræðslurýmið sett upp eins og
útilegutjald sem býður upp á hlutverkal-
eik. „Þar er hægt að leika sér, endurupp-
lifa hvernig við tengjumst náttúrunni og
slaka á. Það getur heilmikill lærdómur
falist því bara að njóta,“ segir hún.
Á annarri hæð Safnahússins er fræðslu-
rými sem er unnið í nánu samstarfi við
Náttúruminjasafnið og gefst ungum sem
öldnum þar tækifæri til að flokka, raða og
skoða ýmis fyrirbæri úr náttúrunni.
Hlín segir að viðbrögðin við fræðslu-
efninu hafi verið afar jákvæð og hún segir
virkilega gaman að sjá fólk nýta sér það.
„Stundum getur verið erfitt að fara með
börn á sýningar en þá er hægt að nota
fræðslurýmin til að leika sér inni á milli
og þar þarf ekki að hafa áhyggjur af því
að börnin snerti eitthvað sem þau mega
ekki snerta. Fræðslurýmin gera heim-
sókn í Safnahúsið að enn áhugaverðari
samverustund barna og fullorðinna,“
segir hún.
Erla Hlynsdóttir
erla@frettatiminn.is
 Fjölskyldan Tilvalið er að Fjölskyldan Fari saman í saFnahúsið
Fjölskylduvæn fræðsla
í Safnahúsinu
Mikil áhersla er lögð á fræðsluefni á sýningunni Sjónarhorn sem stendur yfir í Safnahúsinu. Þrjú
fræðslurými eru sérstaklega ætluð fjölskyldum þar sem hægt er að leika sér, leysa þrautir og
ekki þarf að hafa áhyggjur af því að börnin snerti eitthvað sem ekki má snerta.
Fræðsluefnið á annarri hæð er unnið í samstarfi við Náttúruminjasafn Íslands og er þar hægt að prófa sig áfram með nátt-
úrulegan efnivið. Ljósmyndir/Hari
Á efstu hæð Safna-
hússins er búið að
setja upp tjald í sér-
stöku fræðslurými
þar sem líkt er eftir
útilegu í náttúrunni
og meira að segja
heyrast upptökur
af raunverulegum
fuglahljóðum.
Opið
MÁNUDAGA
TiL LAUGARDAGA
KL. 11-18
OG
SUNNUDAGA
KL. 13-18
tekk company og habitat | kauptún 3 | sími 564 4400 | www.tekk.is
TAX
FREE
20%
AFSLÁTTUR
AF ÖLLUM
VÖRUM
SKOÐAÐU
VÖRUÚRVALIÐ
Á
TEKK.IS
síÐasta
tiLboÐs
heLgi
SUMARIÐ ER KOMIÐ
Í KRUMMA
TRAMPÓLÍN, RÓLUR OG
FLEIRI LEIKTÆKI Í GARÐINN
KÍKTU Á VEFVE
RSLUN
KRUMMA.IS
Gylfaflöt 7 112 Reykjavík 587 8700 www.krumma.is