Iðnaðarmál - 01.03.1959, Blaðsíða 5
Úr raftœknideild brezks iSnirœSiskóla.
Að því er námskostnaðinn varðar,
er það fyrst og fremst dvalarkostnað-
ur, sem um munar. Skólagjaldið er
oftast mjög hóflegt, og yfirleitt má
kaupa notaðar námsbækur gegnum
nemendafélög hlutaðeigandi skóla.
Þess ber að gæta, að hvert ár er
minnst 10 mánaða kennsla, en af því
leiðir, að engin aukastörf koma til
greina, meðan á náminu stendur. Sem
betur fer, eru til ýmsir sjóðir, sem
veita námsstyrki, bæði innlendir og
erlendir.
Um inntökuskilyrði er það að
segja, að flestir skólanna hafa sérstakt
inntökupróf fyrir umsækjendur.
Venjulegar námsgreinar til undirbún-
ings sliku prófi eru, auk tungumála:
fríhendisteikning, reikningur, talna-
fræði (aritmetik), flatarmálsfræði
(geometri), eðlisfræði og efnafræði.
Yfirleitt eru inntökuprófin ekki mjög
erfið, en námið þyngist fljótt. Það er
þess vegna mjög mikilvægt að vera
vel undir það búinn, og ég vil sérstak-
lega minna á stærðfræðina.
Það ætti að vera þarflaust að
eyða mörgum orðum að nauðsyn
þess að hafa full tök á því máli, sem
talað er í skólanum. Þó er það svo, að
sumir vara sig ekki á því, að eitt er
að læra erlent tungumál á venjulegan
hátt í heimalandi sínu og annað að
vera algjörlega háður þessu máli við
nám erlendis.
Nú vill svo vel til, að flestir þessara
skóla hafa undirbúningsnámskeið fyr-
ir þá, sem vilja búa sig undir inntöku-
prófið. Ég vil eindregið ráðleggja
nokkurra mánaða dvöl í hlutaðeig-
andi landi, áður en námið hefst að
marki. Þennan tíma mætti m. a. nota
til þátttöku í áðurnefndum námskeið-
um, jafnvel þótt kunnátta í þeim
greinum, sem þar eru kenndar, sé fyr-
ir hendi.
í tveimur iðngreinum eiga menn
kost á framhaldsnámi hér á landi.
Vélskólinn í Reykjavík starfrækir
vélfræði- og rafmagnsdeild. Námið
stendur 2 vetur. Inntökuskilyrði eru
4 ára iðnnám og burtfararpróf úr iðn-
skóla.
Háspennuréttindi rafvirkja eru
bundin við próf úr rafmagnsdeild-
inni.
Yfirvélstjóraréttindi á eimskipum
með allt að 1200 ha gangvél eru bund-
in við próf úr vélfræðideildinni, en
til viðbótar getur komið eins vetrar
skólaganga í rafmagnsdeild skólans,
og hafa menn þá réttindi til að vera
yfirvélstjórar á hvaða eim- eða vél-
skipi sem er, ef skilyrðum um sigl-
ingatíma sem undirmenn í vélarrúmi
er fullnægt.
Ég vil benda á, að í Vélskólanum
er heimavist fyrir nemendur utan af
landi. Ekki er óalgengt, að þeir, sem
lokið hafa prófi úr skólanum, haldi
áfram erlendis með iðnfræðinám.
Af því, sem hér hefur verið skrifað,
má vera ljóst, að hver, sem á annað
borð hefur löngun og aðstæður til að
halda áfram á iðnmenntabrautinni, á
að geta fundið eitthvað við sitt hæfi.
Til þess að slíkt framhaldsnám beri
tilætlaðan árangur, þarf nemandinn
að hafa gert sér grein fyrir því með
góðum fyrirvara, að hverju hann
gengur, þannig að tími vinnist til
undirbúnings.
Það þarf t. d. að velja úr þeim
fjölda tímarita, sem á boðstólum er.
Það þarf að byrja á réttum bréfanám-
skeiðum og halda skipulega áfram.
Og þeir, sem ætla að starfa nokkurn
tíma í útlöndum, þurfa áður að at-
huga, hvernig þeir geta haft mest
gagn af dvalartímanum.
Mestan undirbúning þurfa að sjálf-
sögðu þeir, sem hyggja á framhalds-
skólanám. Það mætti e. t. v. haga
þeim undirbúningi eitthvað á þessa
leið:
a) Leita upplýsinga um kennslubæk-
ur hlutaðeigandi skóla og útvega
þær, sem notaðar eru í fyrsta bekk
og kunna að valda námserfiðleik-
um.
b) Útvega tilsögn um undirstöðuat-
riðin í þessum námsgreinum, jafn-
framt hliðsjón af þessum bókum í
sambandi við tungumálanám.
c) Hefja undirbúninginn með góð-
um fyrirvara, helzt eins árs.
d) Gera sér fulla grein fyrir þeim at-
riðum, sem áður hafa verið nefnd,
en þau voru: nauðsynleg almenn
undirbúningsmenntun, inntöku-
skilyrði, námskostnaður og yfir-
færslumöguleikar, námstími og
réttindi hér heima að náminu
loknu.
Mjög æskilegt væri, að sem fyrst
yrði komið á stofn nokkurs konar
upplýsingamiðstöð, þar sem ungir
menn og aðstandendur þeirra ættu að-
gang að lesmáli um allt hið markverð-
asta, sem varðar þetta málefni.
Erlendu skólarnir mundu eflaust
sjá hag sinn í því að senda slíkri
stofnun árlega skýrslur með öllum
upplýsingum.
Sömuleiðis ættu að vera sýnishorn
af heppilegum tímaritum, upplýsing-
ar um bréfaskóla, um möguleika til
að fá vinnu við erlendar verksmiðjur
eða fyrirtæki og margt fleira.
Hafi greinarstúfur þessi vakið ein-
hvern til umhugsunar um nauðsyn
þess, að iðnaðarmenn okkar fái hina
réttu tækniþjálfun, og vilji einhver
leggja þessu aðkallandi málefni æsk-
unnar lið, er tilganginum náð.
IÐNAÐARMAL
25