Neytendablaðið - 01.03.2011, Blaðsíða 14
Neytendasamtökin könnuðu úrvalið af þvottavélum og fundu alls
110 tegundir til sölu hérlendis. Af þessum 110 vélum kostuðu
38 vélar minna en 100.000 kr., 43 vélar voru á bilinu 100.000
til 150.000 kr., 20 vélar á bilinu 150.000 til 200.000 kr. og 9
vélar kostuðu meira en 200.000 kr. Þvottavélar af tegundinni
Asko voru áberandi meðal dýrari véla og Candy meðal þeirra
ódýrustu. Markaðskönnunin er aðgengileg félagsmönnum á
www.ns.is.
Könnun ICRT (International Research and Testing) náði til um 200
þvottavéla. Einungis 10 af þeim voru til sölu á Íslandi og flestar í
dýrari kantinum eða yfir 150.000 kr. 75% þvottavéla sem eru til
sölu á Íslandi kosta hins vegar minna en 150.000 kr.
Gæði véla frá einstökum framleiðendum
Þó að erfitt sé að mæla með einstökum þvottavélum er þó hægt,
með fyrirvara, að mæla með einstökum framleiðendum. Könnun
ICRT sýnir einhverja (þó ekki undantekningarlausa) fylgni á milli
gæða og merkja og vélar frá sama framleiðanda eru oft með sömu
hönnun og nýta sama búnað.
Í neðri töflunni á næstu síðu eru birtar meðaleinkunnir og hæstu
og lægstu einkunnir sem þvottavélar hvers framleiðanda fengu í
könnun ICRT. Taflan sýnir einnig fjölda véla sem voru í könnuninni
og tölurnar verða marktækari eftir því sem vélunum fjölgar. Þá
sýnir taflan meðalverð á þvottavélum hvers framleiðanda á Íslandi
og fjölda véla sem voru í markaðskönnun Neytendasamtakanna.
Sjá má að það er góð fylgni á milli verðs á íslenskum markaði og
gæða í könnun ICRT. Sumir framleiðendur skera sig þó úr og virðast
almennt van eða ofmetnir m.t.t. verðlagningar. Vélar frá Asko,
dýrasta framleiðendanum, koma ekki eins vel út í könnuninni og
ætla mætti út frá hinu háa verði. Miele virðist hins vegar almennt
vera öruggur kostur fyrir þá sem vilja hágæða þvottavél. Whirlpool
fær góðar einkunnir og verðið er jafnframt hóflegt og það sama
má segja um Beko. LG og Gorenje virðast hinsvegar ofmetnar.
Þvottavélar frá Candy fá að meðaltali mjög lágar einkunnir, meðal
annars þær tvær sem eru til sölu á Íslandi, en verðið er einnig lágt.
Tekið skal fram að hér eru sýndar meðaltalseinkunnir allra véla frá
öllum framleiðendum sem voru með í gæðakönnun ICRT en ekki
einkunnir einstakra þvottavéla. Þessar upplýsingar eru því í besta
falli ákveðin vísbending.
Mikilvægir eiginleikar
Íslenskt stjórnborð. Einungis ein af þeim tíu vélum sem er í
gæðakönnuninni er með íslenskt stjórnborð. Markaðskönnunin
sýndi að allar vélar frá Siemens (til sölu hjá Smith & Norland),
sumar vélar frá AEG (til sölu hjá Ormsson) og sumar vélar frá
Whirlpool (til sölu hjá Heimilistækjum) eru með íslenskt stjórnborð.
Allar aðrar vélar eru með stjórnborð á ensku eða öðrum erlendum
tungumálum.
Snúningshraði. Hámarkssnúningshraði getur skipt máli. Óformleg
könnun Neytendasamtakanna bendir til þess að einungis um
helmingur Íslendinga noti þurrkara reglulega. Hraður snúningur
þeytir miklu vatni úr þvottinum sem þornar þá fyrr á snúrum.
Ókosturinn er hins vegar sá að álagið á þvottinn eykst eftir því
sem hraði vindunnar er meiri og þar með slitnar þvotturinn fyrr.
Þumalputtaregla er að því hraðar sem vélin snýst, því dýrari er
hún. Ódýrustu vélarnar eru með allt að 1000 eða 1200 snúningum
á mínútu. Hægt er að fá þvottavél með snúning uppá allt að 1400/
mín. fyrir minna en 100.000 kr. (sérstaklega frá Whirlpool, til sölu
hjá Elko og Heimilistækjum) en vélar með snúning uppá allt að
1600/mín. kosta frá 110.000 kr. (þær ódýrustu eru frá Hotpoint
Ariston og eru til sölu í Elko). Aðeins örfáar dýrar vélar geta snúið
hraðar en 1600/mín.
Þvottavélar
Fylgni milli verðs og gæða – með undantekningum þó
Hotpoint Ariston ECO7D149 er ásættanleg en þó ekki framúrskarandi vél og er í
ódýrari kantinum.
Miele W1714 fær mjög góðar einkunnir og þvær sérstaklega vel. Hún er hins vegar
dýr og ekki er hægt að stilla hana fram í tímann.
14 NEYTENDABLA‹I‹ 1. TBL. 2011