Ægir - 01.06.2003, Blaðsíða 19
19
E Y J A B R Æ Ð U R
rekkageymslu. Með stækkun Ís-
heima höfum við tæplega tvöfald-
að frystirýmið hjá okkur og allt
flutningaferlið verður mun mark-
vissara og hagkvæmara“ segir
Hinrik Örn.
Auk stærri Ísheima hafa verið
gerðar miklar úrbætur á hafnar-
svæði Samskipa á Holtabakka.
Heildarlengd Hafnarbakka í dag
er um 500 metrar og jafnframt
var innsiglingin dýpkuð, sem
gerir það að verkum að nú geta
allt að fimm togarar auk flutn-
ingskips Samskipa legið í einu
við bryggju.
Sveiflur í útflutningi
sjávarafurða
Hinrik Örn segir að jafnan séu
miklar sveiflur í gámaútflutningi
sjávarafurða, sem að sjálfsögu
haldast í hendur við aflabrögð á
hverjum tíma. „Það er líka mis-
munandi hvernig varan er flutt til
viðskiptavina erlendis. Sem dæmi
eru loðnuafurðir fluttar til Asíu í
gámum, en Rússarnir taka þær á
„trömpurum“, segir Hinrik Örn.
Hinrik Örn Bjarnason, deildarstjóri útflutningsdeildar Samskipa. Myndir: Eitt stopp/Hreinn Magnússon.
Eyjamaður í húð og hár
Hinrik Örn Bjarnason er Eyjamaður í húð og hár.
Hann bjó þar allar götur þar til leiðin lá í Verslunar-
skólann í Reykjavík og síðar nam hann viðskipta-
fræði við Háskóla Íslands og útskrifaðist árið 1998.
Hann starfaði um tíma hjá sölufyrirtækinu Icebrit í
Bretlandi, en árið 1999 gerðist hann innkaupa- og
sölustjóri hjá SÍF. Við deildarstjórn útflutningsdeild-
ar Samskipa tók hann í mars sl.
Hinrik er 31 árs, giftur Önnu Jónínu Sævarsdótt-
ur. Þau eiga tvær dætur, Björgu Huldu 6 ára og
Birgittu Hrönn 3 ára.
„Það má segja að ég hafi alltaf tengst sjávarútveg-
inum á einn eða annan hátt. Ég er fæddur og uppal-
inn í Eyjum og vann flest sumur í fiskvinnslu og
netagerð. Á háskólaárunum vann ég hjá Íslenskum
sjávarafurðum og því má segja að ég hafi alla tíð ver-
ið tengdur þessum heimi á einn eða annan hátt. Það
er mikill kostur í þessu starfi hjá Samskipum að hafa
þennan bakgrunn og geta talað sama tungumál og
viðskiptavinir okkar í sjávarútveginum.“