Ægir - 01.10.2005, Side 38
38
Þ O R S K S T O F N I N N
Kristján Möller, alþingismaður
Samfylkingarinnar og fulltrúi í
sjávarútvegsnefnd Alþingis, seg-
ist ekki trúa því að þorskstofninn
sé að hrynja. Hann telur að vís-
indamenn hafi ekki gefið nógu af-
dráttarlaus svör um það við hvað
eigi að miða með aflaregluna
þannig að þorskstofninn nái að
byggjast upp.
Kristján Möller segist varla
geta verið ósammála vísindaleg-
um niðurstöðum sem sýni að
hrygningarstofninn sé lítill og að
það sé forgangsverkefni að byggja
hann upp. „Mér sýnist hins veg-
ar,“ segir Kristján, „að menn séu
að verða sammála um að það er
fyrst og fremst aldursskipting
stofnsins sem er orðin mjög
skökk og að alltof lítið er eftir af
stóra fiskinum, þ.e. 9 ára og eldri,
sem sumir vilja kalla hinn eigin-
lega hrygningarstofn sökum mik-
ilvægis stóra fisksins í velheppn-
aðri hrygningu og afkomu seiða.
Nefnd sjávarútvegsráðherra um
langtímanýtingu fiskistofna lagði
til að aflareglan yrði 22% - þ.e.
að takmarka veiðar við 22% af
veiðistofni þorsks í upphafi út-
tektarárs en ekki 25% af fram-
reiknuðum stofni. Það er auðvitað
nokkur skerðing og má vel vera
að við verðum að fara eftir, en
mér sýnist ekki skipta minna
máli að leita allra leiða til að
vernda stóra fiskinn á hrygning-
arslóð. Annars vekur það athygli
mína að Hafró forðast að nefna
ákveðna aflareglu sem komi þá í
stað 25% reglunnar. Það er nokk-
uð undarlegt fyrst fiskifræðingar
eru að tala á skerðingarnótunum á
annað borð,“ segir Kristján.
Hvernig á að hlífa eldri hluta
hrygningarstofnsins?
Kristján segir að bæði Hafrann-
sóknastofnunin og stjórnvöld hafi
haft 25% veiðiregluna sem við-
mið. „Það er ekki fyrr en nýlega
sem raddir fóru að heyrast um
annað. Umframveiðin var svo
alltaf nokkur, einkum hjá daga-
bátunum, en hefur farið ört
minnkandi. Manni bregður auð-
vitað þegar svona þungi er kom-
inn í umræðuna en aftur verð ég
að segja að mér finnast vísinda-
menn ekki hafa gefið neitt hátt
og skýrt í skyn hvaða aflaregla
þeir telja að dugi, eða hvernig
þeir vilja láta hlífa eldri hluta
hrygningarstofnsins.“
Fagna auknu fjármagni til
loðnurannsókna
Kristján segir engin gögn fyrir-
liggjandi sem staðfesti að stöðu
þorskstofnsins megi með óyggj-
andi hætti tengja of mikilli sókn
í loðnuna. „En það er rétt að
flottrollsveiðar hafa vaxið stór-
lega. Hins vegar fagna ég því að
50 milljóna króna viðbótarfram-
lagi til Hafró, sem Einar Kristinn
hefur boðað, skuli eiga að ganga
að mestu til loðnurannsókna. Það
er löngu tímabært að auka þær og
auka úthald rannsóknaskipanna.
Annað er hreint ekki forsvaran-
legt í þeirri miklu óvissu sem
loðnuveiðar og ástand stofnsins
nú eru í,“ segir Kristján.
Tel ekki líklegt að
þorskstofninn hrynji
Kristján segir að ekki sé hægt að
hugsa þá hugsun til enda ef
þorskstofninn hrynji. „Hann er
nú einu sinni uppistaða 35-40%
útflutningstekna okkar af sjávar-
afurðum. Ég tel ekki líklegt að
stofninn hrynji en það gengur
ekkert að komast upp úr lægðinni
með hann. Í besta falli erum við
núna að viðurkenna hvað er að og
gerum kannski eitthvað raunhæft
í því,“ segir Kristján Möller, al-
þingismaður.
Hvaða aflareglu telja
fiskifræðingar að dugi?
- spyr Kristján Möller, alþingismaður Samfylkingarinnar
Kristján Möller, alþingismaður. Mynd: Sigurður Bogi Sævarsson.
aegir10nov2005.qxd 30.11.2005 16:49 Page 38