Ægir - 01.06.2007, Page 16

16
A U S T U R L A N D
„Auðvitað er sárt að sjá lax-
eldið hérna líða undir lok, því
er ekki að neita,“ sagði Ing-
ólfur Sigfússon, bóndi í Mjóa-
firði, þegar tíðindamaður hitti
hann í fjöruborðinu í Mjóafirði
þar sem hann vann að því að
hreinsa eina af laxakvíunum
áður en þær yrðu dregnar til
Færeyja, en þar hefur fyrirtæk-
ið Vestlax keypt nokkrar af
kvíunum til notkunar þar ytra.
Fyrirtækið Sæsilfur, sem er
í eigu Samherja, hefur rekið
laxeldi í Mjóafirði undangeng-
in sex ár og hefur eldið skap-
að umtalsverða atvinnu í
Mjóafirði og styrkt stoðir bú-
setu þar verulega. Það er því
áfall fyrir samfélagið í Mjóa-
firði þegar það er nú smám
saman að líða undir lok.
Ástæðan fyrir því að ákveðið
var að hætta með laxeldið er
m.a. sú að upp kom nýrna-
veiki í seiðum sem sett voru
út, sjúkdómur sem mjög erfitt
hefur reynst að komast fyrir.
Hins vegar hefur Samherji
ákveðið að færa þorskeldi
Síldarvinnslunnar inn í Sæsilf-
ur og það verði starfrækt í
Mjóafirði. Það verður því eftir
sem áður fiskeldi í firðinum,
en í mun minna mæli en áð-
ur. „Við erum að byrja að
huga að þorskeldinu. Fyrir
liggur að veiða þorsk í gildr-
ur, maður verður að afla sér
þekkingar í þeim efnum hjá
þeim sem hafa stundað þessa
starfsemi,“ segir Ingólfur.
Erfiðar samgöngur
Sem stendur eru 26 með
heimilisfestu í Mjóafirði, að
sögn Ingólfs. Óneitanlega er
fjörðurinn afskekktur. Reynd-
ar er ekki svo ýkja langt frá
þjóðveginum um Fagradal
niður í Mjóafjörð, en leiðin
niður í fjörðinn er erfið.
Reyndar hefur leiðin verið
stórlega bætt á undanförnum
árum, en frá náttúrunnar
hendi verður vegurinn alltaf
erfiður viðureignar. „Hér á ár-
um áður var vegurinn lok-
aður meira og minna frá því í
október og fram í maí, en tíð-
arfarið hefur verið allt annað
undanfarin ár og sl. vetur
voru ekki nema nokkrar vik-
ur sem við vorum ekki í
vegasambandi,“ segir Ingólf-
ur. Yfir vetrarmánuðina kem-
ur flóabátur frá Norðfirði tvis-
var í viku með nauðþurftir
fyrir Mjófirðinga.
Ingólfur hefur í mörg horn
að líta. Eins og áður segir hef-
ur hann starfað við fiskeldi
Sæsilfurs, en einnig er hann
fjárbóndi – með um 160 fjár.
Sem sagt eldis- og fjárbóndi.
Þorskur í staðinn fyrir
lax í Mjóafirði
Ingólfur Sigfússon, fjár- og eldisbóndi í Mjóafirði.
Laxeldiskvíar í Mjóafirði, sem brátt heyra sögunni til, í bili a.m.k.