Ægir - 01.06.2007, Blaðsíða 23

23
sókn um vinnu frá íslenskri konu. Það
hefur líka orðið sú breyting að vinnslu-
húsunum er lokað í nokkrar vikur yfir
sumarmánuðina og því eru það ekki jafn
mikil uppgrip fyrir unglinga að vinna á
sumrin í fiski. Þetta getur líka haft þau
áhrif að ekki skapist lengur sú hefð í
sjávarplássunum að vinna í fiski eins og
hér á árum áður.“
Burðarfyrirtæki á Eskifirði
Eftir að þau hjónin Þorsteinn Kristjáns-
son og Björk Aðalsteinsdóttir keyptu alla
hluti Kristins Aðalsteinssonar í Eskju og
Fjárfestingarfélaginu Bleiksá ehf. fara þau
með langstærstan hlut í fyrirtækinu.
Eskja er tvímælalaust burðarfyrirtæki í
atvinnulífinu á Eskifirði og því er kannski
ekki óeðlilegt að spyrja hvort Þorsteinn
upplifi það svo að sem aðaleigendur í
Eskju séu þau hjónin með „byggðarlagið
á herðunum”?
„Nei, ég hef ekki þá tilfinningu. Yfir á
Reyðarfirði er komið hið öfluga fyrirtæki
Alcoa Fjarðaál og það hefur létt þessari
ábyrgð af okkur. Hjá Fjarðaáli starfar fólk
héðan frá Eskifirði, sumir þessara starfs-
manna störfuðu áður hjá okkur í Eskju.
Mér hefur þótt mjög jákvætt og nauðsyn-
legt fyrir þetta samfélag hér að fá þetta
stóra fyrirtækið hingað inn á svæðið. Ég
lít engan veginn svo á að Fjarðaál sé
ógnun við sjávarútveginn hér. Síður en
svo.“
Breytingar á eignarhaldi
Vissulega var það stór ákvörðun fyrir
þau hjón Þorstein og Björk að stórauka
hlut sinn í Eskju þegar sú staða kom upp
sl. vetur. Kom ekkert annað til greina en
að kaupa? „Jú, vissulega voru ýmsir aðrir
möguleikar í stöðunni. Til dæmis sá
möguleiki að við seldum okkar hlut, sem
var beinn 33ja prósenta eignarhlutur og
síðan hlutur í Fjárfestingarfélaginu
Bleiksá sem var stofnað á sínum tíma um
kaup á 33% hlut Elfars Aðalsteinssonar.
Eigendur að Bleiksá voru við hjónin,
Kristinn Aðalsteinsson, Eskja sjálf,
Tryggingamiðstöðin og Skeljungur. Eftir
þau viðskipti sem áttu sér stað síðastlið-
inn vetur höldum við hjónin á okkar
hlut, hlut Kristins og Eskju og Trygginga-
miðstöðin og Skeljungur eiga síðan á
móti okkur í Bleiksá. Í það heila höldum
við hjónin nú á ríflega 80% eignarhlut í
Eskju og aðrir eignarhlutar skiptast á
Tryggingamiðstöðina og Skeljung. Í mín-
um huga kom ekki til greina að selja
okkar hlut í fyrirtækinu. Mér fannst og
finnst mikilvægt að heimamenn stjórni
þessu fyrirtæki og hafi um það að segja
hvernig það þróast.“
A U S T U R L A N D
Hólmatindur veiðir bolfisk fyrir vinnsluna á Eskifirði. Birt með leyfi Eskju.
Nýjasta skip Eskju, uppsjávarveiðiskipið Aðalsteinn Jónsson. Birt með leyfi Eskju.
Jón Kjartansson – áður Hólmaborg – er öflugt uppsjávarveiðiskip. Birt með leyfi Eskju.