Ægir - 01.06.2007, Blaðsíða 18

18
A U S T U R L A N D
Það hefur verið prýðileg línu-
veiði á Austfjarðamiðum í
sumar og koma bátarnir vel
hlaðnir í land. Einn þessara
báta er Suðurnesjabáturinn
Happadís GK-16, sem í sumar
er gerður út frá Norðfirði. Oft-
ast er landað á Norðfirði, en
þegar tíðindamann Ægis bar
að var verið að landa úr
Happadís á Eskifirði. Góður
túr að baki, sem skilaði um
sjö tonnum, uppistaðan í afl-
anum var þorskur.
Um skipstjórnina á Happa-
dís sjá Sverrir Þór Jónsson,
eigandi bátsins, og Hrannar
Pétursson, sem nú stundar
nám í Stýrimannaskólanum
en er á sjónum á sumrin. Þeir
skipta skipstjórninni með sér,
aðra vikuna er Sverrir með
bátinn en Hrannar hina.
Hrannar skipstjóri, sem er þrí-
tugur, stýrði löndunarkran-
anum og svaraði jafnframt
nokkrum spurningum Ægis.
Fyrst var hann spurður hversu
lengi hann hafi verið á sjón-
um.
„Ég er búinn að vera á sjó
síðan ég var gutti. Ég hef fátt
annað gert um dagana. Ég er
núna í stýrimannanámi en er
að róa á sumrin.“
- Af hverju valdirðu sjó-
mennskuna?
„Þetta er einfaldlega fín
vinna og ágætis laun.“
- Hvað er svona heillandi
við sjóinn?
„Peningarnir.“
- Það er ekki rómantíkin
við sjómennskuna sem heillar
þig?
„Nei, þetta er alls ekki
rómantískt starf. Það er lítil
rómantík fólgin í því að vera
umkringdur strákum úti á
sjó!”
- Af hverju eruð þið að róa
hér fyrir austan?
„Hér er gott fiskirí. Við ró-
um 25-40 mílur út af Norfirði
og þar höfum við verið að fá
svona sjö til átta tonn á dag.
Það hefur verið almennt gott
fiskirí á línu og raunar hefur
fiskast á öll veiðarfæri í vet-
ur.“
- Hvað finnst þér um nið-
urskurð þorskveiðiheimilda?
„Mér finnst það alveg frá-
leitt. Í vetur hefur verið mok-
fiskirí á öll veiðarfæri á öllum
veiðisvæðum. Í því ljósi eru
tillögur fiskifræðinga sér-
kennilegar. Í rauninni held ég
að þyrfti að auka við þorsk-
veiðarnar í staðinn fyrir að
draga úr þeim.“
- Hvernig virðist þessi
þorskur sem þið eruð nú að
veiða vera á sig kominn?
„Hann virðist vera svangur,
það vantar loðnuna. Þess
vegna tekur hann línuna.“
- Eruð þið að veiða kvóta
útgerðarinnar?
„Nei, okkur er skaffaður
kvóti. Útgerðin á engan
kvóta. Við höfum verið að
veiða fyrir Eskju og H.Péturs-
son í Garðinum.“
- Róið þið stíft?
„Já, við gerum það. Við er-
um með skiptiáhöfn og keyr-
um því stíft á þetta. Við erum
fjórir í einu um borð og tveir
í fríi. Við verðum hér fyrir
austan í allt sumar og löndum
yfirleitt á Norðfirði. Þessi
löndun hér á Eskifirði er und-
antekning.“
- Hvenær farið þið út?
„Það er misjafnt. Í gær-
kvöld fórum við t.d. klukkan
tíu og erum nú að landa um
miðjan dag hér á Eskifirði.
Við vorum sem sagt að í alla
nótt.“
- Þetta hlýtur að vera erfitt.
Lítið um svefn?
„Þetta venst. Ég legg mig
þegar við erum búnir að
landa og förum síðan aftur út
í kvöld. Þetta er ekkert mál á
björtum sumarnóttum.“
Happadís á fullri ferð á leið til hafnar á Eskifirði.
Hrannar Pétursson stýrir löndunarkrananum á Eskifirði.
Veiðin var góð þennan dag, sjö tonn fengust á línuna á einum sólarhring.
Fín vinna og
ágætis laun