Ægir - 01.07.2010, Qupperneq 24

24
verkþáttur en einnig gætum
við hagrætt með aukinni vél-
væðingu,“ segir hann.
Lifandi alla leið til neytand-
ans
Þegar skelin er uppskorin af
línunum úti á sjó er hún
geymd í sjó í kerum inni í
húsi fram að vinnslu. Víðir
segir mikilvægt að hafa í
huga að skelin er lifandi í
gegnum allt þetta ferli og er
raunar lifandi í gegnum
vinnsluna og geymslu í bökk-
um í verslunum. Semsagt
ferskvara allt þar til í pott
neytandans er komið.
„Þetta er mjög mikilvægt
að undirstrika. Það eru til
skelvinnslur erlendis sem
sjóða skelina og vinna þannig
í pakkningar til frystingar. Við
einbeitum okkur hins vegar
að ferskvinnslunni og höfum
náð ágætum árangri með að
auka geymsluþolið. Það ger-
um við með því að bæta
meðferðina á skelinni í geng-
um vinnsluna því staðreyndin
er sú að ef skelin „stressast“
upp í vinnslunni þá geymist
hún skemur,“ segir Víðir en í
plastbökkunum geymist skel-
in í um 11 sólarhringa.
Hreinleikinn okkar tækifæri
Eins og áður segir eru helstu
markaðir Norðurskeljar í
Belgíu þar sem mikil hefð er
fyrir neyslu bláskeljar. Víðir
segir bláskeljarækt þekkta
víða um heim og til að
mynda hafi Chile aukið um-
talsvert hlut sinn á markaðn-
um. Að sama skapi hafi t.d.
Danir dregið úr framleiðsl-
unni, fyrst og fremst vegna
mengunar og verri aðstæðna
í sjónum við strandlengjuna. Í
þessu segir hann sóknarfærin
liggja fyrir bláskeljarækt á Ís-
landi.
„Hreinleikinn í sjónum er
okkar tækifæri. Hér höfum
við marga firði og flóa sem
hægt er að nýta í bláskelja-
rækt og ég skora á stjórnvöld
að opna augun fyrir því að
bláskeljaræktin hefur af öllum
þeim kostum að státa sem nú
eiga upp á pallborðið.
Mannaflsfrek starfsemi, hrein-
leiki, sjálfbærni, lítil orku-
notkun og svo framvegis. Ég
leyni því ekki að mér þótti
þessi metnaður stjórnvalda
ekki merkjanlegur nýlega
þegar stórhækkuð voru gjöld
á okkur fyrir úrvinnslu sjó-
sýna. Það var einfaldlega
skattur sem lagður var á okk-
ur - þrátt fyrir að okkur sé
klappað reglulega á bakið
fyrir hversu jákvæð þessi at-
vinnunýsköpun sé.“
Erum agnarsmáir á heims-
markaði
Heimsframleiðsla á bláskel er
rösklega hálf önnur milljón
tonna og þar fara Kínverjar
fremstir í flokki með um
helming framleiðslunnar.
Víðir segir augljóst að fyrir-
tæki uppi á Íslandi sem fram-
leiði fáein hundruð tonn
skipti litlu fyrir markaðinn.
„Eins og ég sagði áðan
eigum við tækifæri á þessum
markaði og munum aldrei
verða svo stórir í bláskelja-
rækt hér á landi að það hafi
einhver áhrif á heimsmark-
aðnum. Markaðurinn er fyrir
hendi en við verðum hins
vegar að fá fleiri í greinina til
að við getum unnið saman
og tryggt kaupendum okkar
öryggi í afhendingu. Það
styrkir okkur alla. Og svo
finnst mér ekki síður áhuga-
vert tækifæri liggja í því að fá
Íslendinga til að borða meira
af bláskel. Margir hafa sagt
við mig að hér sé engin hefð
fyrir neyslu á bláskel en ég
vil snúa þessu við og segja
að einmitt þess vegna sé
tækifærið fyrir hendi. Og ég
finn fyrir því bæði á kynning-
um og í sölu í verslunum hér
heima að Íslendingar eru
mjög tilbúnir til að kynna sér
þetta hráefni. Á þeim stutta
tíma sem liðinn er frá því við
hófum að pakka í neytenda-
umbúðir höfum við séð jafna
aukningu í sölu og innlendi
markaðurinn er því farinn að
skipta okkur máli. Þess vegna
munum við á komandi mán-
uðum efla okkar kynningar-
starf hérlendis og sýna lands-
mönnum fram á að bláskel er
bæði fljótlegur skyndibiti og
stútfullur af hollustu,“ segir
Víðir Björnsson, fram-
kvæmdastjóri Norðurskeljar í
Hrísey.
B L Á S K E L J A R Æ K T
Hafnarbryggju - 580 Siglufjörður
Símar:
467 1205 - 467 1203 - 692 5060 - 869 4441