Ægir - 01.07.2010, Side 25

25
F R É T T I R
Kvót inn 2010-2011
Nýtt kvótaár hófst hinn 1. september. Alls er úthlutað 288.042 tonnum, samanborið við 310.451 tonn,
sem úthlutað var við upphaf síðasta fiskveiðiárs. Úthlutun aflaheimilda ræðst af ákvörðun sjávarútvegs-
og landbúnaðarráðherra um leyfilegan heildarafla á hverju fiskveiðiári og orsakast þessi skerðing helst
af lækkun leyfilegs heildarafla í ýsu og nokkrum flatfisktegundum. Auk þessa er ekki úthlutað aflamarki í
úthafsrækju líkt og áður, þar sem þær veiðar hafa verið gefnar frjálsar á næsta fiskveiðiári.
Ekki hefur verið gefinn út leyfilegur heildarafli í síld og því er ekki úthlutað aflamarki í síld.
Sé litið til úthlutunar í þorskígildistonnum er aukning, þ.e. 270.373 þorskígildistonnum er úthlutað nú við upp-
haf fiskveiðiárs 2010/2011 samanborið við 256.687 í fyrra. Þessi aukning á úthlutun í þorskígildistonnum er
tilkomin vegna breytinga til hækkunar á þorskígildisstuðlum nokkurra tegunda.
HB Grandi hf. er það fyrirtæki sem hefur yfir mestum aflaheimildum í lögsögunni að ráða en næst koma Brim hf.
og Samherji hf. Milli fiskveiðiára varð fækkun í úthlutun til fiskiskipa um 34 og dreifist hún milli útgerðarflokka.
Á næstu síðum er að finna töflur og samantektir um kvótaúthlutunina,
skiptingu milli skipa, hafna, fyrirtækja og svo framvegis.