Ægir - 01.07.2010, Qupperneq 56

56
H V A L V E I Ð A R
„Ég reikna með að við getum
verið að í hvalveiðum og
-vinnslu til mánaðamóta sept-
ember - október. Þetta hefur
gengið mjög vel á vertíðinni
og sér í lagi þegar haft er í
huga hversu lengi þessi
mannvirki stóðu ónotuð,“ seg-
ir Gunnlaugur Gunnlaugsson,
stöðvarstjóri í hvalstöðinni í
Hvalfirði. Leyft er að veiða
150 langreyðar í sumar og
þegar komið var fram í byrjun
september höfðu um 110 dýr
komið á land. Tveir hvalbátar
eru við veiðar en þær hófust í
byrjun júlí. Gunnlaugur segir
að síðan þá hafi bátarnir get-
að verið að veiðum nánast
samfellt.
„Mér er óhætt að segja að
þetta hafi gengið vel hjá okk-
ur í sumar, bæði veiðarnar og
einnig vinnslan á öllum stöð-
um í landi. Til viðbótar útgef-
inn kvóta fyrir þetta ár eigum
við 25 dýr frá kvótanum í
fyrra þannig að í heildina
megum við veiða 175 dýr.
Aðallega er það undir tíðar-
farinu komið hvernig okkur
gengur að ná þeim en við
getum þá geymt eitthvað af
kvóta til næsta árs ef hann
næst ekki í ár,“ segir Gunn-
laugur.
Atvinnuskapandi veiðar
Hvalveiðarnar og vinnsla
hvalafurða veits um 170
manns vinnu í sumar og
skipta því verulegu máli fyrir
atvinnulífið. Hvalkjötið er
verðmætasta afurð hvalsins
og er kjötið unnið fyrir Jap-
ansmarkað, skorið í 14 kílóa
stykki, pakkað og fryst. Sú
vinnsla fer fram að stærstum
hluta í hvalstöðinni í Hvalfirði
og einnig á Akranesi. Vinnsla
á hvalaafurðum fer einnig
fram á vegum Hvals hf. í
Hafnarfirði.
„Stærstur hluti af okkar
starfsfólki starfaði einnig við
þetta í fyrra. Það skapast í
kringum þetta ekta vertíðar-
stemning og fólk er viljugt að
koma aftur. Síðan eru margir
af okkar starfsmönnum með
reynslu frá fyrri árum,“ segir
Gunnlaugur en unnið er í
hvalstöðinni á tveimur átta
tíma vöktum.
Hann bendir á að unnar
séu afurðir úr öllu hráefninu
og hvalurinn því vel nýttur.
Fyrir utan kjöt og spik fæst
mjöl og lýsi úr beinum og
innvolsi. „Hér er hvert einasta
snitti nýtilegt, segir Gunn-
laugur.
Mest verðmæti í kjötinu
Aðspurður segir hann bátana
veiða hvalina við vestanvert
landið, fyrst og fremst út af
Hvalfirðinum. „Bátarnir hafa
24 tíma frá þeir þeir veiða
fyrra dýrið til að ná öðru og
koma þannig með tvö dýr í
land. Síðan tekur okkur hátt í
sólarhring að koma hráefninu
í gegnum verksmiðjuna eftir
að í land er komið. Kjötið er
verðmætasti hluti hráefnisins
og skiptir miklu að vanda til
verka frá því dýrið er veitt og
þar til kjötið er komið í
pakkningar þannig að gæði
þess séu sem best,“ en Gunn-
laugur segir erfitt að segja til
um það nákvæmlega hversu
mikið fellur til af kjöti af
hverju dýri. „Ástæðan er sú
að dýrin geta verið misjafn-
lega feit og kjötmikil þannig
að það er breytilegt hversu
mikið þau gefa af kjöti,“ segir
Gunnlaugur Gunnlaugsson,
stöðvarstjóri í hvalstöðinni í
Hvalfirði.
Hvalurinn skorinn í Hvalstöðinni. Margir fá vinnu við þessa vinnslu í sumar.
Hvalvertíðin hefur gengið vel það sem af er:
Um 170 manns í vinnu við
hvalveiðar og -vinnslu
Smiðjuvegi 66 • 200 Kópavogi
Sími 580 5800 • www.landvelar.is
Þróardælur
Tveir hvalbátar hafa verið á vertíðinni í
sumar. Búist er við að hún standi út
septembermánuð.