Ægir - 01.02.2013, Blaðsíða 19
S K I P A S M Í Ð A R
„Við hjá Navis skynjum að
innan innan útgerðarinnar
velta menn því fyrir sér hvað
hagkvæmast sé að gera. Þess
vegna erum við núna langt
komnir með hönnun að eigin
frumkvæði á 55 metra
löngum ísfisktogara og erum
einnig farnir að huga að
teikningu á línuskipi. Stíflan í
þessu mun bresta fyrr eða
síðar.“
Mesti ávinningurinn með
nýsmíði
Af langri reynslu á þessu
sviði þekkir hann að útgerð
gamalla skipa er óhagkvæm,
viðhaldskostnaður hár, olíu-
eyðsla mikil og fyrirkomulag
ekki eins og nútíminn krefst.
„Íslendingar urðu frægir
fyrir það á sínum tíma að
taka gömul skip og endur-
byggja þau og reyna þannig
að gera þau samtímalegri.
Hugmyndaauðgi manna var
mikil á þessu breytingaskeiði
og breyttu menn skipum m.a.
í annað útgerðarform en það
form sem skipið átti upphaf-
lega að gegna því það var
hagkvæmara. Þannig voru
margir ísfisktogarar teknir og
þeim breytt í vinnsluskip, en
nú erum við að byrja að upp-
lifa að menn eru að fara til
baka þ.e. breyta þessum
gömlu vinnsluskipum aftur í
ferskfiskskip. Þetta er ekki já-
kvæð þróun, það er augljóst,“
segir Bjarni og bendir á að í
ískfisktogaranum sem Navis
er nú með á teikniborðinu sé
útfærslan samkvæmt útgerð-
arforminu í dag. Áhersla er
lögð á meðferð aflans allt frá
því hann kemur um borð og
þar til honum er landað til
vinnslu enda aðaláherslan í
dag að fiskurinn komi sem
ferskastur að landi. „Útgerð-
arform er nú þannig að skip-
in fara út og sækja það sem
hentar vinnslunni. Þetta er
ekki eins og var þegar skipin
fóru á miðin og kapphlaupið
var að ná í fullfermi á innan
við 14 dögum. Það sem
vinnst við það að byggja nýtt
er að útfærsla skipanna verð-
ur eftir þeim verkefnum sem
þeim er ætlað að sinna og
aflinn skilar sér til vinnslunn-
ar í landi í hámarksgæðum.“
Aðspurður hvort uppgangs
sé að vænta í skipasmíðum
hér á landi á allra næstu ár-
um í tengslum við endurnýj-
un skipastólsins segir Bjarni
ljóst að öll nýsmíði stærri
skipa verði erlendis. „Mögu-
lega verður eitthvað af minni
stálskipum smíðuð hér heima
en þau stærri verða smíðuð
erlendis. Sjávarútvegur hefur
um árabil verið einn mikil-
vægasta atvinnugreinin á Ís-
landi og hefur ástand innan
hans mjög víða áhrif út í
þjóðfélagið. Áhrifin af þess-
um stöðnunartíma má til að
mynda sjá í minni faggrein
þar sem nánast engin endur-
nýjun á sér stað og ekki langt
bíða þess að engin eða mjög
fáir verði til hér á landi til að
vinna þá vinnu sem við hjá
Navís erum að vinna í dag.
Þá þarf útgerðin að leita út
fyrir landsteinana til að fá
þessa þjónustu. Navis hefur
styrk og þekkingu til að tak-
ast á við stærri hönnunar-
verkefni og því ekki þörf að
flytja slíka vinnu til útlanda -
ennþá. Fyrir íslenskan sjávar-
útveg skiptir mjög miklu máli
að endurnýjun skipanna hefj-
ist og það sem allra fyrst.“
segir Bjarni Ásmundsson,
skipatæknifræðingur.
„Við höfum einfaldlega dregist verulega aftur úr í fjárfestingum
innan sjávarútvegsins og þá ekki síst hvað skipastólinn varðar.
Nýsmíði íslenskra skipa hefur verið sáralítil á undanförnum árum
og ástandið er í raun orðið mjög slæmt, nánast sama til hvaða
útgerðarflokks er litið, að smábátum undanskildum.“
Bjarni Ásmundsson, skipatæknifræð-
ingur hjá Navis.
19