Ægir - 01.02.2013, Blaðsíða 27

27
B Á T A S M Í Ð I
Júlíus B. Benediksson, framkvæmdastjóri Víkingbáta ehf., segir framleiðslu fara á fulla ferð á næstu vikum. „Við munum byggja á því góða orðspori og reynslu sem er af
Víkingbátunum frá því byrjað var að framleiða þá árið 1985.
Framleiðsla hinna þekktu ís-
lensku Víking-hraðfiskibáta er
hafin á nýjan leik en hún hef-
ur legið niðri frá árinu 2011.
Á síðasta ári keypti Matthías
Sveinsson allt lausafé Sam-
taks, framleiðanda Víking
bátanna til margra ára, þar á
meðal framleiðslumót og hef-
ur nú verið stofnað nýtt félag
sem er að hefja starfsemi
þessa dagana. Júlíus B. Bene-
diktsson, framkvæmdastjóri
nýja félagsins, sem ber nafnið
Víkingbátar ehf., segir mark-
miðið að byggja á grunni þess
góða orðspors sem bátarnir
hafa hérlendis og erlendis en
framleiðsla bátanna hófst hér
á landi árið 1985.
Munu byggja á gæðum í
hvívetna
„Ég reikna með að fjöldi
starfsmanna verði 30 hið
minnsta þegar allt verður
komið í fullan gang í fram-
leiðslunni. Kraftmikill hópur
manna hefur unnið að undir-
búning framleiðslunnar og
hefur Ævar Sveinsson, sem er
reynslumikill verkstóri, stýrt
þeim framkvæmdum. Sú
verkþekking sem var hjá
Samtaki mun jafnframt flytjast
yfir til Víkingbáta en synir
stofnenda Samtaks, þeir
Snorri og Grétar Haukssynir,
eru meðal starfsmanna félags-
ins. Markmið okkar er að
vanda til verka, bæði í gæð-
um bátanna, markaðssetn-
ingu og viðskiptum. Að baki
félaginu er sterkur aðili og
fyrirtækið er vel fjármagnað-
að en það skiptir miklu máli
ef vel á að takast,“ segir Júl-
íus sem hóf formlega störf í
undirbúningnum um síðustu
áramót. Hann segir bæði
horft til innanlandsmarkaðar
og útflutnings.
Horft til Noregs
„Við komum til með að bjóða
marga stærðarflokka af bát-
um, allt frá handfærabátum
og yfir 30 tonna báta til línu-
og netaveiða. Fiskveiðikerfið
hverju sinni ræður miklu um
það hvernig báta þarf á
markaðinn og einnig eru
áherslur fiskimanna mismun-
andi hér á landi samanborið
við Noreg, svo dæmi séu tek-
in. Hér heima er nú um
stundir þungt fyrir fæti í sölu
báta en við horfum ekki síður
til norska markaðarins þar
sem Víking-bátarnir eru líka
vel þekktir. Það orð sem við
heyrum af Víking-bátunum er
að þeir hafi alla tíð verið
mjög vel heppnaðir, vandaðir
og góðir sjóbátar. Á því ætl-
um við einmitt að byggja í
framleiðslu og markaðssetn-
ingu,“ segir Júlíus.
Framleiðsla Víking-
bátanna hafin á ný