Ægir - 01.02.2013, Blaðsíða 23
23
„Útlitið er ekki björgulegt og
engin merki um að ástandið
lagist í bráð. En við vonum
það besta og ég er þokkalega
bjartsýnn og hef enga ástæðu
til annars,“ segir Jón Guð-
bjartsson stjórnarformaður í
rækjuverksmiðjunni Kampa á
Ísafirði.
Jón segir að veiði hafi ver-
ið léleg á miðunum við Ís-
land og almennt líka í Norðu-
Íshafinu undanfarið og að
auki hafi illa gengið að fá
keypta iðnaðarrækju. Verk-
smiðjur séu því í hægagangi
sem stendur og eða jafnvel
stopp. Aukin þorskveiði í
Barentshafi geri að verkum
að margir togarar hafi snúið
sér að veiðum þar. „Maður er
auðvitað smeykur og veit
ekki hvernig mál þróast. Á
meðan sýna menn varkárni,“
segir Jón.
Hann nefnir að rækjuverk-
smiðjum hafi fækkað á Ís-
landi á liðnum árum og það
hafi bjargað því sem bjargað
verður fyrir þær sem eftir eru.
Færri séu þá um það hráefni
sem til boða standi. „Verk-
smiðjurnar eru sveltar, hrá-
efnið er ekki nægilegt þannig
að það er rólegt yfir þessu.“
Jón segir að verksmiðjan á
Ísafirði hafi afkastagetu til að
vinna úr öllu því hráefni sem
til ráðstöfunar er.
Markaðir hafa styrkst að
undanförun og afurðaverð
verið á uppleið. Sem Jón seg-
ir vissulega ánægjulegt. Þá
hafa nýlega borist pantanir
bæði frá Spáni og Frakklandi
og segir hann að greinilega
hafi aðrir markaðir brugðist
fyrir leitað sé úr þeirri áttinni
til Íslands. „En við brosum
bara við því,“ segir hann.
Í Arnarfirði var úthlutað 450 tonna kvóta og
hafa fjórir bátar stundað veiðar þar. Rann-
sóknarleiðangrar voru farnir bæði í des-
ember og svo aftur í febrúar til að kanna
ástand rækjustofnsins í innanverðu Djúpinu
og er beðið eftir niðurstöðum Hafrann-
sóknastofnunar um hvort veiðar verði
leyfðar í öllu Ísafjarðardjúpi. Niðurstöður
munu liggja fyrir fljótlega.
Hráefnisöflun í íslenskum rækjuiðnaði er orðin mjög erfið.
R Æ K J U V I N N S L A
Jón Guðbjartsson stjórnarformaður Kampa á Ísafirði:
Ótryggt ástand og á meðan
sýna menn varkárni
Veiðar leyfðar öllu í Ísafjarðardjúpi?