Morgunblaðið - 08.12.2014, Side 32

32 DÆGRADVÖL
MORGUNBLAÐIÐ MÁNUDAGUR 8. DESEMBER 2014
Stjörnuspá
21. mars - 19. apríl 
Hrútur Þú ættir ekki að eiga samskipti við
stórar stofnanir eða yfirvöld í dag. Liðsmenn
þínir þarfnast sérstakrar umhyggju og leið-
beiningar til að halda í við þig.
20. apríl - 20. maí 
Naut Þú þolir ekki að láta ráðskast með þig
en ert til í að stýra öðrum hvenær sem er.
Samspil þitt við aðra, vini eða félaga, leiðir til
umtalsverðs árangurs.
21. maí - 20. júní 
Tvíburar Þú hefur kannski velt því fyrir þér
hvers vegna ótilgreint atvik gærdagsins hef-
ur ekki bitnað á þér. Sláðu á létta strengi til
að laga andrúmsloftið.
21. júní - 22. júlí 
Krabbi Það er nauðsynlegt að haga svo orð-
um sínum og gjörðum að enginn misskiln-
ingur komi upp og varpi skugga á sam-
bandið. Vegurinn til árangurs er beinn og
breiður.
23. júlí - 22. ágúst 
Ljón Þér hættir til þess að sjá hlutina í svart-
hvítu. Hamingja er að hafa ást á því sem
maður gerir. Dagurinn í dag hentar líklega
ekki fyrir smávægilegar ráðagerðir.
23. ágúst - 22. sept. 
Meyja Með hjálp góðs vinar muntu finna
réttu leiðina til að tjá skoðanir þínar. Með
alla þessa orku að vopni gerirðu breytingar.
23. sept. - 22. okt. 
Vog Hlúðu vel að makanum þessa dagana og
þú færð það margfalt til baka. Náðu sjálfs-
stjórn. Hver dagur ýtir undir keppnisskapið í
þér.
23. okt. - 21. nóv.
Sporðdreki Einhvern tímann var sköpunar-
þráin þín kæfð af jarðbundinni manneskju
sem skildi þig ekki. Reyndu að sýna sann-
girni.
22. nóv. - 21. des.

Bogmaður Dagurinn í dag hentar mjög vel
til að skemmta sér, daðra og glensa. Haltu
þínu striki og þá mun allt fara vel.
22. des. - 19. janúar 
Steingeit Þar sem sólin verður í hádeg-
isstað í merki þínu næstu vikurnar munu
aðrir veita þér talsverða athygli á meðan.
Varastu að láta tilfinningarnar hlaupa með
þig í gönur.
20. jan. - 18. febr. 
Vatnsberi Þetta er góður dagur til að ræða
sameiginlega ábyrgð og skuldbindingar. Vel-
vild einhvers utanaðkomandi veitir þér tæki-
færi til að eiga góðar stundir með ástvinum
þínum.
19. feb. - 20. mars

Fiskar Einhver nákominn er að reyna að fela
galla sína fyrir þér. Taktu af skarið í ótil-
greindu sambandi og mundu að nöldur er
ekki það sama og aðgerðir.
Mikið er ort og sagt um ÓlöfuNordal, nýjan ráðherra. Karl-
inn á Laugaveginum vék sér að mér:
Mælti Eygló: „Hið óvænta kemur
óvænt!“ – Hún taldi’ upp að þremur:
„Því undireins skildi ég
að auðvitað vildi ég
Ólöfu – öllum fremur!“
Ólafur Stefánsson orti:
Býsn er hvað Bjarni er slyngur,
boðskapur hans er svona:
Lausnin er lögfræðingur
sem líka er afbragðskona.
Davíð Hjálmar Haraldsson lítur
þannig á málið:
Þó að leitað hefði hann
það hafði engu skilað:
Inná þingi aðeins fann
ónýtt lið og bilað.
Magnús Ólafsson frá Sveins-
stöðum vísar til þess að Sigurður, afi
Ólafar, sé fæddur á Eyjólfsstöðum í
Vatnsdal og segir:
Hjá Ólöfu held ég ljósið logi,
lífsins kraft og elju finn.
Enda er hennar ættarbogi
með öflug tengsl við Vatnsdalinn.
Árbók Þingeyinga kom rétt í
þessu inn um lúguna. Þar segir Stef-
án Yngvi Finnbogason frá „Þing-
eyska vísnakvartettinum“, sem náði
miklum vinsældum og fór víða.
Helgi Hálfdanarson kynnti þátttak-
endur og las upp spurningar og þeir
svöruðu í bundnu máli eða köstuðu
vísum hver á annan. Einhverju sinni
spurði Helgi: „Hver er hugmynd þín
um hina fullkomnu eiginkonu?“
Steingrímur Baldvinsson í Nesi
svaraði:
Í tali skýr, í tryggðum föst,
með tígulegan og hreinan svip,
stöðug í lífsins ströngu röst,
sterkt og glæsilegt móðurskip.
Egill Jónasson, Húsavík:
Konur eru erfið gáta
okkur mönnum hér og þar.
Og ekki batnar ef þær láta
eins og þær séu fullkomnar.
Karl Sigtryggsson, Húsavík:
Ungi herra í hjónabandi,
heyrðu nú mitt svar:
Konur eru ómissandi
en aldrei fullkomnar.
Baldur Baldvinsson, Ófeigs-
stöðum:
Hún sé lagleg, hagmælt, ljós og kát
og hjónabandsins reyni að forðast víti,
sé mér bara einum eftirlát en
Egil, Karl og Steingrím fyrirlíti.
Halldór Blöndal
halldorblondal@simnet.is
Vísnahorn
Nýr ráðherra og
þingeyskir hagyrðingar
Í klípu
„KÆRASTAN MÍN VILL SÆTTAST VIÐ
MIG. HVERJU MÆLIRÐU MEÐ?“
eftir Mike Baldwin eftir Jim Unger
„ÉG SKAL FIKRA MIG UPP HANDLEGGINN,
OG ÞÚ LÆTUR MIG VITA ÞEGAR ÞÚ
FINNUR EITTHVAÐ TIL.“
Hermann
Ferdinand
Hrólfur hræðilegi
Grettir
... björtu hliðarnar.
OG ÞANNIG HEFST
HELGIN
VOFFVOFFVOFF
VOFFVOFFVOFF
TÍMINN ER ÚTI,
VERÐ AÐ FARA!
HVERS VEGNA GET
ÉG EKKI VERIÐ MEÐ
ÞEGAR ÞÚ RÆÐST Á
ENGLAND, PABBI?
ÞVÍ AÐ ENGIN
DÓTTIR MÍN MUN
VERÐA STRÍÐSMAÐUR
VÍKINGA!!
ÉG VIL EKKI
VERA VÍKINGA-
STRÍÐSMAÐUR...
... ÉG VIL VERA
VÍKINGA-
NEYTANDI!
...SETTU MIG BARA
ÚR Í LONDON!
Í nánast hverri stórfjölskyldu á Ís-
landi stendur fólk andspænis ögr-
andi viðfangsefni, stríði sem ein-
hverra hluta vegna fer ekki hátt.
Margir halda sjálfsagt að Víkverji
dagsins ætli hér að ræða um hrika-
leg mál eins og þegar ungt fólk
missir fótanna og leiðist út í neyslu
vímuefna með þeim mikla sársauka
sem slíkt veldur ættmennum öllum.
Og hér verður ekki gert að umfjöll-
unarefni stríð ungs fólks í blóma
lífsins; að eignast húsnæði, sem er
hægara sagt en gert eins og kaupin
gerast á eyrinni nú um stundir.
x x x
Þegar árin færast yfir dala heilsa
og kraftar. Óminnishegrinn fer að
sækja á eða fólk verður ósjálf-
bjarga að öðru leyti og kemst ekki
ferða sinna. Við slíkar aðstæður
kemur oft til kasta ættingja að
veita aðstoð og stuðning í heim-
aranni, sem gjarnan þarf að vera
talsvert meiri en velferðarþjónusta
sveitarfélaga veitir. Eru jafnvel
dæmi um að skyldu sinnar vegna
minnki fólk við sig vinnu til að geta
annast öldruð ættmenni, því oft eru
langir biðlistar eftir plássi á
hjúkrunarheimilum þar sem fólk er
tekið inn samkvæmt vistunarmati
og svonefndri hjúkrunarþörf.
x x x
Úr fjölskyldu sinni þekkir Vík-
verji að veruleg barátta og alls
konar ströggl fylgdi því að koma
tveimur öfum og einni ömmu á
hjúkrunarheimili, hvar fólkið átti
góða daga á lokasprettinum. Fékk
góða umönnun og fallega hjálp sem
ber að þakka fyrir. En að ætt-
menni aldraðra, foreldrar fatlaðra
barna og fleiri í jafnsettri stöðu
þurfi að olnboga sig áfram með
þeim hætti sem hér er lýst er fá-
ránlegt.
x x x
En hví er staðan sú að aldraðir,
sjúkir, fatlaðir og aðrir fá ekki
þjónustu nema með eftirgangs-
munum? Vilja til úrbóta skortir
ekki, en þar sem fólk þrotið kröft-
um storkar engum fjárhagslegum
hagsmunum yfirstétta er auðvelt
fyrir stjórnvöld að gera sem minnst
í von um að sorgarsögurnar liggi
áfram í þagnargildi. víkverji@mbl.is
Víkverji
Kunnan gerðir þú mér veg lífsins, gleði-
gnótt er fyrir augliti þínu, yndi í hægri
hendi þinni að eilífu. (Sálmarnir 16:11)
56 10 000
TAXI
BSR
Góð þjónusta
yfir 90 ár