Ólafía : rit Fornleifafræðingafélags Íslands. - 01.03.2006, Page 9

Olafía Einarsdóttir
Ritröð FFÍ er tileinkuð og nefnd í höfuðið á dr. Ólafíu Einarsdóttur, sem ekki
var aðeins fyrsta konan til að útskrifast með háskólapróf í fornleifafræði heldur
var hún jafnframt fyrsti íslendingurinn til þess að ljúka slíkri gráðu. Ólafia naut
leiðsagnar eins þekktasta fornleifafræðings sögunnar, Gordons Childes, en hann
taldi hana mjög efnilega þegar hún lauk prófi sínu frá University College í London
árið 1950 og var þess sérstaklega getið í Qölmiðlum hér á landi á þessum tíma.
Þrátt fyrir að Ólafia hafi starfað sem fornleifafræðingur hér á landi um nokkurra
ára skeið er hennar sjaldan minnst sem brautryðjanda í íslenskri fomleifafræði
en með því að tileinka henni greinasafnið verður tilraun gerð til að vekja athygli
á henni sem slíkri. Ólafiaútskrifaðist með doktorsgráðu í sagnfræði frá Háskólanum
í Lundi árið 1964. Hún hefur starfað við fornleifa- og sagnfræðirannsóknir,
samhliða kennslu við Háskólann í Kaupmannahöfn, en eftir hana liggja íjöldi
bóka og greina, einkum á sviði femínískrar sagnfræði, sem birst hafa á alþjóðlegum
vettvangi allt til dagsins í dag.