Skinfaxi - 01.05.2012, Qupperneq 25

SKINFAXI – tímarit Ungmennafélags Íslands 25
Á 2. Landsmóti UMFÍ 50+ í Mosfellsbæ var
efnt til málþings Heilsuvinjar sem bar yfir-
skriftina Bætt heilsa, betra líf – hvað þarf til?
Málþingið var haldið í hátíðarsal Varmár-
skóla.
Geir Gunnlaugsson landlæknir setti mál-
þingið en fluttir voru 11 fyrirlestrar. Fyrir-
lestrarnir voru um flest sem viðkemur
heilsu og má í því sambandi nefna hreyf-
ingu, næringu og andlega heilsu.
„Það er gríðarlega mikilvægt í mínum
huga að fólk á þessum aldri komi saman
eins og hér er alls staðar að af landinu.
Taki þátt í fjölbreyttum íþróttagreinum og
leikjum og ekki síst þó að hittast, gleðjast,
spjalla og vera saman. Ég get ekki sagt
annað en að þetta sé enn ein birtingar-
mynd þess öfluga starfs sem UMFÍ stend-
ur fyrir. Hreyfingin er með þessu ekki
aðeins að vinna með þeim sem yngri
eru heldur líka með þeim eldri. Þetta er
fjölbreytt starf og endurspeglar þann
metnað að reyna að finna öllum vettvang
þar sem fólk getur hist.“
Geir sagði aldrei of seint að byrja að
hreyfa sig. Margir þurfa raunverulega
alltaf að vera að hreyfa sig og hugsa um
hvernig best sé að rækta líkama og sál.
„Ég trúi ekki öðru en að þetta mót sé
komið til með vera með allan þennan
fjölda sem hingað er kominn. Það eru
augljóslega margir víða um land sem
koma hingað á mótið af þörf og ánægju í
því að vera með jafnöldrum sínum,“ sagði
Geir Gunnlaugsson landlæknir.
Geir Gunnlaugsson landlæknir setti málþing
Heilsuvinjar sem bar yfirskriftina Bætt
heilsa, betra líf – hvað þarf til?
Geir Gunnlaugsson landlæknir:
Það er aldrei of seint að byrja að hreyfa sig
Landsmót UMFÍ 50+