Skinfaxi - 01.05.2012, Qupperneq 26

26 SKINFAXI – tímarit Ungmennafélags Íslands
Ráðstefnan „Ungt fólk og lýðræði“ var
haldin á Hvolsvelli dagana 30.–31. mars sl.
Um 100 manns víðs vegar að af landinu, á
aldrinum 16–25 ára, sóttu ráðstefnuna.
Þema ráðstefnunnar að þessu sinni var
ungt fólk og fjölmiðlar. Ungmennafélag
Íslands, sem stóð að ráðstefnunni, hefur
ávallt lagt áherslu á lýðræðislega þátt-
töku ungs fólks og vandað hefur verið til
dagskrár ráðstefnunnar í hvívetna. Þetta
er í þriðja skipti sem þessi ráðstefna er
haldin.
Ráðstefnan er styrkt af Evrópu unga
fólksins sem er íslenska heitið á ung-
mennaáætlun Evrópusambandsins, Youth
in Action, og er samstarfsverkefni ESB,
mennta- og menningarmálaráðuneytisins
og UMFÍ.
Helga Guðrún Guðjónsdóttir, formaður
UMFÍ, setti ráðstefnuna og forseti Íslands,
herra Ólafur Ragnar Grímsson, ávarpaði
síðan þátttakendur. Þátttakendur byrjuðu
á að hlusta á kynningu um fjölmiðla, mann-
réttindi og hópefli og völdu sér síðan
vinnustofur í framhaldi af því.
Ísólfur Gylfi Pálmason, sveitarstjóri Rangár-
þings eystra, ávarpar ráðstefnugesti sem
voru um eitt hundrað.
UNGT FÓLK:
Um 100 manns á ráðstefnunni
Ungt fólk og lýðræði á Hvolsvelli
Verkefnastjóri Æsku-
lýðsvettvangsins
Ragnheiður Sigurðardóttir hefur
hafið störf sem verkefnastjóri Æsku-
lýðsvettvangsins. Aðildarfélög Æsku-
lýðsvettvangsins eru UMFÍ, KFUM og
KFUK, Bandalag íslenskra skáta og
Landsbjörg. Verkefni Æskulýðsvett-
vangsins er að vinna að sameiginleg-
um verkefnum aðildarfélaganna.
Ragnheiður er menntaður grunn-
skólakennari og íþróttafræðingur frá
Háskólanum í Reykjavík. Hún hefur
ennfremur unnið mikið að sundþjálfun.
„Það verður spennandi og gaman
að vinna með þennan málaflokk. Verk-
efnin eru næg fram undan,“ sagði
Ragnheiður Sigurðardóttir.
Ólafur Ragnar Grímsson, forseti Íslands, ávarpar
ráðstefnuna Ungt fólk og lýðræði á Hvolsvelli.