Ægir - 01.01.2015, Blaðsíða 6

6
Framþróun í atvinnugreinum á Íslandi virðist oft verða í miklum stökk-
um og væri stundum nær að tala um byltingar en þróunarferli. Þetta á
ekki bara við um sjávarútveginn heldur í raun flestar atvinnugreinar
og mætti kannski leita uppruna þessa í hugarheimi landsmanna. Það
er ekki langt um liðið síðan við vorum með mjög einfalt og frumstætt
atvinnulíf og húsakosturinn ekki upp á marga fiska. Framfarirnar á
stuttum tíma hafa því orðið mjög miklar. Hér mætti nefna róbótavæð-
inguna í mjólkurframleiðslu sem dæmi, frystihúsin og síðan frystitog-
aravæðinguna í sjávarútvegi, hraða þróun frá frystingu sjávarafurða
yfir í útflutning ferskra afurða og þannig mætti áfram telja. Freistandi
er í þessu samhengi líka að nefna bankaútrásina miklu og mörg stór
orð sem látin voru falla um hæfni Íslendinga á þeim sviðum. Líkast til
er þó að bera í bakkafullan lækinn að rifja þann kafla upp þó vissulega
hafi líka eitt og annað gott verið gert á því sviði líka og skýringa á
hruni bankanna á sínum tíma að finna í mörgum þáttum.
Í þessu tölublaði Ægis er fjallað um nýbreyttan togara FISK Sea-
food úr frystitogara í ferskfisktogara. Hugtakið ísfisktogari á að vísu
ekki við um skipið eftir breytingar því um borð er enginn ís og fiskur-
inn er kældur á annan hátt. Í kjölfar áðurnefndrar breytingar úr sjó-
frystingu yfir í landvinnslu er stóraukin áhersla á að bæta meðferð afla
fyrir landvinnsluna, því rannsóknir sýna að meðferðin og kælingarferl-
ið um borð í skipunum strax að lokinni slægingu hefur mikil áhrif á
gæði fisksins í vinnslunni og þar með gæði afurðanna. Þegar framleitt
er fyrir útflutning ferskra afurða skiptir miklu að tryggja lengri tíma
fyrir afurðirnar í hámarksgæðum, bæði fyrir svokallað hillulíf í verslun-
um erlendis, flutningsferlana og fleira.
Það er sannarlega mikil bylting að ekki þurfi að nota ís til kælingar,
líkt og kerfi Skagans hf. og 3X Technology í togaranum Málmey SK á
Sauðárkróki gengur út á. Það eitt og sér er þó ekki eina breytingin
heldur í raun vinnsluferillinn þar sem aflinn er kældur jöfnum skrefum
niður í mínus eina gráðu áður en hann fer í lest skipsins. Þessi fyrirtæki
og samstarfsaðilar þeirra hafa sannað með tæknibúnaði og lausnum í
uppsjávarvinnslum hérlendis og erlendis að ná má langt í tæknivæð-
ingunni, auka sjálfvirni og auka um leið bæði gæði og afköst. Enda
bendir Ingólfur Árnason, framkvæmdastjóri Skagans og 3X Techno-
logy, á það atriði í viðtali hér í blaðinu að fyrirtæki sem bæði starfi í
bolfiskvinnslu og vinnslu á uppsjávarfiski sjái verulegan mun á saman-
burðinum í framþróuninni.
Þessi fyrirtæki og nokkur önnur hafa keppst við að koma fram með
tækninýjungar í bolfiskvinnslunni allra síðustu ár, líkt og glögglega
mátti sjá á Íslensku sjávarútvegssýningunni sl. haust. Fiskur er nú hlut-
aður af mikilli nákvæmni með vatnsskurði, sjálfvirkni er í pökkun og
margt fleira er að ryðja sér rúms. Ástæða er til að binda miklar vonir
við að með nýjum ferksfiskskipum sem eru í smíðum náist mikil
framþróun og líkast til verður þess vart langt að bíða að framkvæmdir
við ný landvinnsluhús fyrir bolfisk hefjist hér á landi.
Ný skip HB Granda verða þannig búin að mannshöndin kemur
hvergi nærri lestarvinnu og það eitt og sér er byltingarkennd nýjung. Í
áðurnefndu viðtali segist Ingólfur Árnason sjá fyrir sér að bylta megi
landvinnslunni þannig að snyrting á fiskflökum með mannshöndinni
verði að mestu úr sögunni í framtíðinni og þannig mætti áfram telja.
Bolfiskvinnslan er og verður burðarás í sjávarútvegi á Íslandi.
Framþróun á því sviði mun því hafa mikil áhrif og vonandi skila nýju
framfaraskeiði.
Jóhann Ólafur Halldórsson skrifar
Ný tækni - nýtt framfaraskeið
Út gef andi:
Athygli ehf. ISSN 0001-9038
Rit stjórn:
Athygli ehf. Hafnarstræti 82, Ak ur eyri.
Rit stjór i:
Jóhann Ólafur Hall dórs son (ábm.)
Sími 515-5220. GSM 899-9865.
Net fang: johann@athygli.is
Aug lýs ing ar:
Augljós miðlun. Sími 515-5206.
GSM 898-8022. Net fang: inga@athygli.is
Suðurlandsbraut 30. Reykjavík.
Hönnun & umbrot:
Athygli ehf.
Suðurlandsbraut 30. Reykjavík.
Sími 515-5200.
Á skrift:
Hálfsársáskrift að Ægi kostar 5500 kr.
Áskriftar símar 515-5200 & 515-5205
ÆG IR kem ur út 11 sinn um á ári.
Eft ir prent un og ívitn un er heim il,
sé heim ild ar get ið.
R
itstjórn
a
rp
istilll
Vökvakerfislausnir
Vökvadælur, vökvamótorar
og stjórnbúnaður

Danfoss hf. Skútuvogi 6, 104 Reykjavík, Sími: 510 4100
www.danfoss.is
Stjórnbúnaður skipa. Tæknibúnaður sem ætlaður
er til notkunar á sjó mætir erfiðustu hugsanlegu
skilyrðum. Álag óblíðrar náttúru, miklar
hitabreytingar og stöðugur ágangur af söltum
sjó, eykur þörf viðskiptavina fyrir áreiðanlegan
og skilvirkan búnað.