Reykjalundur - 01.06.1947, Page 21

T résmiðaverkstœðið
að Reykjalundi.
endur og forystumenn þess, sem um skeið
höfðu verið sjúkir og dvalið í heilsuhælum,
hafa með fjársöfnun til vinnuheimilisins og
byggingar þess sýnt karlmennskuhug og
mikið framtak.
Lífið er stundum kalt og dapurlegt. Svo
hlýtur það oft að verða þeim, sem koma úr
sjúkrahúsi og sjá ekki framtíðarveg. Þeim
virðist flest sund lokuð. En vinnuheimilið
að Reykjum lýkur upp. Það veitir skjól. Það
opnar leiðir, vekur nýjar vonir og gefur
tækifæri. Það opnar leiðir til lífshamingju,
sem allir eru að leita að og ekki sízt þeir,
sem hafa séð vonir bresta og skuggana leggj-
ast yfir veginn.
Vinnuheimilið þarf að vaxa að bygging-
um og vinnutækjum. Nú eru þar 44 vist-
menn, karlar og konur. En það eru fleiri,
sem knýja á dyrnar. Við getum öll í þessu
landi hjálpað til að opna þær dyr með því
að styðja í verki þessa fögru viðleitni.
Forystumennirnir eru vel vakandi. Eg
hafði ánægju af að sjá eldlegan áhuga Odds
læknis Ólafssonar og þeirra, sem með hon-
um starfa. Þarna er nú þegar verið að reisa
viðbótarstórhýsi, sem á að rúma 60 vist-
menn. — Hinir bjartsýnu og djörfu braut-
ryðjendur verðskulda stuðning allrar þjóðar-
innar. Hún hefur þegar sýnt að hún skilur
og metur störf þeirra og mun halda áfram
að styðja hið mikla mannúðar- og menn-
ingarmál unz markinu er náð. Eg hygg að
þetta fagra verk sé í eðli sínu í anda hans
sem forðum sagði: „Far þú og gjör slíkt hið
sama.“
Reykjalundur er gistihús lækningar og
kærleiksþ j ónustu.
Reykjalundur
3