Morgunblaðið - Sunnudagur - 04.01.2015, Side 2

Segðu okkur frá starfi þínu í kringum leikritið Dúkkuheimili.
Að fá að kynnast þessu leikriti og sökkva sér inn í það með hópnum sem að því stendur
hefur verið algerlega magnað. Allt frá því að ég las leikritið í fyrsta sinn fann ég fyrir
miklum slætti innra með mér, eitt er það að þetta er náttúrlega alveg ofboðslega gott
leikrit, en það sem sló mig alveg út af laginu við það í raun var hversu ofboðslega
vel það á við í dag. Manni hefur oft orðið orðavant í tíðum samræðum við
samstarfsfólk um efni þess akkúrat vegna þess hve ískyggilega það
vísar til okkar samfélags og tíma, jafnvel í manns eigin lífs-
reynslu. Því er það svo gefandi og gott að fá tækifæri á að fá
að tjá sig um það í gegnum tónlistina. Einhvern veginn varð
strax til einhver sláttur eða tónn sem haldist hefur í gegn-
um þetta ferli, furðuleg hljómvissa sem varð til strax í upp-
hafi. Það var svona meira líkt og maður þyrfti að sækja tónlist-
ina heldur en að maður settist niður við að smíða líma og járnbinda.
Hvernig hefur samstarfið gengið?
Það hefur verið í einu orði sagt – dásamlegt – að vinna með öllum hlutaðeigandi sýn-
ingarinnar, hverjum einasta! Hvílíkt eðalfólk sem það er, svo frábærir listamenn hver
á sínu sviði.
Í vinnu sem þessari er ekki endilega á vísan að róa með hvernig gengur. Listafólk
vinnur mikið með mannlega eiginleika og þeirra eigin mannlegu eiginleikar verða
kannski í starfi þeirra meira áberandi en annars og ég er innilega þakklát og glöð yfir
að hafa fengið tækifæri til að fylgjast með því hvernig einmitt þetta frábæra listafólk
tekst á við list sína í þessu magnaða skáldverki. Í sköpun sem þessari er lykillinn að
allra höfundarverk nái að blómstra og þjóni hinu sameiginlega markmiði, sýningunni.
Svo hún öðlist það líf sem henni er ætlað.
Dúkkuheimili er skrifað 1879. Á það enn vel við?
Það er eiginlega ískyggilega sígilt. Þrátt fyrir alla þá þróun sem við teljum hafa átt
sér stað í gegnum söguna og vissulega hefur orðið á mörgum sviðum svo maður til
taki til dæmis hvað tækni og vísindi varðar þá hefur sú sama þróun eitthvað látið á
sér standa þegar kemur að mannlegu samneyti, viðhorfi okkar sjálfra til raunveru-
legs jafnréttis til að mynda, nánum samskiptum okkar og þeim undarlega leik-
araskap sem við dettum inn í meðvitað og ómeðvitað í samskiptum hvert við annað.
Við spólum eins og enginn sé morgundagurinn í eldgömlum hjólförum, hömumst
áfram með alla okkar samfélagslegu álitsgjafa og dómhörku meðferðis þannig að
manni sýnist nú oft eitthvað standa á þroskanum en við manneskjur erum jú líka á
sama tíma svo stórkostlega skapandi að við klæðum hegðun og atferli í nýja og
spennandi búninga hverju sinni og erum þar dyggilega studd umhverfinu eða já,
samfélaginu. Við virðumst ekki komast út úr þeirri hugmyndafræði að til þess að
„halda velli“ í okkar veraldlega þenkjandi heimi virðist málið vera að loka fyrir til-
finningalegt innsæi og heiðarleika til dæmis. Við ríghöldum okkur í ímyndir sem
okkur eru innrættar allt frá blautu barnsbeini um passlega mikla lygi og hagræð-
ingu á sannleikanum sem allt er auðvitað í þágu þess að komast sem best af eða
ætti ég kannski að segja koma sem best út í samanburði við eitthvað eða einhvern
sem enginn veit í raun hvað eða hver er.
Ég veit hins vegar líka að sú sannleiksþrá sem býr líka í hverri manneskju verður
ekki sigruð. Kjarninn í okkur hrópar á svölun á þeirri þrá. Hversu langt við göngum þó
til að hlýða því kalli er afar misjafnt. Ég held að Ibsen sé meðal annars að benda á
þetta með verkinu sem síðast en ekki síst er líka frábær saga af fjölskyldu um jólaleyt-
ið, sem enginn vill láta fram hjá sér fara!
Strengdir þú áramótaheit?
Ég strengi nú ekki eiginlegt áramótaheit, er svo hrædd um að það klikki. Ég vona bara
að hver dagur verði sem allra bjartastur! Nýtt ár leggst vel í mig. Ég veit að það felur
í sér einhvern alveg sérstakan galdur, þetta ár. Það eru mörg skemmtileg verkefni
framundan. Ég mun vinna í tónlist með frábæru fólki og hlakka til.Morgunblaðið/Þórður
MARGRÉT KRISTÍN BLÖNDAL
SITUR FYRIR SVÖRUM
Ískyggilega sígilt
Í fókus
2 MORGUNBLAÐIÐ SUNNUDAGUR 4.1. 2015
Mér líður mjög vel og ég trúi því að ef manni
sjálfum líður vel þá verði allt gott og bjart í
kringum mann. Þannig að árið framundan
leggst mjög vel í mig.
Guðrún Ísleifsdóttir
Árið leggst alveg rosalega vel í mig. Það er
nýtt barn á leiðinni hjá okkur og svo ótrúlega
margt skemmtilegt framundan næstu mánuði
að ég hlakka til.
Díana Dögg Hreinsdóttir.
Árið 2015 leggst nokkuð vel í mig. Þetta er
góð tala, ég hef fulla trú á henni. Áramótin
voru líka góð svo að þau vita líka á gott fyrir
það sem framundan er.
Jóhann Bjarnason
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Ég er alltaf rosalega bjartsýn á áramótum.
Það er svo gaman og gleðilegt að upplifa nýtt
upphaf, byrjunina á einhverjum nýjum fyr-
irheitum.
Guðrún Anna Auðunsdóttir
Morgunblaðið/Þórður
SPURNING DAGSINS HVERNIG LEGGST ÁRIÐ 2015 Í ÞIG?
Vídó- og ljósahönn-
uðurinn Ingi Bekk hefur
unnið að merkum og marg-
verðlaunuðum óperu- og
leiksýningum á Englandi.
Hann hefur meðal annars
unnið með goðsögninni
Terry Gilliam. Menning 56
Í BLAÐINU
Forsíðumyndina tók
RAX
Hvaða kjöt er mannúð
legast að borða? Þessari
spurningu og fleirum tengdum
kjötáti og slátrun dýra til
manneldis er velt upp í grein í
blaðinu. Miklu getur munað á
því hvernig hugsað er um dýr
og hversu mikið þau þurfa að
þjást áður en þau enda á diski
neytenda. Úttekt 52
Ragnheiður Valgarðsdóttir, formaður Sjósunds- og
sjóbaðsfélags Reykjavíkur, fer í sjóinn tvisvar til
þrisvar í viku allan ársins hring og segir sjósundið hafa
jákvæð áhrif á líkamlega og andlega heilsu. Hún byrj-
aði árið uppáklædd í nýárssundi. Heilsa 24
Útsölurnar eru í þann
mund að hefjast og nýta
sér þær margir. Þá getur
verið gott að taka til í
skápunum til þess að sjá
hvað vantar og skipu-
leggja verslunarleiðang-
urinn vel. Tíska 43
Hin hressa og síkáta
tónlistarkona og
varaborgarfulltrúi
Margrét Kristín Blön-
dal, betur þekkt sem
Magga Stína, er með
margt í pípunum um
þessar mundir og
skrifaði meðal ann-
ars tónlistina fyrir
leikritið Dúkkuheim-
ili sem var frumsýnt
fyrir stuttu.