Morgunblaðið - Sunnudagur - 04.01.2015, Qupperneq 20
H
refna, sem er sjúkraþjálfari, fór í mastersnám í stoðkerf-
isþjálfun og Björn fór í MBA-nám. „Við vorum svo heppin að
finna bæði ársnám í Melbourne University, stærsta háskól-
anum í Viktoríuríki,“ segir Hrefna. Þau luku námi í nóvember,
fóru þá á flakk og komu heim í janúar á síðasta ári. Von var á fjölgun í
fjölskyldunni þegar blaðamaður ræddi við Hrefnu rétt fyrir jól; hún gekk
með fyrsta barn þeirra hjóna, og sonur fæddist skömmu fyrir áramót. Til
hamingju með það!
Björn og Hrefna hafa bæði stundað fimleika lengi og því ekki að undra
hvernig mynd var tekin af Birni á Kínamúrnum og Hrefnu við vegg-
listaverk í Melbourne, sem birtar eru hér í opnunni; hún var einn Evr-
ópumeistaranna í hópfimleikum á sínum tíma og Björn þjálfari.
„Það var yndislegt að upplifa Ástralíu,“ segir Hrefna við Sunnudagsblað
Morgunblaðsins. „Fólkið er mjög indælt og opið og alltaf til í að spjalla.“
Íþróttaáhugi er mjög mikill í Melbourne. „Þegar við komum snerist allt
um opna ástralska meistaramótið í tennis. Formúlan er mjög vinsæl
þarna og ástralski fótboltinn auðvitað. Besta liðið er einmitt í Melbourne,
bekkjarbróðir Björns dró okkur auðvitað á völlinn og við fórum að halda
með The Hawks, sem komst í úrslit og varð Ástralíumeistari á meðan við
vorum úti. Þá er óhætt að segja að allt hafi orðið brjálað úr fögnuði.“
Þau fóru nokkuð víða en Hrefna nefnir sérstaklega ferð norður í Ka-
kadu-þjóðgarðinn, þar sem m.a. má sjá náttúruperluna Uluru (sem líka er
nefnd Ayres-kletturinn), einn helgasta stað frumbyggja, en þeir eru fjöl-
mennir í þessum landshluta og menning þeirra hefur varðveist best þar.
Einnig fannst henni tilkomumikið að aka eftir Great Ocean Road, frægum
vegi við suðurströndina, skammt frá Melbourne. „Þetta er einskonar
Gullni hringurinn í Viktoríuríki. Frægir drangar standa þar upp úr sjón-
um, voru 12 – kallaðir postularnir 12 – en átta eru nú sjáanlegir. Strand-
lengjan er ótrúlega flott og þarna er mikið um brimbrettafólk.“
Veður er Áströlum afar hugleikið. „Íbúar Melbourne eru helteknir af
veðurfréttum, enn frekar en Íslendingar, enda getur veðrið þar verið
öfgakennt og breyst á skammri stundu. Stundum var gríðarlega kalt og
rigning að morgni en hitinn kominn upp í 15 stig seinna um daginn, jafn-
vel fyrir hádegi.“
VORU TÆPT ÁR VIÐ NÁM Í MELBOURNE
Yndislega
Ástralía
HJÓNIN HREFNA ÞORBJÖRG HÁKONARDÓTTIR OG BJÖRN
BJÖRNSSON VORU VIÐ NÁM Í MELBOURNE Í ÁSTRALÍU Í
FYRRA. ÞAU NOTUÐU TÆKIFÆRIÐ OG FERÐUÐUST
INNAN LANDS OG UM ÖNNUR LÖND Á SUÐURHVELI.
Skapti Hallgrímsson skapti@mbl.is
20 MORGUNBLAÐIÐ SUNNUDAGUR 4.1. 2015
Ferðalög og flakk
Allir ættu að setja ferð til Nýja-Sjálands á óskalistann, að sögn Hrefnu.
„Við fórum þangað í viku í nóvember, leigðum húsbíl og keyrðum hring
um suðureyjuna. Það var stórkostlegt! Við höfðum verið lengi að heiman
og ég ímynda mér að tilfinningin hafi verið svipuð og upplifun útlendinga
sem koma til Íslands. Margt er svipað með löndunum, náttúran ofboðslega
falleg, en Nýja-Sjáland þó eins og Ísland í fimmta veldi; fjöllin og vötnin
stærri og veðrið betra.“
Þau komu m.a. við í Queenstown sem stundum er kölluð adrenalínhöf-
uðborgin, m.a. vegna þess að þar var teygjustökk fyrst reynt í heiminum.
„Við fórum einmitt að brúnni þar sem fyrst var stokkið og þar voru marg-
ir að prófa. Við létum okkur hins vegar nægja að horfa á!“ Hrefna segir
Nýja-Sjáland „pínu sveitó“ miðað við Ástralíu, þó ekki í neikvæðri merk-
ingu, og dásamlegt að koma til landsins.
STÓRKOSTLEGT Á NÝJA-SJÁLANDI
Bekkjarbróðir Björns úr MBA náminu gifti sig heima á
Sri Lanka um áramót. „Það var magnað að vera við-
staddur tveggja daga skrautlegt og skemmtilegt brúð-
kaup þar,“ segir Hrefna. „Fyrri daginn var allt mjög há-
tíðlegt en fjörugt partí seinni daginn og mikið dansað.
Þetta var í höfuðborginni, Colombo, en við fórum í
túr norður í land og skoðuðum gamlar minjar. Kom-
um m.a. að frægum kletti, Sigiriya, þar sem reist var
virki fyrir konunginn í gamla daga; þegar ráðist var á
hann gat kóngur og hans fólk flúið upp á klettinn og
varist. Við spjölluðum við nokkra heimamenn og urð-
um vör við mikla móðurjarðarást. Þeir töluðu mjög
fallega til landsins. Það var allt önnur stemning á Sri
Lanka en t.d. á Filippseyjum, þar sem fátækt var áber-
andi, sérstaklega í höfuðborginni Manilla.“
MÓÐURJARÐARÁST
Á SRI LANKA
„Það er afskaplega gott að búa í
Melbourne. Borgin er mjög
„græn“ með stórum görðum,
menningarlífið er gíðarlega öflugt
og mikill fjöldi góðra veit-
ingastaða. Mjög mikið er um
vegglist – graffiti – sem gerir
borgina skemmtilega og sjarm-
erandi. Það þarf að þekkja borg-
ina býsna vel til að geta notið
hennar til fulls; góð kaffihús og
fimm stjörnu veitingastaðir eru
til dæmis oft „falin“ inni í húsa-
sundi þar sem í fyrstu sýnist ekki
boðið uppá neitt nema vegg-
listaverk!“
MELBOURNE MJÖG
SKEMMTILEG BORG