Morgunblaðið - Sunnudagur - 04.01.2015, Page 24
R
agnheiður Valgarðsdóttir, formaður
Sjósunds- og sjóbaðsfélags Reykja-
víkur (SJÓR), byrjaði í sjósundi fyr-
ir tæpum sex árum. „Núna í febrúar
verða komin sex ár. Ég byrjaði með systur
minni og við vorum ánægðar þegar við gátum
loks tekið nokkur sundtök. Við fórum hægt
og rólega ofan í, stóðum í fjörunni og tókum
okkur tíma í að átta okkur á þessu,“ segir
hún og bendir á að SJÓR sé ekki aðeins sjó-
sundsfélag heldur líka sjóbaðsfélag. „Það þarf
enginn að synda. Þetta er ekki keppni í hetju-
skap. Það eru margir sem fara bara í sjóböð
og synda þannig að þeir ná alltaf í botninn og
fara aldrei frá ströndinni en fá alveg jafn-
mikið út úr þessu,“ útskýrir hún.
Hvernig tilfinning er það að fara út í kald-
an sjóinn?
„Það er ískalt fyrst og alltaf svolítið sjokk
að fara út í,“ segir Ragnheiður og lýsir því
hvernig hún ber sig að. „Maður labbar rösk-
lega í sjóinn. Svo er átak að byrja að synda.
Þegar þú ert kominn með sjóinn upp að nafla
þá þarftu að fara að taka ákvörðun um að
setja hendurnar ofan í og synda. Þá þarf að
muna eftir að anda rólega. Það má ekki of-
anda og ekki heldur sleppa því að anda. Lyk-
illinn er að anda rólega og synda nokkur
sundtök, þá kemst maður yfir þennan hjalla
og þá er þetta orðið notalegt,“ segir hún og
ítrekar að þetta eigi ekki að vera nein keppni.
Gaman hjá börnunum í pottinum
Hún segir að vel sé hægt að stunda sjósund
með fjölskyldunni. „Það er hægt að stunda
sjósund með börn því potturinn niðri í Naut-
hólsvík er mjög skemmtilegur fyrir krakka.
Krakkarnir geta alveg
verið í pottinum þó að
foreldrarnir skreppi að-
eins í sjóinn. Þeim
finnst gaman að hlaupa
niður í fjöruna og leika
sér þar og koma aftur í
pottinn,“ segir hún.
Hún segir það gam-
an að vera í Nauthóls-
vík; hún veiti gott skjól
fyrir norðanáttinni.
Ljósmengunin sé held-
ur ekki mikil svo hægt
sé að njóta stjörnu-
bjartra kvölda.
„Sjósundið er stund-
um tengt hetjusög-
unum um Gretti sem synti út í Drangey og
svoleiðis en þetta tengist ekki hetjuskap hjá
okkur. Við njótum þess bara að vera í sjónum
og syndum ekki of langt, allra síst á veturna
þegar það er svona kalt; þá höldum við okkur
meðfram ströndinni og syndum ekki ein held-
ur í hópi eða vitum af einhverjum nálægt,“
segir Ragnheiður og segir að líka sé gott að
fara ekki í sundið á fastandi maga því það út-
heimti mikla orku að fara í sjóinn.
En hvað finnst henni sjósund hafa gert fyr-
ir hana?
„Þetta hefur bæði líkamleg og andleg áhrif.
Ég er betri af vöðvabólgu, mér finnst blóð-
rásin í líkamanum vera betri en áður en ég
fór að stunda sjósund. Mér finnst ég líka til-
búnari að takast á við ýmislegt í lífinu. Þetta
hefur kennt mér að takast á við ýmsar að-
stæður,“ segir hún og bætir við að sjósundið
hafi kennt henni áræðni, hún andi rólega og
hafi stjórn á aðstæðum.
„Svo talar fólk um að þetta hafi andlega
góð áhrif, þú færð adrenalín kikk og endorf-
ínið streymir um líkamann. Þetta er eins og
að standa á toppnum eftir fjallgöngu en tekur
styttri tíma. Þú ferð út í sjó, blóðrásin fer á
fullt og þegar þú kemur upp úr fylgir lík-
amleg vellíðan.“
Hún fer í sjóinn tvisvar til þrisvar í viku
allan ársins hring og segir stóran hóps fólks
fara svo oft. Hún segir fólk eiga sína tíma og
hitti alltaf sama fólkið en töluvert sé um vina-
hópa í sjósundinu.
Sem stendur er ekki formleg nýliðamóttaka
í gangi. „En það er alltaf hægt að mæta í
Nauthólsvík þegar opið er og láta vita að við-
komandi sé nýr og það er alltaf einhver sem
er tilbúinn að taka hann með sér.“
Síðasta laugardag var sjórinn -0,9 °C þegar
Ragnheiður fór í sjóinn. „Það eru nokkur
skipti á vetri sem þetta gerist. Það er svona
aðeins héla, smá krapi ofan á sjónum og mað-
ur er bara þrjár, fjórar mínútur ofan í. Sjór-
inn er mjög kaldur en maður getur þetta al-
veg. Kikkið er svolítið skemmtilegt. Eins og
fyrir lærin, maður ímyndar sér að appelsínu-
húðin sé bara horfin,“ segir hún og hlær.
Hún segir marga nota sjóinn sem kælingu
eftir hlaup eða önnur átök til að vinna á bólg-
um eða eymslum í
skrokknum. „Kæl-
ingin er miklu meiri
en að setja bara
bakstur á sig,“ segir
hún.
„Þetta er minna
mál en fólk heldur,“
fullyrðir Ragnheiður
en ekki er laust við að
„leikmenn“ fái hroll
við tilhugsunina um
kaldan sjóinn. Á vet-
urna klæðast flestir
þó jafnan hönskum,
skóm og hettu eða
húfu til að verja sig
gegn kuldanum.
„Svo má ekki gleyma gufunni í Nauthólsvík
en hún er alveg æðisleg. Sumir taka Finnann
á þetta, fara í sjósund og gufubað á eftir,“
segir hún.
Einn af stóru viðburðunum hjá SJÓR er
hið árlega nýárssund. „Það er kjörið til að
mæta ferskur til leiks á nýju ári. Það verður
engin þynnka á þeim sem fer í sjósund, hún
hverfur eins og dögg fyrir sólu,“ segir hún en
í nýárssundinu mætir fólk jafnan í búningi.
„Fólk leggur jafnvel meira upp úr dressinu
fyrir nýárssundið en jólakjólnum,“ segir hún.
Hver sjósundferð er ólík öðrum
Ragnheiður segir það gott að byrja í sjósundi
núna þó að sjórinn sé svona kaldur. „Þá er
hægt að vera búinn að venjast sjónum og
vera tilbúinn fyrir hann þegar fer að hlýna í
sumar. Það er æðislegt að synda í sjónum á
sumrin en þá er hægt að kafa eftir kross-
fiskum og kröbbum. Hver sjósundferð er ólík
öðrum. Fjaran er heldur aldrei eins.“
Hún líkir muninum á því að synda í sund-
laug og í sjó við muninn á að hlaupa á
hlaupabretti á líkamsræktarstöð og hlaupa úti
í náttúrunni.“
Hún segir sjósundið hafa gefið henni ný
gleraugu á ferðalagi um Ísland. „Þegar mað-
ur ferðast um landið horfir maður á sjóinn og
hugsar, þarna væri gaman að hoppa út í.
Maður fær öðruvísi sýn á landið.“
SJÓR er líka með fræðslu og skipulagðar
sundferðir á sínum vegum og ýmsar uppá-
komur. „Það er frekar þegar sjórinn er far-
inn að hitna meira,“ segir hún og þá er ör-
yggið í fyrirrúmi. „Í þessum skipulögðu
sundferðum hjá okkur á sumrin er gæslan
mjög góð. Við erum með björgunarsveitir og
hjálparsveitir, þrjá til fjóra báta og teymi í
landi sem er tilbúið að taka á móti fólki ef
eitthvað er. Öryggisgæslan er mikil, allir eru
merktir og með skærlitar sundhettur. Við
höfum tekið okkur á í öryggismálunum og
viljum hafa strangar reglur. Fólk getur
kannski synt kílómetra í laug en það er allt
annað að synda sömu vegalengd í sjó, þú
þarft að þora að treysta á sjálfa/n þig. Þessar
aðstæður hafa kennt manni að takast á við
ýmislegt í lífinu.“
FORMAÐUR SJÓSUNDS- OG SJÓBAÐSFÉLAGS REYKJAVÍKUR (SJÓR)
Ekki keppni í
hetjuskap
„Ég er betri af vöðvabólgu,
mér finnst blóðrásin í lík-
amanum vera betri en áð-
ur en ég fór að stunda sjó-
sund. Mér finnst ég líka
tilbúnari að takast á við
ýmislegt í lífinu. Þetta hef-
ur kennt mér að takast á
við ýmsar aðstæður,“ segir
Ragnheiður.
RAGNHEIÐUR VALGARÐSDÓTTIR FER Í SJÓINN TVISVAR TIL ÞRISVAR
Í VIKU ALLAN ÁRSINS HRING OG SEGIR SJÓSUNDIÐ HAFA JÁKVÆÐ
ÁHRIF Á LÍKAMLEGA OG ANDLEGA HEILSU.
Inga Rún Sigurðardóttir ingarun@mbl.is
Ferð í pottinn í Nauthólsvík er ómissandi eftir dýfu í sjónum.
Myndirnar með viðtalinu eru allar teknar í nýárssundinu þar sem fólk skartaði sínu fínasta.
* Maður labbar rösk-lega í sjóinn. Svo erátak að byrja að synda.
Þegar þú ert kominn með
sjóinn upp að nafla
þarftu að fara að taka
ákvörðun um að setja
hendurnar ofan í og
synda. Þá þarf að muna
eftir að anda rólega.
24 MORGUNBLAÐIÐ SUNNUDAGUR 4.1. 2015
Heilsa og hreyfing
Heilsubók Röggu Nagla kemur í verslanir 6. janúar. „Bókin er samansafn af nöldri Naglans í
gegnum tíðina í bland við nýtt tuð, og gómsætar uppskriftir,“ segir Naglinn sjálfur, sem heitir
réttu nafni Ragnhildur Þórðardóttir. Það eru engar töfralausnir í bókinni enda boðar höf-
undur ekki skyndiátak heldur varanlegan lífsstíl.
Heilsubók Röggu Nagla