Morgunblaðið - Sunnudagur - 04.01.2015, Qupperneq 36

Það bar til tíðinda á árinu að kínversk fyrirtæki urðumeð stærstu hátæknifyrirtækjum heims, eins og get-ið er hér fyrir neðan. Þar á meðal er Lenovo, sem
er stærsti tölvuframleiðandi heims þegar einkatölvur eru
annars vegar. Þeirri stöðu hefur fyrirtækið náð meðal
annars með því að kaupa aðra framleiðendur, ekki síst
fartölvuhluta IBM, en líka með því að vera frumlegt í
hugsun og hönnun, sem sannast á mörgum for-
vitnilegum fartölvum og spjaldtölvum á síðustu árum.
Á þessum stað hefur iðulega verið fjallað um nýjar
Lenovo fartölvur, ThinkPad og IdeaPad, en minna
um spjaldtölvur fyrirtækisins, sem heita einnig Idea-
Pad með Tablet skeytt
aftan við; nú síðast kom á
markað Lenovo Yoga
Tablet 2 Pro sem er
talsvert frábrugðin fyrri
spjaldtölvum frá Lenovo
þó Lenovo-ættarsvipurinn
leyni sér ekki.
Það fyrsta sem maður sér þeg-
ar pakkinn er opnaður er að vélin
er stór, risastór; skjárinn er 13,3"
sem er stærsti spjaldtölvuskjár sem ég hef komist í tæri við,
þó að stærri snertiskjái megi finna á fartölvum sem breyta
má í spjaldtölvu. Vélin er líka mikil um sig, 333 x 223 mm og
þykktin frá 3,6 upp í 12,6 mm eftir því hvað tekið er á henni,
en eitt af sérkennum Yoga-línunnar er hve þær eru þykkar
um sig að neðanverðu og fyrir vikið mun betra að taka á
þeim, kanturinn virkar nánast eins og handfang, og betra að
stilla þeim upp, til að mynda til að horfa á myndskeið. Hún
er líka nokkuð þung, 950 g, og ekki þessleg að maður nenni
að sitja með hana í fanginu langtímum saman – þetta er
frekar tölva til að stilla upp til að horfa á sjónvarp eða kvik-
myndir og með Bluetooth-lyklaborði er hún fyrirtaks vinnu-
vél. Boddíið á henni er reyndar úr plasti, sem einhverjum
finnst kannski ókostur, en er þó vætanlega gert til að draga
aðeins úr þunganum. Aftan á tölvunni er hægt að smella út
flipa eða standi úr áli og til þess ætlaður að hægt sé að stilla
vélinni upp.
„Handfangið“ er þó ekki bara fyrir standinn og til að gera
gripið betra – í endanum á því er fyrirbæri sem fær mann til
að reka upp stór augu: Myndvarpi. Í frétta-
tilkynningu frá Lenovo kemur fram að sífellt fleiri séu bara
með spjaldtölvur á heimilinu og uppfyllir þarfir sína fyrir
skemmtun og fróðleik með þeim; sýsli með samfélagsmiðla,
vafri um netið, hlusti á tónlist og horfi á kvikmyndir. Síu við-
bót að setja myndvarpa í græjuna sé svo kjörin leið til að
auka notagildi spjaldsins umtalsvert, því með nánast einu
handtaki sé hægt hægt að breyta tjaldi eða vegg í allt að 50"
sjónvarpsskjá.
Það er sáraeinfalt að virkja myndvarpann, kveikt er á hon-
um með hnappi á hlið vélarinnar sem maður leggur síðan á
hliðina með standinn opinn til að stilla hæðina af og síðan er
fókusinn stilltur með sleða aftan við myndvarpalinsuna.
Myndin er líka merkilega góð, ekki ýkja björt, en þokkaleg í
rökkvuðu herbergi og eðlilega enn betri í myrkvuðu. Raf-
hlaða spænist þó upp þegar myndvarpinn er notaður og þó
að Lenovo segi að rafhlaðan eigi almennt að endast í fimm-
tán tíma þá lofa þeir ekki nema hálfum fjórða tíma þegar
kveikt er á myndvarpanum.
Þó ég nefni það að myndvarpinn henti vel fyrir kvikmynd-
ir eða myndskeið þá er náttúrlega hægt að varpa hverju sem
er á skjánum upp á vegg, vefsíðum eða glærum til að mynda,
því myndvarpinn sýnir einfaldlega það sama og skjárinn.
Það hljómar óneitanlega sérkennilega að vera með mynd-
varpa í spjaldtölvunni og hugsanlega verður sá möguleiki lít-
ið notað hjá þeim sem eru ekki beinlínis að leita að honum
en mér fannst það algjör snilld, ekki síst þegar ég kynntist
því hve vel það virkaði, myndin skýr og einfalt að setja upp.
Hljómur í henni var líka merkilega góður í ljósi þess að há-
talararnir, sem eru neðan við skjáinn að framan, eru eðlilega
frekar litlir, þó ekki séu þeir pínulitlir, en það munar talsvert
um „bassaboxið“ aftan á henni.
Örgjörvinn í henni er býsna sprækur, 1,86 GHz fjögurra
kjarna Intel Atom örgjörvi, og minnið 2 GB, en skjárinn ger-
ir sínar kröfur – 13,3" með upplausninni 2.560 x 1.440 dílar.
Það getur verið erfitt að finna jafnvægi milli vinnsluhraða og
skjáupplausnar og mér tókst að leggja svo mikið á vélina,
vera með það mikið í gangi, að hún hikstaði hún öðru hvoru,
en breytir því ekki að Lenovo Yoga Tablet 2 Pro er fram-
úrskarandi spjaldtölva.
Tölvan kostar 89.990 kr. í netverslun Nýherja.
SPJALDTÖLVAN ER MYNDVARPI
SPJALDTÖLVUR KOMA VÍÐA Í STAÐINN FYRIR
FARTÖLVUR OG MEIRA AÐ SEGJA BORÐTÖLVUR,
EN ÞAÐ MÁ LÍKA LÁTA ÞÆR KOMA Í STAÐINN
FYRIR SJÓNVARP, EF ÚT Í ÞAÐ FARIÐ. SJÁ TIL AÐ
MYNDA NÝJA SPJALDTÖLVU FRÁ LENOVO SEM
BREYTA MÁ Í 50" SJÓNVARPSTÆKI MEÐ EINU
HANDTAKI …
* Eins og fram kemur hér til hlið-ar er örgjörvinn í vélinni 1,86 GHz
Intel Atom Z3745. Grafíkörgjörvinn
er líka frá Intel. Vinnsluminni er 2
GB, gagnaminni 32 GB og hægt að
bæta við allt að 64 GB minni með
microSD minniskorti. Android 4.4
KitKat fylgir vélinni, en uppfærsla í
4.4.2 bíður. Væntanlega kemur upp-
færsla í 5.0 fljótlega.
* Myndavélin á bakinu er býsna góð, 8MP, en á framhliðinni er 1,6 MP vél. Ekki
má svo gleyma skjávarpanum sem skilar
854x580 díla upplausn og birtustigið er 50
lumens. Á henni er líka kortalesari (sem
nota má fyrir auka gagnaminni), micro-USB
tengi, og minijack inn/út hljóðtengi. GPS og
allskyns skynjarar eru innbyggðir.
* 13,3" er býsna stór skjár og til sam-anburðar má nefna að iPad er 9,56", iPad
Mini er 7,9" og Google Nexus 7", en algeng-
ustu spjaldtölvur eru 7" til 10". Stærðin gefur
kost á frábærum skjá, en líka á betri hljómi
og það hafa Lenovo-menn nýtt sér með því
að fella inn í húsið 8 W JBL hátalarar og
meira að segja sérstakan bassahátalara.
Græjan
ÁRNI
MATTHÍASSON
Græjur
og tækni
Motorola og herinn
*Martin Cooper er sagður eiga heið-urinn af GSM-símanum en Cooper varvaraforstjóri Motorola þegar í fyrstasinn var hringt úr GSM-síma árið 1983.Samkvæmt Vísindavefnum byggist stafræn far-símatækni, sem nú er orðin útbreidd, á leyni-legri tækni sem bandaríski herinn hefur notað
síðan 1950. Tæknin var fundin upp af leikkonunni
Heddy Lamar og fleirum í kringum árið 1940.
Hér fyrir ofan er sagt frá því að Lenovo er
orðinn stærsti einkatölvuframleiðandi heims,
en undir lok ársins komast annað kínverskt
fyrirtæki, Xiaomi, í heimsfréttirnar þegar
það varð stærra en Samsung-risinn, eða í
það minnsta verðmætara. Ekki má svo
gleyma öðrum verðandi eða núverandi kín-
verskum risum eins og Huawei og ZTE.
Lenovo heyrðu vísast flestir nefnt í fyrsta
sinn þegar það keypti fartölvudeild IBM árið
2005 fyrir sem svaraði 230 milljörðum
króna. Lenovo var þó ekki bara að kaupa
vörumerki, heldur líka framleiðslu og þróun
og svo dreifingarleiðir á Vesturlöndum.
Xiaomi er yngra fyrirtæki, eða hefur í
það minnsta ekki verið eins áberandi á Vest-
urlöndum og Lenovo fyrr en á síðustu tveim-
ur árum. Það er þó einn stærsti, ef ekki
stærsti, framleiðandi á farsímum og spjald-
tölvum í Kína og hefur verið borið saman við
Apple. Xiaomi hefur lagt mesta áherslu á
miðlungsdýra og ódýra farsíma og hefur hasl-
að sér völl víða með vörumerkið Mi.
ZTE-símar hafa sést hér á landi þó ekki
hafi þeir náð teljandi vinsældum. Þeir eru þó
prýðilegir farsímar, ekki síst í ljósi þess hvað
þeir kosta, en íslenskir símnotendur vilja alla
jafna frekar dýra síma en ódýra.
Huawei er útbreitt hér á landi þó farsím-
ar frá fyrirtækinu hafi ekki sést hér af neinu
viti. Málið er nefnilega að Huawei er einn
stærsti framleiðandi á símkerfum, reyndar
næst stærst, aðeins Eriksson er stærra á því
sviði. Auk þess að selja símkerfi hefur Hua-
wei verið umsvifamikið í framleiðslu á bein-
um, mótöldum og álíka apparötum sem
símafyrirtæki hafa síðan selt notendum eða
leigt undir eigin nafni.
LENOVO, XIAOMI, HUAWEI OG ZTE
Framtíðar-símarisar