Morgunblaðið - Sunnudagur - 04.01.2015, Blaðsíða 38
38 MORGUNBLAÐIÐ SUNNUDAGUR 4.1. 2015
Græjur og tækni
Hakkarinn Jan Krissler sagði í síðustu viku frá
því hvernig honum hefði tekist að klóna fingrafar
varnarmálaráðherra Þýskalands, Úrsúlu Von der
Leyen, með því einu að styðjast við ljósmyndir af
henni. Krissler sagði að myndirnar hefðu verið
teknar á venjulega stafræna myndavél.
Fingrafari stolið með ljósmynd
H
in umdeilda kvikmynd
Sony-samsteypunnar,
The Interview, hefur nú
náð þeim merka áfanga
að verða vinsælasta mynd allra tíma
á netinu. Vinsældir myndarinnar
höfðu náð þessum hæðum aðeins
fjórum dögum eftir að henni var
dreift á vefnum hinn 24. desember
síðastliðinn.
Sala á myndinni á netinu nam um
15 milljónum Bandaríkjadala og
hinn 27. desember höfðu um tvær
milljónir manna hlaðið myndinni
niður. Myndin er gamanmynd um
tvo bandaríska sjónvarpsmenn sem
hafa umsjón með raunveru-
leikaþætti. Þeir fá skyndilega óvænt
tækifæri til þess að taka viðtal við
Kim Jong-un, leiðtoga Norður-
Kóreu, og er falið af bandarískum
stjórnvöldum að ráða hann af dög-
um. Myndin hefur fengið afar mis-
jafnar viðtökur meðal gagnrýnenda
og áhorfenda en það hefur ekki
komið niður á vinsældum hennar.
Segja árásirnar
réttlátar aðgerðir
Framleiðsla myndarinnar fór fyrir
brjóstið á stjórnvöldum í Norður-
Kóreu og bandaríska alrík-
islögreglan telur líklegt að þau hafi
að einhverjum hluta staðið fyrir um-
fangsmikilli tölvuárás á Sony nú
fyrir skemmstu. Yfirvöld í Norður-
Kóreu hafa hins vegar svarið af sér
árásirnar en tóku þó sérstaklega
fram að þær hefðu engu að síður
verið réttlátar. Samtökin Varðmenn
friðarins (e. Guardians of Peace)
hafa lýst sig ábyrg fyrir árásunum.
Nýjum myndum var lekið auk þess
sem ógrynni innanhússtölvupósta og
persónuupplýsinga litu dagsins ljós.
Sony tilkynnti stuttu síðar að fyr-
irtækið hefði hætt við að setja
myndina í sýningu af ótta við frekari
árásir og hlaut fyrir vikið harða
gagnrýni úr öllum áttum, meðal ann-
ars frá Barack Obama, Bandaríkja-
forseta.
Forsvarsmönnum fyrirtækisins
snerist þá hugur og myndin var því
sett í dreifingu á aðfangadag. Áhorf-
endur flykktust einnig í kvikmynda-
hús yfir hátíðarnar til þess að berja
myndina umdeildu augum. Eigendur
kvikmyndahúsa höfðu áhyggjur af
því að dreifing myndarinnar á netinu
myndi hafa slæm áhrif á bíóaðsókn
en svo virðist sem þær áhyggjur hafi
verið óþarfar. Myndin var einungis
sýnd í rúmlega 300 sjálfstæðum
kvikmyndahúsum víðsvegar um
Norður-Ameríku en iðulega var upp-
selt á sýningarnar og vonsviknir
gestir þurftu frá að hverfa.
Í tilkynningu frá Sony sagði að
myndin hefði verið gerð aðgengileg í
Bandaríkjunum og Kanda í gegnum
veituþjónustur Google og Microsoft
og jafnframt heimasíðu mynd-
arinnar á netinu. Þar var hægt að
leigja hana til tveggja sólarhringa.
750 þúsund stálu myndinni
Þá hafa mörg þúsund manns deilt
myndinni ólöglega á netinu. Yfir há-
tíðarnar stálu um 750 þúsund
manns myndinni með því að nota
skráarskiptaforrit að því er fram
kemur á vefnum TorrentFreak.
Myndinni var dreift í gegnum skrá-
arskiptasíðuna BitTorrent þar sem
notendur geta hlaðið inn myndum
og skrám til þess að deila með um-
heiminum. Síðan hafði jafnframt
boðist til þess að dreifa myndinni
fyrir hönd Sony til þess að tryggja
að áhorfendur um víða veröld gætu
séð hana en Sony svaraði aldrei til-
boðinu. BitTorrent er jafnframt
sama síða og tölvuþrjótarnir sem
brutust inn í Sony beittu til þess að
dreifa tölvupóstum fyrirtækisins og
persónuupplýsingum starfsmanna
þess.
Net-vinsældir The Interview
fordæmalausar
KVIKMYNDIN UMDEILDA
THE INTERVIEW VAR RÓT
ÞESS AÐ TÖLVUÞRJÓTAR
RÉÐUST Á SONY.
MYNDINNI VAR STOLIÐ
750 ÞÚSUND SINNUM Á
NOKKRUM DÖGUM EFTIR
AÐ HENNI VAR DREIFT.
Halldór A. Ásgeirsson haa@mbl.is
Í kjölfar Sony-lekans beindust sjónir bandarískra stjórnvalda að Norður-Kóreu. Árásin olli Sony óneitanlega miklum skaða en kvikmyndin The Interview hefur
jafnframt fengið mun meiri athygli en hún hefði annars hlotið og í dag er hún vinsælasta myndin á internetinu frá upphafi.
AFP
750 þúsund manns hlóðu The Interview niður ólöglega nokkrum dögum eftir
að henni var dreift. Gerð myndarinnar var rót þess að árásin var framkvæmd.
AFP
Svo virðist sem stjórnvöld í Kína
hafi lokað fyrir Gmail, tölvupóst-
þjónustu netrisans Google, í land-
inu. Dyn Research, hópur sérfræð-
inga sem fylgist með uppákomum á
internetinu, tilkynnti á Twitter að
samkvæmt þeirra greiningum hefði
ríkisstjórn Kína lokað á Gmail í
landinu. Jafnframt var tilkynnt að
lokað hefði verið fyrir ýmiskonar
starfsemi Google sem hýst væri í
Hong Kong.
Samband Google og Kína hefur
verið stormasamt frá árinu 2010
þegar Google flutti starfsemi sína
burt frá landinu. Síður Google eru
ekki lengur hýstar í Kía heldur í
Hong Kong, þar sem fyrirtækið
þarf ekki að lúta sömu lögum og
reglum um ritskoðun og í Kína.
Þegar Google flutti til Hong
Kong þurftu kínversk stjórnvöld að
taka upp á því að ritskoða allt efni
Google á eigin spýtur en vefrisinn
tilkynnti það fyrir fjórum árum að
hann væri ekki lengur reiðubúinn
til að framkvæma ritskoðun á efni
sínu fyrir hönd Kommúnistaflokks-
ins. Þjónustur Google á borð við
YouTube, leitarvélina, myndir og
kort hafa allar mátt þola að liggja
niðri á einhverjum tímapunkti á
þessu ári, að því er fram kemur í
skýrslum Google á netinu.
Að slökkva á Gmail, stærstu
tölvupóstþjónustu í heimi, gæti ver-
ið til marks um að yfirvöld í Komm-
únistaflokknum í Kína vilji beita
þrýstingi á Hong Kong. Á und-
anförnum mánuðum hafa mótmæli
brotist út í Hong Kong þar sem
umbóta í lýðræðisátt er krafist.
Stjórnvöld í Kína hafa um ára-
tugaskeið framfylgt harðri ritskoð-
unarstefnu sem kennd er við hinn
mikla eldvegg Kínverja. Samskipta-
miðlar á borð við Facebook og
Twitter eru bannaðir og þúsundir
vefsíðna eru ekki aðgengilegar inn-
an landamæra Kína.
Kínverjar loka á Gmail
SAMBAND NETRISANS OG
KÍNVERSKRA STJÓRNVALDA
HEFUR VERIÐ STORMASAMT
FRÁ ÁRINU 2010.