Morgunblaðið - Sunnudagur - 04.01.2015, Qupperneq 56

É
g er staddur í Plymouth núna og er að gera Elf söngleik-
inn. Það var verið að flytja hann af Broadway, hann er
kominn hingað núna,“ segir vídeó- og ljósahönnuðurinn
Ingi Bekk þegar blaðamaður slær á þráðinn til hans. Ingi
útskrifaðist í fyrra frá Central School of Speech and
Drama í Lundúnum, nam þar ljósahönnun í þrjú ár og hefur komið að
fjölda glæsilegra sýninga, bæði hér á landi og erlendis. Meðal þeirra
sem Ingi hefur unnið með er einn þekktasti leikhúsleikstjóri Breta,
Katie Mitchell og leikstjórinn Terry Gilliam sem gerði garðinn frægan
með grínhópnum Monty Python á sínum tíma og á margar stórkost-
legar kvikmyndir að baki. Ingi hefur komið að leiksýningum, óperum
og verkefnum fyrir tónlistarmenn, meðal annars strákasveitina
Backstreet Boys og hljómsveitina Bombay Bicycle Club. Af verkefnum
sem hann hefur sinnt hér heima má nefna Nýjustu fréttir í Þjóðleik-
húsinu og Wide Slumber sem var sýnt á Listahátíð í fyrra og vakti
mikla athygli, ekki síst fyrir tilkomumikla vídeó- og ljósahönnun.
Í starfsþjálfun hjá Ross
Áður en Ingi flutti til Lundúna hafði hann unnið lengi sem ljósamaður
og -hönnuður hér heima og þá fyrir leikhús, tónleika og aðra viðburði.
Hann segist hafa farið í námið í Lundúnum bæði af ævintýramennsku
og til að skipta um umhverfi. „Eftir eitt og hálft ár í náminu langaði
mig að breyta örlítið til og þá datt ég niður á myndbands- og víd-
eóhönnun fyrir leikhús og tónleika og slíkt sem ég vissi hreinlega ekki
að væri til,“ segir Ingi. Hann hafi haft samband við Finn Ross, þekkt-
an vídeóhönnuð sem kom meðal annars að hönnun verðlaunasýning-
arinnar The Curious Incident of the Dog in the Night-Time. Ross hafi
tekið hann í starfsþjálfun og að henni lokinni ráðið hann í vinnu nánast
samfleytt í heilt ár og hafa þeir átt farsælt samstarf í framhaldi af því.
„Þannig komst ég inn í þessa vídeóhlið,“ segir Ingi.
–Ferilskráin þín er tilkomumikil, þú hefur komið að tilkomumiklum
og afar umfangsmiklum uppfærslum, meðal annars á óperunni Benve-
nuto Cellini í English National Opera sem Terry Gilliam leikstýrði.
„Já, og við erum að fara að flytja hana yfir í hollensku þjóð-
aróperuna. Ég tek við henni og flyt hönnunina, er fulltrúi hönnuðarins
á svæðinu.“
Snillingur og indælisnáungi
– Hvernig var að vinna með Gilliam? Ég býst við því að hann hafi ver-
ið með mjög skýra sýn á hvað hann vildi og kröfuharður, eða hvað?
Ingi hlær. „Ég var nú bara í stuttan tíma í tæknivinnunni á staðn-
um, í óperunni sjálfri. Hann er náttúrlega með mjög „visual“ hug-
myndir, þekkir inn á öll þessi trix sem hægt er að gera hvað varðar
myndbönd og slíkt. Hann rekur sjálfur fyrirtæki sem er mikið í mynd-
vinnslu og slíku, ef ég man rétt. Hann sat stundum fyrir aftan okkur,
horfði á skjáina og passaði upp á að við værum að vinna vinnuna okk-
ar,“ segir Ingi og hlær. Gilliam sé algjör snillingur, indæll náungi og
gaman að vinna með honum.
– Það eru nokkur skrítnari verkefni á ferilskránni hjá þér, t.d. eitt
sem þú vannst fyrir strákasveitina Backstreet Boys…
Ingi hlær aftur. „Það æxlaðist þannig að ég fór að vinna mikið fyrir
stað í Lundúnum sem Roman Abramovich á, eigandi Chelsea knatt-
spyrnuklúbbsins, stað sem er undir leikvanginum. Ég var beðinn um
að taka að mér að hanna lýsingu og vídeó fyrir Backstreet Boys, það
átti að taka upp tónleika með þeim á staðnum fyrir MTV. Það heppn-
aðist gríðarlega vel og þetta var rosalega skemmtilegt,“ segir Ingi.
Spennandi tími
Ingi segir vídeó- og ljósahönnun verða sífellt mikilvægari hluta leik- og
óperusýninga í Bretlandi. „Það kom mér á óvart hversu mikinn skiln-
ing og þekkingu leikstjórar hafa á henni. Þeir hafa reynslu af því að
nýta sér þessi element, til dæmis myndbönd í leikhúsi og slíkt og þetta
er komið gríðarlega langt hérna,“ segir Ingi. Hann sé heppinn að
vinna við þetta nú um stundir þar sem fólk sé mjög opið fyrir slíkri
hönnun og tilbúið að eyða tíma og peningum í hana.
– Nú hlýtur The Curious Incident of the Dog in the Night-Time að
hafa vakið athygli á þessu tiltekna fagi, sýning sem þú vannst í…
„Jú og ég held að hún hafi aukið skilning á því og opnað margar dyr
fyrir okkur því hún byggist mikið á vídeói og ljósum. Vídeóið í henni
er ekkert endilega upplýsingatengt heldur meira tengt sviðsmyndinni
sem slíkri,“ segir Ingi.
– Er samkeppnin hörð í þessum geira?
„Hún er hörð en mjög sanngjörn, myndi ég segja. Eins og staðan er
núna eru mörg verkefni og við erum passlega mörg sem vinnum við
þetta hérna úti. Þannig að það er nóg að gera fyrir alla og við virð-
umst geta valið okkur verkefni sem er mjög gott,“ segir Ingi.
Sorrow Beyond Dreams það erfiðasta til þessa
– Hvaða verkefni er það erfiðasta sem þú hefur tekið að þér?
Ingi hugsar sig um. „Þau eru öll strembin en ég held að það sé þeg-
ar ég vann í fyrsta skipti með Katie Mitchell. Hún er þekktur leik-
stjóri hér úti og með mjög sérstaka nálgun á leikhúsið. Hún býr til
bíómynd á sviðinu sem er klippt og varpað lifandi á skjá fyrir ofan
sviðið. Sýningin hét Sorrow Beyond Dreams og var gríðarlega erfið og
krefjandi, krafðist 14-15 klst. vinnu á dag í heilan mánuð. En útkoman
var gríðarlega góð og skemmtileg. Ég var svokallaður „associate video
designer“ í henni, svona „meðvídeóhönnuður“. Í september á næsta ári
verð ég aðalvídeóhönnuður verks sem hún leikstýrir í Hamborg sem
ég held að verði stærsta verkefni mitt til þessa,“ segir Ingi og bætir
við að þær óperuuppfærslur sem hann hafi unnið við hafi verið mjög
krefjandi. Stórar og tæknilegar sýningar en samt sem áður afskaplega
skemmtilegar.
SPENNANDI TÍMAR Í VÍDEÓ- OG LJÓSAHÖNNUN
Samkeppnin
hörð en
sanngjörn
INGI BEKK GERIR ÞAÐ GOTT Í LUNDÚNUM SEM VÍDEÓ-
OG LJÓSAHÖNNUÐUR. Á GLÆSILEGRI FERILSKRÁ INGA
MÁ MEÐAL ANNARS FINNA ÓPERU SEM TERRY GILLIAM
LEIKSTÝRÐI OG VERÐLAUNASÝNINGUNA THE CURIOUS
INCIDENT OF THE DOG IN THE NIGHT-TIME
Helgi Snær Sigurðsson helgisnaer@mbl.is
Ingi segir nóg að gera fyrir ljósa- og vídeóhönnuði.
Ljósmynd/Myriam Marti
56 MORGUNBLAÐIÐ SUNNUDAGUR 4.1. 2015
Næst þegar tilkynnt verður um nýjan hand-
hafa Nóbelsverðlaunanna í bókmenntum
mun Sara Danius tilkynna valið, fyrst kvenna.
Danius, sem er prófessor í bókmenntafræði
við Stokkhólmsháskóla, hefur tekið við af rit-
höfundinum og sagnfræðingnum Peter Engl-
und, sem ritari Sænsku akademíunnar en hún
velur þá höfunda sem hreppa þessi eftirsótt-
ustu verðlaun bókmenntaheimsins. Hefur
ritarinn oft verið sagður einn valdamesti
maður bókmenntaheimsins.
Danius hefur verið einn hinna átján með-
lima akademíunnar frá 2010. Auk þess að
kenna fræðin hefur Danius gagnrýnt bækur
fyrir Dagens Nyheter og skrifað um verk
ýmissa höfunda, þar á meðal Marcel Proust,
Thomas Tranströmer og James Joyce.
STÝRIR AKADEMÍUNNI
NÝR RITARI
Sara Danius hefur tekið við embætti ritara aka-
demíunnar sem veitir Nóbelsverðlaunin.
Ljósmynd/Sofia Runarsdotter
Rebecca Solnit hefur sent frá sér enn eina róm-
uðu bókina. Ísland kemur við sögu í safninu.
Nýtt greinasafn bandaríska rithöfundarins
Rebecca Solnit, „The Encyclopedia of
Trouble and Spaciousness“, er lofað af fjöl-
miðlum víða um lönd. Solnit hefur sent frá
sér fjölda bóka þar sem hún fjallar um um-
hverfi samtímans og þátttöku manna í að
gera heiminn að betri stað, meðal annars
með borgaralegri óhlýðni. Solnit dvaldi fyrir
nokkrum árum í Vatnasafni í Stykkishólmi og
í nýja greinasafninu, sem í eru 30 greinar,
fjallar hún meðal annars um Ísland fyrir og
eftir hrun. Á vef BBC er bókin valin ein af tíu
bestu á liðnu ári og segir rýnir höfundinn
segja sögur sem hafa farið hljótt, „um von,
mátt samstöðunnar, niðurrif og möguleika“.
ÍSLAND Í RÓMUÐU SAFNI
SOLNIT HRÓSAÐ
Ný skáldsaga danska
spennuhöfundarins Jussi
Adler-Olsen, „Den
grænseløse“, seldist best
allra bóka í Danmörku á
árinu að sögn Jyllends-
Posten. Næst á listanum
var „På kanten af evighe-
den“ eftir Ken Follett, í
þriðja sæti „Stå fast“ eft-
ir Svend Brinkmann, „Kvinden de meldte
savnet“ eftir Sara Blædel í því fjórða og „Sto-
ner“ eftir John Williams í því fimmta.
Þá komu „Sønnen“ eftir hinn norska Jo
Nesbø, „Stalker“ eftir Lars Kepler Stillidsen
og Donna Tartt, ráðgjafarritið „Den letteste
vej til 5:2 kuren“ eftir Gitte Heidi Rasm-
ussen. Í níunda sæti er „Stillidsen“ eftir
Donna Tartt og loks „Den hemmelige social-
demokrat“ í því tíunda. Þá kemur fram að
ljóð hafi selst betur en í mörg ár og er vin-
sældum Yahaya Hassan eignuð sú þróun.
DANSKI METSÖLULISTINN
ÁR ADLER-OLSEN
Jussi Adler-Olsen
Menning