Morgunblaðið - 14.02.2015, Page 24

24 FRÉTTIRErlent
MORGUNBLAÐIÐ LAUGARDAGUR 14. FEBRÚAR 2015
Tískudrósin Giannan var vel tilhöfð á sýningu í
tengslum við Tískuvikuna í New York í fyrrakvöld. Á
sýningunni voru nýjustu tísku gæludýra gerð góð skil.
Giannan er af tegundinni Shih Tzu. Ekki er vitað með
vissu um uppruna tegundarinnar. Hún var ræktuð í
Kína, en talið er að hún hafi komið þangað frá Tíbet.
AFP
Giannan tollir í tískunni
Malmö. AFP. | Myndskeið, þar sem ör-
yggisvörður sést berja höfði níu ára
pilts frá Marokkó í steingólf, hefur
vakið mikinn óhug í Svíþjóð.
Nokkrir menn urðu vitni að árás-
inni sem var gerð í lestarstöð í mið-
borg Malmö í vikunni sem leið eftir
að pilturinn steig inn í lest án þess að
hafa keypt miða. Sjónarvottarnir
settu myndskeið á Youtube þar sem
öryggisvörðurinn sést sitja klofvega
á piltinum og berja höfði hans í gólf-
ið.
Pilturinn grét, sárbændi um misk-
unn og átti erfitt með að ná andan-
um. Hann heyrðist fara með ísl-
amska bæn sem múslímar fara
stundum með þegar þeir búast við
dauða sínum.
Sakaðir um kynþáttafordóma
Einn sjónarvottanna sagði í grein í
blaðinu Sydsvenskan að örvænting
piltsins hefði verið meiri en nokkurt
myndskeið gæti sýnt. „Það er ekki
hægt að ná hrópi drengsins eftir
hjálp, bæninni hans og högghljóðinu
þegar höfðinu var barið í steingólf-
ið,“ skrifaði hann. Öryggisvörðurinn
hefur verið leystur frá störfum með-
an rannsókn á málinu fer fram.
Eftir árásina fór pilturinn á heim-
ili fyrir flóttabörn þar sem hann
hafði dvalið eftir að hann kom til Sví-
þjóðar. Nokkrum klukkustundum
síðar flúði hann ásamt tólf ára dreng,
sem talið er að sé hálfbróðir hans, að
sögn sænskra fjölmiðla.
Danska lögreglan fann síðan pilt-
inn á Jótlandi í gær.
Málið hefur vakið umræðu í Sví-
þjóð um aðbúnað flóttabarna. Ör-
yggisverðir og lögreglumenn hafa
verið sakaðir um kynþáttafordóma.
„Hefði ljóshærðu höfði verið barið
í gólfið?“ skrifaði blaðamaðurinn
Lars Lindström í grein í Expressen.
Tóku við 7.000 börnum
Rúmur þriðjungur íbúa Malmö er
af erlendu bergi brotinn og á meðal
þeirra eru margir múslímar.
Svíþjóð tekur á móti fleiri flótta-
börnum frá Afríku og Mið-Austur-
löndum en nokkurt annað land í Evr-
ópu. Um 7.000 flóttabörn komu til
Svíþjóðar í fyrra, fleiri en nokkru
sinni fyrr.
Árás á níu ára
pilt vekur óhug
 Hrottaleg árás öryggisvarðar vekur
umræðu um hag flóttabarna í Svíþjóð
Bogi Þór Arason
bogi@mbl.is
Hætta er á langvarandi „ofurþurrk-
um“ í vestanverðum Bandaríkjunum
síðar á öldinni ef ekki verða gerðar
ráðstafanir til að stemma stigu við
loftslagsbreytingum af mannavöld-
um, að sögn vísindamanna vestra.
Í ofurþurrkum (e. mega-droughts)
er úrkoman álíka mikil og í verstu
þurrkum sem urðu í Bandaríkjunum
á öldinni sem leið. Ofurþurrkarnir
vara þó miklu lengur, eða í 35 ár eða
lengur, ekki í þrjú ár eða allt að ára-
tug eins og í fyrri þurrkum.
Vísindamenn við NASA, Cornell-
háskóla og Columbia-háskóla vara
við því að slíkir ofurþurrkar geti
valdið miklum vatnsskorti og upp-
skerubresti vegna þornunar jarð-
vegs, auk mikilla skógarelda í sunn-
anverðu Arizona-ríki og svæðum í
Kaliforníu. Talið er að þurrkarnir
geti einnig náð til Nevada, Nýju-
Mexíkó, Texas, Oklahoma og fleiri
ríkja og haft áhrif á líf 64 milljóna
manna.
Niðurstöður vísindamannanna
byggjast á rannsóknum á árshring-
um trjáa, sem gefa vísbendingar um
loftslagið aftur í aldir, og sautján
tölvulíkönum sem notuð voru til að
spá fyrir um loftslagsbreytingar,
auk gagna um raka í jarðvegi.
Síðustu ofurþurrkar urðu í vestan-
verðum Bandaríkjunum á 12. og 13.
öld vegna loftslagsbreytinga af nátt-
úrulegum völdum. Um 10% líkur eru
á því að náttúrulegar breytingar geti
valdið slíkum langvarandi þurrkum,
að sögn The Washington Post. Sam-
kvæmt niðurstöðum rannsóknar vís-
indamannanna eru hins vegar 80%
líkur á því að ofurþurrkar verði í
vesturríkjunum á árunum 2050 til
2099 ef ekki verði dregið úr losun
gróðurhúsalofttegunda.
Óvissu undirorpið
The Washington Post hefur þó eft-
ir einum vísindamannanna, Toby R.
Ault, aðstoðarprófessor við Cornell-
háskóla, að slíkar viðvaranir séu
undirorpnar mikilli óvissu. Til að
mynda geti veðrakerfið El Niño, sem
myndast í Kyrrahafi, haft áhrif á það
hversu lengi þurrkarnir vara.
Ault sagði þó að ofurþurrkar gætu
haft svo alvarlegar afleiðingar að
Bandaríkjamenn þyrftu að móta
langtímastefnu um hvernig taka ætti
á hættunni. „Ég lít á ofurþurrka sem
hægfara náttúruhamfarir. Við þurf-
um að flokka þá með öðrum nátt-
úruhamförum sem hægt er að takast
á við með áhættustjórnun,“ sagði
hann.
Þurrkarnir gætu
varað í áratugi
 Vísindamenn telja hættu á ofurþurrkum í Bandaríkjunum
AFP
Þurrkatíð Þriggja ára þurrkar hafa
valdið vatnsskorti í Kaliforníu.
Fæst í apótekum, heilsubúðum, Hagkaupsverslunum
(Smáralind og Spönginni) og Fjarðarkaupum.
Er á Facebook
Bólgur eða
verkir?
www.annarosa.is
Tinktúran túrmerik og engifer
bæði bólgu- og verkjastillandi og hefur
gefist afar vel við slitgigt, liðagigt og
álagsmeiðslum. Túrmerik og engifer er
hvort tveggja einnig þekkt fyrir að lækka
blóðþrýsting, blóðsykur og blóðfitu.
Inniheldur svartan pipar
sem eykur upptöku túrmeriks.
þykir
Kleifarás 13 - 110 Reykjavík
Glæsilegt 446,5 m2 einbýlishús á tveimur hæðum, með auka íbúðarrými
á neðri hæð, og tvöföldum bílskúr innst í botnlanga á glæsilegum
útsýnisstað við Kleifarás í Reykjavík. V. 89,9 m.
Einar Páll Kjærnested,
löggiltur fasteignasali
Skráðu þig í iPad-áskrift á www.mbl.is/mogginn/ipad/