Ægir - 01.08.2014, Page 90

86
„Á næsta ári fögnum við 75 ára afmæli
Vélasölunnar sem var stofnuð 1940. Við
byggjum á þeim góðu gildum sem
stofnandinn, Gunnar Friðriksson setti á
sínum tíma og sem hafa verið horn-
steinninn í starfseminni frá upphafi,“
segir Kristján Jónsson, fram-
kvæmdastjóri Vélasölunnar.
Vélasalan hefur umboð fyrir marga af
þekktustu véla- og tækjaframleiðendum
heims sem íslensk sjávarútvegsfyrirtæki
þekkja af langri og góðri reynslu. „Véla-
salan hefur þjónað öllum helstu útgerð-
um landsins dyggilega og staðið með
þeim í gegnum súrt og sætt í gegnum
árin. Við leggjum áherslu á að fylgjast
vel með nýjungum og sendum starfsfólk
okkar reglulega til helstu birgja
Vélasölunnar erlendis til að kynna sér
þær nýjungar sem þeir hafa fram að
færa.“ Kristján segir að forsenda góðrar
þjónustu sé öflugt þjónustuverkstæði
þar sem hægt er að þjóna öllum tækjum
og búnaði sem fyrirtækið selur bæði á
véla- og rafeindasviði. „Það er ekki nóg
að selja vöruna, kaupendurnir verða að
geta treyst því að það sé alltaf hægt að
fá nauðsynlega ráðgjöf, viðgerðir eða
varahluti ef á þarf að halda.“
Mörg þekkt vörumerki
Á meðal helstu vörumerkja Vélasölunn-
ar fyrir sjávarútveg má nefna Cummins
dieselvélar, Triplex þilfarsbúnað og
Rapp Hydema spil. Cummins er einn
stærsti framleiðandi dieselvéla í heimin-
um sem meðal annars framleiðir vélar í
báta, vörubíla, vinnuvélar og rútur. Þil-
farsbúnaðurinn frá Triplex, kranar, blakk-
ir og nótaniðurleggjarar, er mikið notað-
ur um borð í uppsjávarskipum. Véla-
salan er einnig með umboð fyrir Rapp
Hydema, einn þekktasta spilframleið-
anda heims og var fyrsti rafdrifni vindu-
búnaðurinn frá þeim settur í Þórunni
Sveinsdóttur VE. Kristján segir að
endurnýjun togaraflotans, sem nú er
hafin, skili sér til Vélasölunnar í sölu á
búnaði en ekki síður í þjónustu við skip-
in eftir að þau eru komin til landsins.
Þannig verða nýju uppsjávarskipin, sem
smíðuð verða fyrir HB-Granda í Tyrk-
landi, með vindur frá Rapp og annan þil-
farsbúnað frá Triplex.
Radiobaujur
Á Íslensku sjávarútvegssýningunni
kynnir Vélasalan meðal annars radíó-
baujur sem henta til dæmis vel við línu-
veiðar. Baujurnar senda frá sér merki
um staðsetningu línunnar sem sparar
mönnum leit sem oft getur verið tafsöm
og dýr vegna eldsneytiskostnaðar. Í
staðinn geta menn siglt rakleitt að
baujunni sem línan er fest við. Þetta er
enn mikilvægara ef um er að ræða
reklínur sem ekki eru fastar við stjóra.
Nokkrar helstu línuútgerðirnar hafa nú
þegar tekið þennan búnað í þjónustu
sína og má þar á meðal annars nefna
Jóhönnu Gísladóttir ÍS sem Vísir gerir út
á túnfiskveiðar en túnfiskurinn er einmitt
veiddur á reklínu. „Þessi búnaður getur
sparað bæði fé og fyrirhöfn og það sem
meira er, hann er ekki dýr. Verðið á
bauju og uppsetning á nauðsynlegum
búnaði um borð mun koma mönnum á
óvart,“ segir Kristján Jónsson.
Af öðrum nýjungum sem Vélasalan
kynnir má nefna nýtt sónar fiskileitar-
tæki frá Koden með stillanlegri tíðni frá
130 til 210 khz. Með ólíku tíðnisviði má
greina á milli mismunandi fiskitegunda á
veiðislóðinni og þannig geta menn ein-
beitt sér að þeirri tegund sem verið er
að sækjast eftir hverju sinni. Loks má
nefna fjölgeisladýptarmæli frá Koden
sem greinir botninn betur og hvort
veiðarfærin eru til dæmis yfir sléttum og
mjúkum leirbotni eða úfnum hraunbotni.
velasalan.is Bás P12
Vélasalan
Dugguvogi 4, Reykjavík
Sími: 520 0000
velasalan@velasalan.is
Ekki nóg að selja
vöruna – góð þjónusta
er jafn mikilvæg
Kristján Jónsson, framkvæmdastjóri Vélasölunnar með nýju radíóbaujuna sem mun spara
íslenskum línuútgerðum dýrmætan tíma og peninga.