Ægir - 01.08.2014, Side 119

115
Nordata er tæknifyrirtæki sem sérhæfir
sig í lausnum fyrir gagnaver, hvort sem
um er að ræða uppsetningu nýrra
gagnavera eða endurbætur á eldri
tölvusölum. Fyrirtækið getur sett upp
lausnir fyrir rafkerfi, netkerfi, kælingu og
vöktun og boðið þjónustusamninga um
eftirlit með gagnaverum eða tölvusölum.
„Til þessa höfum við aðallega verið að
vinna í netlausnum fyrirtækja í landi en
núna er stefnan líka tekin út á sjó, enda
teljum við okkur hafa margt að bjóða út-
gerðinni,“ segir Steindór B. Sigurgeirs-
son framkvæmdastjóri Nordata. Nýlega
var greint frá því að Samherji hefði
samið við Nordata um að hanna tölvu-
og tækjarými í þrjá nýja ísfisktogara sem
fyrirtækið hefur samið um smíði á. Stein-
dór segir að Nordata hafi meðal annars
verið valið vegna þess að fyrirtækið geti
boðið breiða línu af lausnum sem er
vottuð af Det Norske Veritas og sem
ætlaðar eru til notkunar í skip.
Skemmtileg áskorun
„Við seljum ekki tölvubúnað, en við selj-
um tölvuskápinn og netkapalinn og ger-
um allar tengingar klárar til að hægt sé
að koma með tölvubúnaðinn og stinga
honum í samband. Þetta er umhverfi
sem þarf að hanna og setja upp af
reyndu fagfólki til að tryggja að fyllsta
öryggis sé gætt, meðal annars með tilliti
til umhverfisþátta eins og hita- og raka-
stigs og orkuflæðis,“ segir Steindór.
Hann bætir því við að um borð í skipum
sé bara unnið með efni sem er vottað til
að standast þær ströngu kröfur sem
gerðar eru til sjós og er Nordata í góðu
sambandi við framleiðendur sem bjóða
slíkar lausnir. Hann segir skip meðal erf-
iðusta hönnunarverkefna sem hann hafi
fengist við vegna þess hve umhverfið
þar er pakkað af búnaði sem getur
valdið truflunum í öðrum búnaði. En
þetta sé skemmtileg áskorun að takast
á við. „Sjávarútvegsfyrirtækin hafa
ákveðna sérstöðu í mínum huga. Þetta
eru kröfuharðir viðskiptavinir sem vita
hvað þeir vilja, enda upp til hópa fag-
menn sem gott er að vinna með. Við
höfum skynjað þetta vel í Samherjaverk-
efninu en þar hafa menn mjög skýra sýn
á málið og eru fljótir að skilgreina þarf-
irnar og að útvega nauðsynlegar upp-
lýsingar til að hægt sé að mæta þeim.“
Þegar kemur að stórum og krefjandi
verkefnum á þessu sviði segir Steindór
mikilvægt að velja sér öfluga og góða
samstarfsaðila. Styrkur og fjöldi sam-
starfsaðila Nordata hámarki möguleika
þeirra til að bregðast við þörfum við-
skiptavinanna og að bjóða sérhannaðar
lausnir sem henta hverju sinni.
Rekstraröryggi
Nordata var stofnað árið 2009 eftir hart
nær eins árs undirbúning. Sá tími fór að
að mestu í að afla tryggra viðskiptasam-
banda við stærstu og öflugustu fram-
leiðendur heims á þessu sviði. Með
stofnun Nordata segir Steindór að
brugðist hafi verið við aukinni þörf fyrir
sérhæfðan aðila sem gæti tekið að sér
uppbyggingu og markvissa endurbætur
á tölvusölum hér á landi. „Fyrirtækin
skynja æ bætur mikilvægi þess að búa
vel um þau miklu verðmæti sem felast í
sívaxandi magni rafrænna gagna og
þörfina fyrir að tryggja rekstraröryggi
tölvukerfanna. Þar komum við hjá
Nordata sterkir inn,“ segir Steindór B.
Sigurgeirsson, framkvæmdastjóri
Nordata.
Nordata ehf.
Eirhöfða 13, Reykjavík
Sími 455 9000
nordata@nordata.is
nordata.is Bás D10
Nordata hefur
margt að bjóða
útgerðinni
„Sjávarútvegsfyrirtækin hafa ákveðna sérstöðu í mínum huga. Þetta eru kröfuharðir við-
skiptavinir sem vita hvað þeir vilja, enda upp til hópa fagmenn sem gott er að vinna með,“
segir Steindór B. Sigurgeirsson, framkvæmdastjóri Nordata