Húnavaka - 01.05.1991, Qupperneq 123

GUÐMUNDUR VALTYSSON, Eiríksstöðum:
Eftirleit á Eyvindarstaðaheiði
haustið 1975
Það mun hafa verið skömmu eftir réttir að fjallskilastjóri fór þess
á leit við mig að ég færi í eftirleit á heiðina. Hafði einn af þeim
mönnum sem fara átti beðist undan því að vinna þau gangnaskil
og falið íjallskilastjóra að útvega mann í staðinn. Eg tók þessari
málaleitan vel, og nokkrum dögum síðar lét hann mig vita um að
það hefði verið ákveðið að fara af stað í leitina föstudaginn 3. októ-
ber.
bað hafði verið slæm tíð þetta haust og var búið að snjóa mikið
til ijalla og gera alhvftt hér ofan í dal seinni hluta september. Það
var því ekki mjög glæsilegt að leggja af stað í slíka ferð í því útliti
sem þá var og kannski síst fyrir mig, sem var lítið kunnugur á heið-
inni. Eg hafði þá ekki farið þangað í smalanir nema tvö eða þrjú
skipti í vorgöngur, og þá ekki lengra en fram að Ströngukvísl. Eg
tók þá ákvörðun að reyna að útbúa mig eins vel og ég kunni og hef
reyndar haft það að reglu síðan þegar ég hef farið í göngur.
Fimmtudaginn 2. október lagði ég svo af stað fram í Fossa, og var
ætlunin að gista þar um nóttina. Þennan dag var bjart veður og
sólskin framan af, en hríðarljúk og harðnandi frost með kvöldinu.
Er því ekki að leyna að talsverður óhugur var í mér á leið fram
Svartárdalinn og þótti mér kuldalegt að horfa á Svartána renna á
milli skara, fulla af krapi eins og um hávetur væri.
Fékk ég góðar móttökur á Fossum og átti þar ágæta nótt.
Þeir sem fóru þessa ferð voru: Ingólfur Bjarnason Bollastöðum,
og var hann jafnframt leitarstjóri, Sigurður Guðmundsson Foss-
um, Guðmundur Sigurbjörn Guðmundsson Fossum, Þorkell Sig-
urðsson Barkarstöðum, Guðmundur Valtýsson Brattahlíð og
Markús Sigurjónsson Reykjarhóli Skagafirði. Ingólfur var með bíl
og kerru og annaðist flutning á dóti Ieitarmanna.