Morgunblaðið - 26.05.2015, Blaðsíða 10

10 DAGLEGT LÍF
MORGUNBLAÐIÐ ÞRIÐJUDAGUR 26. MAÍ 2015
Valgerður Þ. Jónsdóttir
vjon@mbl.is
Anna Lísa Wíum Douieb varuppgötvuð í mötuneytiRÚV, aðeins nokkrummánuðum eftir að hún hóf
þar störf sem matráður fyrir rúmu
ári, nýflutt til Reykjavíkur frá
Varmahlíð í Skagafirði. Hún er helst
á því að tuðið og nöldrið í sér – og eig-
inlega bara hvernig hún er og talar –
hafi heillað þá félaga Benedikt Vals-
son og Fannar Sveinsson, fréttastjóra
Hraðfrétta. Þeir þurftu að ganga
töluvert á eftir henni áður en hún
samþykkti að fara í prufutöku, sem
henni fannst reyndar alveg út í hött
og ekkert sem hún hafði sóst eftir.
„Þeir vældu bara svo mikið í
mér að ég ákvað að slá til, bara
svona í gamni. Það hvarflaði ekki að
mér að þeir vildu svona kerlingu eins
og mig. Ég gerði mér enga grein fyr-
ir hvað ég væri að fara út í, hafði
hvorki horft á Hraðfréttir né þátt
Gunnars á Völlum, og sá mig ekki al-
mennilega fyrir mér í hlutverki veð-
urfréttakonu,“ segir Anna Lísa, sem
nánast á hraða ljóssins vann sig upp
í að verða veðurnáttúruhamfaraf-
réttakona.
Fékk ekkert handrit
Þótt hún sé fjarri því að vera
feimin að eðlisfari, viðurkennir hún
að hafa verið svolítið stressuð fyrir
fyrstu tvo þættina, enda aldrei áður
komið fram í sjónvarpi.
Var þér ekkert sagt hvað þú
ættir að gera?
„Nei, nei, þeir útskýrðu voða lít-
ið og ég fæ aldrei handrit. Þú átt að
vera í eldhúsinu með hinum eða
þessum, segja þeir kannski og svo
ræð ég alveg hvað ég segi.“
Hefur þessi nýi starfsvett-
vangur breytt einhverju í lífi þínu?
„Friðurinn er búinn.“
Hvernig þá?
„Ég finn að fólk glápir stundum
á mig og margir víkja sér að mér,
heilsa með handabandi og kynna
sig, bæði í Nettó og þegar ég fer út
að skemmta mér með vinkonum
mínum. „Fyrirgefðu, þekki ég þig?“
spurði ég einn sem vatt sér að mér.
Sá kvað svo ekki vera, en sagðist
alltaf heilsa Loga Bergmann og
framvegis ætlaði hann alltaf að
heilsa mér. Allir eru mjög kurteisir.
Gömul kona á elliheimili sagðist
vera farin að horfa á Hraðfréttir af
því að það væri svo gaman að full-
orðin kona væri komin í fréttaliðið.“
Þú ert nú ekkert rígfullorðin,
aðeins 55 ára …
„En samt … ég er engin stelpu-
pjása. Annars veit ég hreinlega ekki
hvaða fólk hefur gaman af nöldrinu í
mér eða hvers vegna það horfir á
Hraðfréttir.“
Vandræðaklastur?
Sumir tala um gelgjuklám og
vandræðaklastur. Hvað segirðu við
slíkri gagnrýni?
„Stundum finnst mér krakkarnir
ganga of langt og get orðið voða
hneyksluð, alveg lamið mig í hausinn
og hugsað með mér hvað ég væri eig-
inlega búin að láta bendla mig við.
En þetta eru æðislegir krakkar.“
Gefur þú þeim tiltal þegar þér
þykir þeir fara yfir strikið, eða finnst
þér þeir alltaf vera fyndnir?
„Ég sagði Gunnari að hann ætti
ekki alltaf að vera að bera sig, fara úr
að ofan, það væri bara ógeð. Þeir
hlæja bara. Nýjasta nýtt hjá þeim
er að ég má ekki opna munninn, þá
fara þeir að taka af mér myndir með
þessu „snapschatti“, eða hvað það
heitir. Þeir vita að það fer í taug-
arnar á mér, en þeim er alveg
sama.“
Ef þú fengir að ráða, myndirðu
breyta Hraðfréttum og þá hvernig?
„Ekki hugmynd. Ég horfði bara
á síðasta þáttinn. Mér finnst svo
óþægilegt að sjá sjálfa mig í sjón-
varpinu svo ég ákvað að vera ekkert
að horfa á þá.“
Elskar Ragga Bjarna
Hvað er fyndnasta atriðið í
Hraðfréttum sem þú hefur tekið
þátt í?
„Þegar ég fór í sjósundið.“
En var það ekki algjör hryll-
ingur?
„Mér kom mest á óvart að sjór-
inn var ekkert svo kaldur og hvað ég
var köld að vaða svona upp að mitti
og vera margar mínútur í sjónum.
Mörgum fannst mjög fyndið þegar
ég hljóp á eftir Geir Jóni – ég er
náttúrlega svona lítil, þybbin kona,
móð og másandi, skilurðu. En þú
mátt alveg segja að ég elski Ragga
Bjarna, sem var nýlega í Hrað-
fréttum. Við náðum svo vel saman,
hlógum svo mikið að við gátum ekki
gert það sem okkur var sagt að gera
og því þurfti að taka atriðið með
okkur margoft upp. Ég vissi ekki að
hann væri svona fyndinn, mér hafði
alltaf þótt hann frekar leiðinlegur.
Núna er hann mitt uppáhalds.“
Ertu á reglulegum veðurnátt-
úruhamfarafréttavöktum hjá Hrað-
fréttum?
„Ég talaði við kokkinn og fékk
Friðurinn úti
með Hraðfréttum
Matráðskonan í mötuneyti RÚV, Anna Lísa Wíum Douieb, sá aumur á frétta-
stjórunum Benedikt Valssyni og Fannari Sveinssyni, þegar þeir byrjuðu að væla í
henni um að taka stöðu veðurfréttakonu Hraðfrétta. Hún náði ótrúlega skjótum
starfsframa því fyrr en varði var hún gerð að veðurnáttúruhamfarafréttakonu.
Hraðfréttamenn Anna Lísa fremst í hópi vinnufélaganna. Frá vinstri:
Fannar, Steiney, Jóhann Alfreð, Benedikt og Gunnar.
U3A Reykjavík, The University of
the Third Age Reykjavík, eru samtök
fólks á þriðja æviskeiðinu sem vill
afla sér og miðla þekkingu eins
lengi og það vill og getur. Samtökin
eru hluti af alþjóðlegri hreyfingu
sem er til í um 35 löndum víða um
heim.
Starf U3A Reykjavík byggist á að
virkja fólk betur á efri árum og gefa
því tækifæri til að lifa lífinu betur
en ella og undirbúa þetta æviskeið.
Í því skyni standa samtökin fyrir
námskeiðum, fyrirlestrum, hópa-
starfi, kynnisferðum og ferðalögum.
Á heimasíðu samtakanna segir að
næstu viðburðir verði með haustinu
og verður þá væntanlega af nógu að
taka miðað við fjölbreytta starfsemi
á liðnum vetri.
Innan samtakanna starfa nokkrir
hópar, t.d. bókmenntahópur, líf-
söguhópur, framsagnarhópur Soffíu
o.fl. Félagsmönnum gefst einnig
kostur á að stofna nýja hópa. Engin
skilyrði eru fyrir þátttöku og engin
próf tekin.
Vefsíðan www.u3a.is
Svo lengi lærir sem lifir
Morgunblaðið/Styrmir Kári
Þriðja æviskeiðið Samtökin U3A eru ætlað fólki yfir fimmtugu.
Skannaðu kóðann
til að lesa
Kringlunni • Sími 568 7777 • heyrnarstodin.is HEYRNARSTÖ‹IN
Snjallara heyrnartæki
Beltone First™
Nýja Beltone First™ heyrnartækið tengist þráðlaust beint í iPhone, iPad og iPod touch.
Komdu í ókeypis heyrnarmælingu og fáðu heyrnartæki lánað til reynslu.
Beltone First gengur með iPhone 5s, iPhone 5c, iPhone 5, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi.
Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
Ókeypis
heyrnarmælingsíðan 2004