Morgunblaðið - 26.05.2015, Side 12
12 FRÉTTIRInnlent
MORGUNBLAÐIÐ ÞRIÐJUDAGUR 26. MAÍ 2015
Guðlaugur Þór
Þórðarson, ritari
Sjálfstæðis-
flokksins og
þingmaður, var
um helgina kjör-
inn varafor-
maður Evrópu-
samtaka
íhaldsmanna og
umbótasinna
(AECR) á ráðs-
fundi samtakanna. Hann tekur við
af Ragnheiði Elínu Árnadóttur, iðn-
aðar- og viðskiptaráðherra, en hún
hefur gegnt stöðunni síðastliðin
fjögur ár.
AECR eru alþjóðleg samtök
stjórnmálaflokka sem aðhyllast
Evrópu- og alþjóðasamstarf auk
hugmynda um einstaklingsfrelsi,
þingræði og virðingu fyrir fullveldi
þjóðríkja.
Guðlaugur Þór
varaformaður AECR
Guðlaugur Þór
Þórðarson
Meðfram Kringlumýrarbraut í
Reykjavík er nú unnið að því að
leggja nýja vatnslögn og verður í
dag hafist handa við að grafa fyrir
henni þvert á Háaleitisbraut.
Af þessum sökum verður þeim
kafla Háaleitisbrautar sem liggur
frá Kringlumýrarbraut að Skip-
holti lokað tímabundið. Er áætlað
að lokunin vari í viku en brjóta
verður lögninni leið um klöpp undir
götunni. Framkvæmdin mun ekki
hafa áhrif á umferð ökutækja um
Kringlumýrarbraut en fólk er hvatt
til að sýna aðgát við svæðið.
Hluta Háaleitis-
brautar lokað í viku
Samtök fyrirtækja í sjávarútvegi
(SFS) halda fyrsta aðalfund sinn á
Hótel Hilton Reykjavík Nordica
næstkomandi föstudag. Hefst fund-
urinn kl. 13 og stendur til kl. 15.
Yfirskrift fundarins er „sameig-
inleg markaðssetning og aukin
verðmæti“ en á honum verður
fjallað um stöðu sjávarútvegsins í
dag, starfsemi samtakanna frá
stofnun þeirra á síðasta ári og þau
tækifæri sem felast í sameiginlegri
markaðssetningu sjávarútvegsins á
Íslandi.
Fyrsti aðalfundur
SFS nk. föstudag
Ágúst Ingi Jónsson
aij@mbl.is
Árgangamót af ýmsum toga eru al-
geng á vordögum og fortíðarþráin
þá alls ráðandi. Fermingarafmæli
eru haldin um allt land, stúdentar
heimsækja gömlu skólana sína og
sumir minnast gamla barnaskólans
síns. Í Breiðagerðisskóla hittist í
liðinni viku 12 ára F og minntist
þess að hafa lokið fullnaðarprófi
vorið 1965 eða fyrir réttum 50 ár-
um. Það sem átti að vera stuttur
hittingur varð að þriggja tíma
sögustund og líflegu spjalli bekkj-
arfélaga um gamla tíð.
Alls voru 33 nemendur í bekkn-
um eins og algengt var í skólanum.
Breiðagerðisskóli var þá þrísetinn
og nemendur alls um eitt þúsund,
en eru nú um þriðjungur af þeim
fjölda. Á þessum árum var margt
ungt fólk í Smáíbúða- og Bústaða-
hverfum og algengt að börn í fjöl-
skyldum væru 4-5.
Sú gamla regla að nemendur röð-
uðu sér í tvöfalda röð fyrir utan
skólastofuna var í heiðri höfð á
endurfundunum í síðustu viku,
stelpurnar fremst og strákarnir á
eftir. Síðan var gengið fylktu liði
inn í stofuna þar sem bekkjarsystk-
inin minntust með hlýju síns gamla
kennara, Svavars Helgasonar, en
hann lést af slysförum árið 1975.
Afreksmenn og
fegurðardrottning
Guðmundur Stefánsson, sviðs-
stjóri á landverndarsviði Land-
græðslunnar, er einn bekkjarfélag-
anna. Hann rifjar upp að einn
veturinn mætti F-bekkurinn klukk-
an 11.15 í skólann, en þá var Guð-
mundur yfirleitt búinn að vinna í
fiskbúðinni hjá Gissuri Kristjáns-
syni í Ásgarði frá því klukkan 8 um
morguninn. Verkefnin voru ýmiss
konar, m.a. að hakka fisk og vigta
kartöflur. Það kom fyrir að Guð-
mundur fór beint úr vinnunni í skól-
ann í vinnugallanum. Svavar kenn-
ari sagði ekki mikið þó örlaði á
fisklykt í stofunni, kannski bara
„Jæja, Guðmundur minn, svo þú
komst beint úr vinnunni“.
Guðmundur segir að bekkurinn
hafi ekki haldið hópinn sérstaklega
fram til þessa þó samband milli ein-
staklinga hafi ekki rofnað, enda
varð til eitt hjónaband milli bekkj-
arfélaga. Með stofnun facebók-
arsíðu fyrir nokkrum vikum hefði
svo gömul vinátta verið endurnýj-
uð.
Upp til hópa hefði ræst vel úr
hópnum og þó sumir hefðu orðið
frægari en aðrir. Í hópnum er m.a.
Henný Hermannsdóttir, sem sigr-
aði í keppninni Miss Young Int-
ernational í Japan árið 1970. Einnig
íþróttakempurnar Ólafur Bene-
diktsson og Guðjón Magnússon,
margfaldir landsliðsmenn í hand-
bolta. Byggingameistarinn Snorri
Hjaltason, sem byggt hefur yfir 800
íbúðir, var á heimavelli þegar
smíðastofa skólans var skoðuð. Að
ógleymdu margreyndu fjölmiðla-
fólki.
Tvö umslög um mánaðamót
Uppkomin börn voru nokkuð til
umræðu og í ljós kom að a.m.k. ein
bekkjarsystranna var orðin lang-
amma. Þá kom einnig í ljós að einn
strákanna, Guðni Már Hennings-
son, útvarpsmaður, átti þriggja ára
barn. Hann hafði orð á því að það
væri alltaf jafn skemmtilegt að fá
um hver mánaðamót bréf frá bæði
leikskóla barnsins og Félagi eldri
borgara.
Að lokinni stund í gömlu kennslu-
stofunni leiddi Þorkell Daníel Jóns-
son, skólastjóri Breiðagerðisskól-
ans, bekkinn um skólann og m.a.
voru smíðastofan, sundlaugin og
leikfimisalurinn skoðuð. Þessi að-
staða vakti upp margar minningar
en þótti almennt minni og takmark-
aðri en talið hafði verið.
Þá var þrísetið í skólanum
Árgangamót algeng og haldin af ýmsu tilefni Minntust þess að hálf öld er lið-
in frá því að þau luku fullnaðarprófi Fór fyrst í vinnu í fiskbúðinni, svo í skólann
Gamla myndin Efsta röð f.v.: Bjarni Elíasson, Snorri Hjaltason, Sveinn
Hjörleifsson, Stefán Sigurðsson, Guðni Már Henningsson, Ómar Að-
alsteinsson, Óskar Óskarsson (látinn), Guðjón Magnússon, Guðmundur Stef-
ánsson, Ólafur Benediktsson, Þorvarður Þórðarson, Yngvi Þ. Magnússon.
Næst efsta röð: Jónas Haraldsson, Anna Dóra Guðmundsdóttir, Valgerður
Vilbergsdóttir, Árný Ingólfsdóttir, Þórunn E. Tómasdóttir, Henný Her-
mannsdóttir, Sigríður Þorláksdóttir, Anna María Baldvinsdóttir, Marinó
Gíslason, Svavar Helgason kennari. Önnur röð: Sigrún Rebekka Jónsdóttir,
Unnur Ingólfdóttir (eiginkona Guðjóns), Helga Valdimarsdóttir, Björg
Snorradóttir, Gunnhildur Lýðsdóttir, Dóra Steinsdóttir, Þóra Guðnadóttir.
Fremsta röð frá vinstri. Bjargey Elíasdóttir (tvíburasystir Bjarna) Elíasson-
ar), Guðrún Eyjólfsdóttir, Una Svane, Klara Árnadóttir. Á myndina vantar
Ármann Benediktsson.
Morgunblaðið/Árni Sæberg
Hálfri öld síðar Nemendur röðuðu sér upp í tvöfaldri röð eins og venjan var í Breiðagerðisskóla fyrir 50 árum.
Skúli Alexandersson,
fyrrverandi alþingis-
maður frá Hellissandi,
lést á Landspítalanum
laugardaginn 23. maí
síðastliðinn, 88 ára að
aldri.
Skúli fæddist í
Reykjarfirði á Strönd-
um 9. september 1926.
Foreldrar hans voru
Alexander Árnason
bóndi og Sveinsína
Ágústsdóttir húsmóðir.
Skúli lauk héraðs-
skólaprófi á Reykjanesi
1942 og samvinnu-
skólaprófi 1950. Hann stundaði síð-
an nám í framhaldsdeild Samvinnu-
skólans 1950 til 1951. Hann starfaði
sem verslunarmaður hjá Kaupfélagi
Skagfirðinga á Sauðárkróki 1951 til
1952 og Kaupfélagi Hellissands 1952
til 1955. Á árunum 1954 til 1969 rak
hann útgerð og var framkvæmda-
stjóri Jökuls hf. á Hellissandi frá
1961 fram á tíunda áratuginn. Þá var
hann forstöðumaður Gistihússins
Gimli á Hellissandi frá 1991 þar til
Hótel Hellissandur hóf
starfsemi en hann var
helsti hvatamaður að
byggingu þess.
Skúli var oddviti
Neshrepps utan Ennis
1954 til 1966, 1970 til
1974 og 1978 til 1981.
Hann sat í stjórn
landshafnar í Rifi 1959
til 1990. Í flugráði 1980
til 1987 og frá 1991. Í
stjórn Sementsverk-
smiðjunnar 1980 til
1989 og formaður
Skógræktar- og land-
verndarfélags undir
Jökli síðan 1990. Þá sat hann einnig í
stjórnskipaðri nefnd til undirbún-
ings stofnun þjóðgarðs undir Jökli
síðan 1994.
Hann sat á Alþingi sem þingmað-
ur Alþýðubandalagsins fyrir Vestur-
landskjördæmi á árunum 1979 til
1991.
Skúli kvæntist Hrefnu Magnús-
dóttur (f. 24. júní 1935) verslunar-
manni hinn 23. júní 1955. Börn Skúla
og Hrefnu eru Ari, Hulda og Drífa.
Andlát
Skúli Alexandersson
Aukablað alla
þriðjudaga