Morgunblaðið - Sunnudagur - 10.05.2015, Qupperneq 30

Matur
og drykkir
Vissir þú …
*… að rósakál er eitt óvinsælasta grænmetiðvíða um heim þrátt fyrir að vera mjög holltfyrir líkamann. Rósakál er fullt af næringar-efnum, hlaðið vítamínum og steinefnum oginniheldur nánast engar kaloríur, enga fitu,ekkert kólesteról og fyllir meira að segja vel ímagann. Hægt er að elda það á ýmsa vegu og
fer það vel með ýmsum mat, t.d. lambakjöti
eða villibráð á borð við gæs eða hreindýr.
Á
Vesturgötu í Reykjavík búa saman
þau Hjörtur Hjartarson, unnusta
hans Ásdís Rósa Hafliðadóttir og
bróðir Ásdísar, Mímir Hafliðason.
Þeir Hjörtur, sem starfar sem hönnuður hjá
App-vise, og Mímir, viðskiptafræðinemi við
Háskóla Íslands og sumarstarfsmaður á fyr-
irtækjasviði Íslandsbanka, eru miklir matgæð-
ingar og nýta hvert tækifæri til þess að prófa
sig áfram í eldhúsinu.
„Við skiptum með okkur dögunum í eldhús-
inu og kryddum oft matseldina,“ segir Hjört-
ur og vísar þar til þess að þeir mágar fari oft
óhefðbundnar leiðir þegar kemur að matar-
vali. „Við förum reglulega á uppskriftasíður,
t.d. www.vinotek.is, og eldum það fyrsta sem
við sjáum,“ segir Hjörtur. Mímir segir að með
því að velja kvöldmatinn með þessum óvenju-
lega og skemmtilega hætti sé hann búinn að
prófa ýmsan mat, sem hann annars hefði ekki
smakkað. Nefnir hann í því samhengi snigla-
fyllta sveppi sem eru nú í miklu uppáhaldi hjá
honum, en áður en hann smakkaði réttinn,
sem þeir einmitt fundu á uppskriftarsíðu,
fannst honum hvorki sveppir né sniglar góðir.
„Mér fannst það alltaf svo óspennandi að
borða eitt mest hægfara dýr jarðar og síður
en svo fallegasta,“ segir Mímir á léttu nót-
unum og bætir við að flestir séu hræddir við
að stíga út fyrir þægindahring sinn þegar
kemur að mat. „Eftir að við fórum að elda
það fyrsta sem við sáum á uppskriftasíðum
hefur viðhorf mitt til matar breyst mikið. Ég
leit alltaf á mat sem eins konar bensíngjöf lík-
amans, borðaði til að lifa, en núna lifi ég til
þess að borða,“ segir Mímir.
Morgunblaðið/Kristinn
Þeim Mími, til vinstri, og Hirti, til hægri, leiðist ekki lífið og halda oft á ótroðnar slóðir í matargerð.
GERA ÞAÐ SEM ÞEIR GETA FRÁ GRUNNI
Matseldin ræðst
af örlögunum
MÁGARNIR HJÖRTUR HJARTARSON
OG MÍMIR HAFLIÐASON FARA
OFT ÓHEFÐBUNDNAR LEIÐIR
Í MATARVALI MEÐ ÞVÍ AÐ ELDA
FYRSTU UPPSKRIFTINA SEM
ÞEIR FINNA Á ÝMSUM
UPPSKRIFTARSÍÐUM.
Andri Steinn Hilmarsson ash@mbl.is
Fyrir 6
800 g nautahakk
2 laukar
3 hvítlauksrif
2 dósir niðursoðnir tómatar
2 dósir af tómatpúrru
fersk basilíka
kjötkraftur
krydd að vild, oreganó og timían
t.d.salt og pipar eftir smekk
pastaplötur
2 egg
3 dl hveiti
Hvíta sósan
kotasæla 500 g
sýrður rjómi 150 g
1 stk parmesanostur, 200 g
Annað
2 pokar ferskur mozzarellaostur í
litlum kúlum, 240 g
1 poki gratínostur, 150 g
snittubrauð
Laukur og hvítlaukur er saxaður og
steiktur saman í stórum steikarpotti við
lágan hita. Þegar laukurinn er orðinn
mjúkur er nautahakkinu bætt út í og hiti
hækkaður og steikt þar til hakkið er allt
steikt. Tómötum, tómatpúrru, ferskri sax-
aðri basilíku, kjötkrafti og kryddi er bætt
við þegar kjötið er tilbúið og kjötsósan
látin malla í 20 mínútur á vægum hita.
Deigið fyrir pastaplöturnar er gert með
því að hræra saman eggjunum tveimur og
ca 300 g hveiti (fer eftir stærð eggjanna)
þar til það nær góðri áferð og síðan flatt
út í þunnt lag. Deigið má ekki vera of
klístrað.
Hvítu sósuna gerum við með því að rífa
niður parmesanost og blanda honum við
kotasælu og sýrðan rjóma. Gott er að
setja smásalt.
Hluti kjötsósunnar fer sem neðsta lag í
eldfast mót, mozzarellaosturinn er skor-
inn í þunnar sneiðar og hluti af honum fer
ofan á kjötlagið, síðan pastaplötur ofan á
það og ostasósunni svo dreift á pastaplöt-
urnar. Þetta er gert koll af kolli þar til eld-
fasta mótið er fullt og gratínostinum þá
dreift ofan á síðasta lagið. Lasagnað er
bakað í ofni við 200°C í 30 mín. og er
borið fram með snittubrauði, ferskri bas-
ilíku og rifnum parmesanosti ofan á.
LASAGNA
REYKJAVÍKURMANNSINS