Morgunblaðið - 27.06.2015, Síða 6
6 FRÉTTIRInnlent
MORGUNBLAÐIÐ LAUGARDAGUR 27. JÚNÍ 2015
FRÉTTASKÝRING
Brynja B. Halldórsdóttir
brynja@mbl.is
Í deild eigin viðskipta í Kaupþingi
var stunduð stórfelld markaðs-
misnotkun 2007-2008 með því að sett
voru inn mörg kauptilboð í hlutabréf.
Með því var eftirspurn eftir bréf-
unum ranglega gefin til kynna en eft-
irspurnin kom nær öll frá bankanum
sjálfum. Þá var ranglega látið líta svo
út að erlend félög hefðu lagt fé til
kaupa á hlutum í bankanum en í raun
voru kaupin fjármögnuð með lánveit-
ingum frá bankanum sjálfum. Þannig
var fé hans stefnt í verulega hættu
með lánveitingum, en félögin voru
eignalaus og ekki í rekstri.
Þetta er niðurstaða Héraðsdóms
Reykjavíkur, sem dæmdi í gær sjö
fyrrverandi starfsmenn Kaupþings
fyrir sinn þátt í markaðsmisnotkun
og umboðssvikum. Tvö ákærðu,
Magnús Guðmundsson og Björk Þór-
arinsdóttir, voru sýknuð.
Ingólfur Helgason, fyrrverandi
forstjóri bankans, var dæmdur í fjög-
urra og hálfs árs fangelsi. Bjarki
Diego, fyrrverandi framkvæmda-
stjóri útlána, var dæmdur til tveggja
og hálfs árs fangelsisvistar. Tveir
starfsmenn eigin viðskipta Kaup-
þings, þeir Birnir Sær Björnsson og
Pétur Kristinn Guðmarsson, voru
dæmdir í 18 mánaða skilorðisbundið
fangelsi en refsing fellur niður eftir
tvö ár haldi þeir almennt skilorð.
Einar Pálmi Sigmundsson, fyrrver-
andi forstöðumaður eigin viðskipta,
fékk tveggja ára skilorðsbundinn
dóm.
Bæði Hreiðar Már Sigurðsson,
fyrrverandi forstjóri Kaupþings, og
Sigurður Einarsson fyrrverandi
stjórnarformaður bankans, fengu
hegningarauka vegna fyrri brota.
Þannig var Sigurður dæmdur til eins
árs fangelsisvistar til viðbótar við
fyrri fjögurra ára fangelsisdóm úr Al
Thani-málinu en Hreiðari Má var
ekki gerð frekari refsing en sú fimm
og hálfs árs fangelsisrefsing sem
hann fékk í sama máli.
Kröfum ákæruvaldsins á hendur
Björk Þórarinsdóttur, fyrrverandi
fulltrúa í lánanefnd bankans, og
Magnúsi Guðmundssyni, fyrrverandi
forstjóra Kaupþings í Lúxemborg, var
ýmist vísað frá dómi eða þau sýknuð.
Hreiðar Már, Sigurður, Ingólfur,
Einar, Birnir Sær og Pétur Kristinn
voru taldir hafa í sameiningu stundað
markaðsmisnotkun með hlutabréf út-
gefin af bankanum sjálfum á tæplega
árs tímabili með framsetningu til-
boða og viðskipta í sænsku og ís-
lensku kauphöllinni. Viðskiptin eru
sögð hafa tryggt óeðlilegt verð sem
hafi verið til þess fallið að gefa verð
bréfanna ranglega til kynna.
Kaup fjármögnuð af bankanum
Þá voru Hreiðar Már, Sigurður og
Magnús ákærðir fyrir markaðs-
misnotkun fyrir að hafa komið á við-
skiptum með hluti í Kaupþingi og
ranglega látið líta út eins og félögin
Holt Investment Group, Fjárfesting-
arfélagið Mata og Desulo Trading
Limited hefðu lagt fé til kaupanna. Í
raun hefði Kaupþing fjármagnað þau
með lánveitingum, þannig að bankinn
hefði borið fulla markaðsáhættu af
hlutunum. Þá hefðu lánveitingarnar
verið veittar nær án allra viðbót-
artrygginga, fyrir utan bréf í Exista
sem Holt Investment lagði að veði.
Héraðsdómur sló því föstu að um-
rædd sala hefði gefið ranglega til
kynna framboð og eftirspurn eftir
bréfunum. Fjárhagsleg áhætta hefði
öll verið Kaupþings, sem hefði ekki
haft aðrar tryggingar en bréf í sjálfu
sér. Aðeins Ingólfur var sakfelldur
fyrir þennan hluta ákærunnar en
aðrir sýknaðir.
Lánuðu út fyrir heimildir sínar
Þá voru þeir Hreiðar Már, Sig-
urður, Ingólfur, Magnús og Bjarki
ákærðir fyrir umboðssvik með því að
fara út fyrir lánveitingarheimildir
sínar og stefna fé bankans í verulega
hættu. Þannig veitti bankinn áð-
urnefndum erlendum félögum, auk
fjárfestisins Kevins Stanford, lán til
kaupa á hlutum í bankanum. Voru
þau veitt án samþykkis lánanefndar
bankans, að mestu án viðbótartrygg-
inga og án mats á greiðslugetu og
eignarstöðu félaganna.
Bjarki var sakfelldur fyrir tvær
lánveitingar til Holt Investment
Grroup en Sigurður og Hreiðar Már
fyrir þá þriðju. Einnig var Bjarki
dæmdur fyrir þrjár lánveitingar til
Desulo Trading og Hreiðar Már fyrir
eina lánveitingu til þess félags.
Hreiðar Már var einn dæmdur fyrir
lánveitingu til Kevins Stanford. Þá
var talið ósannað að ákærðu hefðu
veitt lán til Fjárfestingarfélagsins
Mata og allir sýknaðir vegna þess.
Sýndarkaup og ímynduð eftirspurn
Héraðsdómur dæmir sex fyrrverandi starfsmenn Kaupþings í fangelsi, tveir fá hegningarauka og
tvö sýknuð Markaðurinn blekktur með ímyndaðri eftirspurn og fé bankans stefnt í verulega hættu
Morgunblaðið/Eggert
Dómsuppkvaðning Sakborningar mættu ekki í héraðsdóm í gær til að heyra dóminn, aðeins verjendur þeirra.
Andri Steinn Hilmarsson
ash@mbl.is
Lokaður Facebook-hópur leigubíl-
stjóra var kærður til Persónuverndar
í gær. Með kærunni er farið fram á að
Persónuvernd rannsaki upplýsinga-
öflun sem fer fram á síðunni.
Samkvæmt skjáskotum af efni sem
birtist í hópnum, og Morgunblaðið
hefur undir höndum, hafa meðlimir
hópsins, sem eru tæplega 800 talsins,
m.a. deilt leynilegri myndbandsupp-
töku, myndum af skilríkjum farþega,
upplýsingum um að leigubílstjórar
taki síma og vegabréf í „pant“ og
myndum af farþegum. Þá er þar að
finna umræður um að tiltekinn far-
þega beri að varast, þar sem viðkom-
andi sé HIV-smitaður. Virðist sem
svo að upplýsingunum sé ætlað að
koma í veg fyrir að svindlað sé á
leigubílstjórum.
Hafa ekki tekið kæruna fyrir
Samkvæmt upplýsingum sem
fengust frá Persónuvernd barst
stofnuninni kæra í gær er snýr að Fa-
cebook-hópi leigubílstjóra. Kæran
hefur ekki hlotið efnislega meðferð
og af þeim sökum fengust ekki frek-
ari upplýsingar um innihald hennar.
Sæmundur Kristján Sigurlaugs-
son, framkvæmdastjóri Hreyfils-
Bæjarleiða, fékk fyrst veður af Face-
book-hópnum og kærunni til
Persónuverndar þegar Morgunblað-
ið leitaðist eftir viðbrögðum hans.
Gert að loka síðunni, í hvelli!
Hópurinn ber heitið „Hreyfill-
Bæjarleiðir“ en Sæmundur segir að
hópurinn tengist stöðinni ekki með
nokkrum hætti og forsvarsmönnum
hópsins sé óheimilt að nota nafn
stöðvarinnar.
„Við hörmum það að menn skuli
vera að tjá sig um einhverja persónu-
lega reynslu úr starfi. Þagnarskylda
er regla númer eitt, tvö og þrú,“ segir
Sæmundur. Annar tveggja stjórn-
enda hópsins er leigubílstjóri hjá
Hreyfli. Sæmundur segir að honum
verði gert að loka síðunni samstundis
„og það í hvelli!“.
„Ég get lítið sagt annað en það að
þetta samræmist alls ekki stefnu
Hreyfils. Það verður tekið á þessu hjá
okkur eftir helgi þó svo að þetta sé
stöðinni óskyld síða.“
Deila myndum af farþeg-
um á lokaðri Facebook-síðu
Hópur leigubíl-
stjóra kærður til
Persónuverndar
Morgunblaðið/Ómar
Persónuvernd Framkvæmdastjóri Hreyfils-Bæjarleiða segir hópinn
ótengdan stöðinni. Þó verði tekið á málinu innan stöðvarinnar eftir helgi.
Ákærunni er skipt upp í þrjá kafla. Í
fyrsta kaflanum voru Birnir Sær,
Pétur Kristinn, Einar Pálmi, Sig-
urður og Hreiðar Már dæmdir fyrir
markaðsmisnotkun í formi hluta-
bréfakaupa eigin viðskipta bank-
vestment og Desulo Trading. Sig-
urður var einnig dæmdur vegna
lánveitingar til Holts en allir
ákærðu voru sýknaðir í tengslum
við Mata enda ósannað að þeir
hefðu lánað félaginu.
ans. Í öðrum kafla var Ingólfur einn
dæmdur fyrir markaðsmisnotkun
með milligöngu um sýndarkaup.
Í þeim þriðja voru Bjarki og
Hreiðar Már dæmdir fyrir umboðs-
svik vegna lánveitinga til Holt In-
Sjö dæmdir af níu ákærðum
HVER VAR DÆMDUR FYRIR HVAÐ?
Hreiðar Már
Sigurðsson
Sigurður
Einarsson
Bjarki
Diego
Ingólfur
Helgason
Einar Pálmi
Sigmundson
Birnir Sær
Björnsson
Pétur Kristinn
Guðmarsson
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Stórfengleg náttúra Suður-Þýskalands lætur engan ósnortinn, þar
sem umlykjandiAlpafjöllin og blómlegar sveitir skreyta dásamlegt
landslagið.Við heimsækjumArnarhreiður Hitlers, tærasta
stöðuvatn Evrópu, Königssee, njótum náttúrufegurðar í Ettal,
virðum fyrir okkur víðáttuna frá tindi Zugspitze og heimsækjum
eyjarnar Herren- og Fraueninsel á siglingu um vatnið Chiemsee.
Verð: 222.200 kr. á mann í tvíbýli.
Mjög mikið innifalið!
Sp
ör
eh
f.
Fararstjóri: Inga Ragnarsdóttir
14. - 23. ágúst
Tignarleg fjöll&töfrandihallir
Sumar 18