Morgunblaðið - 27.06.2015, Qupperneq 47

MENNING 47
MORGUNBLAÐIÐ LAUGARDAGUR 27. JÚNÍ 2015
VIÐTAL
Silja Björk Huldudóttir
silja@mbl.is
„Yfirskrift hátíðarinnar í ár er „Fag-
urt syngur svanurinn“. Hún er vísun
í samnefnt þjóðlag sem Bjarni Þor-
steinsson skráði í lok 19. aldar eftir
gamalli konu sem bjó í dal inn af
Siglufirði. Eins vísar þetta til ríku-
legs fuglalífs á Siglufirði,“ segir
Gunnsteinn Ólafsson, stofnandi og
listrænn stjórnandi Þjóðlagahátíð-
arinnar á Siglufirði sem nú er haldin
í 16. sinn dagana 1.-5. júlí.
„Þjóðlagið verður flutt á tón-
leikum Hallveigar Rúnarsdóttur
sóprans og Hrannar Þráinsdóttur
píanóleikara í
Siglufjarðar-
kirkju fimmtu-
daginn 2. júlí kl.
20 og fuglar koma
víðar við sögu því
Sinfóníuhljóm-
sveit unga fólks-
ins endar hátíðina
á því að leika
Konsert fyrir
fugla og hljóm-
sveit, Cantus
Articus, eftir Einojuhani Rauta-
vaara í Siglufjarðarkirkju sunnu-
daginn 5. júlí kl. 14,“ segir Gunn-
steinn sem stýrir tónleikunum. „Á
sömu tónleikum verður frumfluttur
fiðlukonsert eftir Hildigunni Rún-
arsdóttur, sem er fyrsti fiðlukonsert
sem kona semur á Íslandi og það
telst vissulega til tíðinda. Þetta er
framlag hátíðarinnar til 100 ára af-
mælis kosningaréttar kvenna,“ segir
Gunnsteinn, en einleikari er Sólrún
Gunnarsdóttir. Þess má geta að tón-
leikarnir verða endurteknir í Lang-
holtskirkju 7. júlí kl. 20.
Býr yfir stórkostlegri rödd
Spurður hvað beri hæst á hátíð-
inni í ár nefnir Gunnsteinn norska
tónlistarhópinn Lux Illuxit sem
heldur tvenna tónleika á forn-
hljóðfæri. „Miðvikudaginn 1. júlí
flytur hópurinn helgisöngva og
norsk þjóðlög sem tengjast Ólafi
helga Noregskonungi í Bátahúsinu
kl. 21.30 og daginn eftir flytur hann
píslarvættissöngva sem varðveist
hafa í stafkirkjum Noregs í Siglu-
fjarðarkirkju kl. 13. Tónlistin sem
leikin verður á þessum tvennum tón-
leikum hefur að öllum líkindum líka
hljómað hérlendis á sínum tíma, því
íslensk og norsk menning var sam-
ofin fyrr á tímum. Það er því mikill
fengur að fá þennan hóp til Íslands.“
Aðspurður hvað hann hafi til hlið-
sjónar þegar komi að því að velja
saman dagskrárliði líkir Gunnsteinn
vinnunni við að setja saman blóma-
krans. „Hróður hátíðarinnar hefur
borist víða. Það er því mjög mikill
áhugi bæði meðal íslenskra og er-
lendra listamanna að fá að koma hér
fram. Ég get ekki annað en valið það
úr sem mér finnst eiga saman. Að
stjórna tónlistarhátíð er eins og að
búa til fallegan blómakrans. Þú get-
ur ekki bara haft græn blóm í krans-
inum, heldur verður maður að hafa
ríkulegan og litríkan vönd og velja
þarf blómin eftir því.“
Að sögn Gunnsteins verður boðið
upp á tæplega 20 tónleika dagana
1.-5. júlí á alls fimm tónleikastöðum
auk þess sem torgið býður upp á tón-
leikahald sé veður gott. „Tónleika-
aðstaðan hér er til fyrirmyndar,“
segir Gunnsteinn og bendir á að allir
tónleikar eru ein klukkustund að
lengd og svo gefinn hálftími til að
rölta á næsta tónleikastað. „Auk tón-
leika bjóðum við upp á metnaðarfull
námskeið dagana 2.-3. júlí. Pétur
Björnsson kennir rímnakveðskap,
Jamie Laval kennir skoska þjóðlaga-
tónlist, félagar í Narinkka-tríóinu
miðla nálgun sinni á finnska þjóð-
lagatónlist sem þeir kalla finnskt
klezmer, Silver Sepp og Kristiina
Ehin kenna eistnesk þjóðlög og
-dansa og Árni Björnsson þjóðhátta-
fræðingur fjallar um Sigursvein D.
Kristinsson og tónlistarbyltinguna á
Siglufirði, en Sigursveinn var braut-
ryðjandi í tónlistarkennslu fyrir all-
an almenning óháð fjárhag. Auk
þess verður hér Þjóðlagaakademían
alla dagana, sem metin er til eininga
við LHÍ, og barnanámskeið sem
Björg Þórsdóttir heldur,“ segir
Gunnsteinn og bendir á að hægt sé
að skrá sig fyrirfram með því að
senda tölvupóst á festival@folkmu-
sic.is eða við komuna til Siglufjarðar.
Af öðrum tónleikum hátíðarinnar
nefnir Gunnsteinn opnunartónleika
Þórhildar Pálsdóttur sem betur er
þekkt sem Heddý. „Hún mun ásamt
hljómsveit flytja nútímaþjóðlög, þ.e.
íslenskar dægurperlur frá 20. öld,“
segir Gunnsteinn og segir ánægju-
legt að geta lagt sitt lóð á vogarskál-
arnar til að sporna gegn æskudýrk-
un nútímans. „Heddý er komin yfir
sjötugt, en býr yfir stórkostlegri
rödd. Narinkka-tríóið heldur tón-
leika á Rauðku laugardaginn 4. júlí
kl. 14. Sama dag kl. 15.30 flytja hjón-
in Silvar Sepp og Kristiina Ehin
þjóðlagatónlist og runo-söng frá
Eistlandi, en Sepp smíðar sín hljóð-
færi á staðnum. Sama dag kl. 17 flyt-
ur Hundur í óskilum úrval eigin laga
í Siglufjarðarkirkju við undirleik
Lúðrasveitarinnar Svans undir
stjórn Brjáns Ingasonar. Þetta verð-
ur vafalítið hápunktur hátíðarinnar í
huga margra.
Við fáum hingað frábæra tónlist-
armenn sem ætla að flytja ástar- og
baráttusöngva Josés Afonso, sem
var áhrifamesti lagahöfundur Portú-
gala á 20. öld, í Siglufjarðarkirkju
föstudaginn 3. júlí kl. 20,“ segir
Gunnsteinn, en söngvari er João
Afonso og Filipe Raposa leikur á pí-
anó.
„Við leggjum einnig áherslu á að
ungt fólk sem er að stíga sín fyrstu
spor á þjóðlagabrautinni hafi mögu-
leika á að koma hér fram. Það á t.d.
við um þjóðlagasveitina Hlökk sem
skipuð er ungum stúlkun úr LHÍ.
Þær eru að feta sín fyrstu spor í
túlkun á íslenskum þjóðlögum og
eiga vafalaust framtíðina fyrir sér,“
segir Gunnsteinn, en Hlökk leikur í
Siglufjarðarkirkju 3. júlí kl. 23.
Nánari upplýsingar um dagskrá
hátíðarinnar eru á folkmusik.is.
„Eins og að búa til blómakrans“
 Þjóðlagahátíðin á Siglufirði sett í 16. sinn miðvikudaginn 1. júlí  Nær 20 tónleikar á fimm dögum
 „Hróður hátíðarinnar hefur borist víða,“ segir stofnandi og listrænn stjórnandi hátíðarinnar
Fiðluleikari Sólrún Gunnarsdóttir
frumflytur nýjan fiðlukonsert.
Dansar Jamie Laval fiðluleikari
sérhæfir sig í skoskum þjóðdönsum.
Fjölhæf Øyonn Groven syngur og
spilar á langspil og seljaflautu.
Slagverk Poul Høxbro leikur
norska tónlist með Lux Illuxit.
Hjón Silver Sepp leikur á heimasmíðuð hljóðfæri en Kristiina Ehin kveður.
Kvartett Jón Svavar Jósefsson, Hildigunnur Einarsdóttir, Thelma Hrönn
Sigurdórsdóttir og Pétur Húni Björnsson skipa söngkvartettinn Kviku.
Gunnsteinn
Ólafsson
Jazzhátíð Egilsstaða á Austurlandi,
JEA, verður haldin í dag í Vala-
skjálf. Hátíðin hefur verið haldin ár-
lega frá árinu 1988 og er elsta
djasshátíð landsins. Hátíðin verður
sett kl. 17 og 15 mínútum síðar hef-
ur fyrsta hljómsveitin leik, Ívar
Andri og hljómsveit og sérstakur
gestur verður Guðgeir Björnsson.
Kl. 18 leika Ranghalar, kl. 19.30
Garðar Eðvalds ásamt stórsveit, kl.
20.45 Beebee and the Bluebirds, kl.
22 Björn Thoroddsen og Jack
Magnet Quintet, með Jakob Frí-
mann Magnússon í fararbroddi, lýk-
ur hátíðinni með tónleikum kl. 22.45.
Ranghalar eru austfirsk popp-
hljómsveit, stofnuð 2012, og sækir
innblástur í ýmsar áttir, t.d. í djass,
fönk og progg og pakkar útkomunni
saman í nýrómantískan hljóðheim
níunda áratugarins, að því er fram
kemur á vef hátíðarinnar. Garðar
Eðvaldsson útskrifaðist úr Tónlist-
arskóla FÍH í vor og hélt útskrift-
artónleika sína í Reykjavík í apríl.
Hann leikur frumsamin lög eftir
sjálfan sig með níu manna stórsveit
á hátíðinni. Beebee and the blue-
birds var stofnuð árið 2010 af söng-
konu og gítarleikara hljómsveit-
arinnar, Brynhildi Oddsdóttur.
Tónlist sveitarinnar má lýsa sem
e.k. blöndu af blús, djassi, poppi og
sálartónlist. Björn Thoroddsen þarf
vart að kynna, einhvern færasta gít-
arleikara landsins sem hefur sl. 30
ár verið einn af atkvæðamestu
djasstónlistarmönnum Íslands og
hefur hlotið ýmsar viðurkenningar.
Jack Magnet Quintet flytur
óvenjulegan og áhugaverðan 21. ald-
ar bræðing af djassi, fönki og
heimstónlist. Kjarninn í dagskránni
er af fjölmörgum breiðskífum Jak-
obs Frímanns og hver veit nema eitt
eða tvö Stuðmannalög verði djössuð
upp er hitna tekur í kolunum, segir
um kvintettinn á vefsíðu hátíð-
arinnar og jafnframt að tónleikar
hans séu þeir fyrstu á hátíðinni.
Frekari upplýsingar má finna á jea-
.is.
Blásið til djassveislu í Valaskjálf
Morgunblaðið/Kristinn
Jack Magnet Jakob Frímann Magn-
ússon djassar í kvöld.
 Jazzhátíð Egils-
staða haldin í dag
Rithöfundurinn
Ragnar Jónasson
hefur gert
tveggja bóka
samning við
bandaríska for-
lagið St. Martin’s
Press sem gefur
út bækur Arn-
aldar Indriða-
sonar og Yrsu
Sigurðardóttur. Forlagið mun gefa
út glæpasögu Ragnars, Snjóblindu,
og aðra úr Siglufjarðarsyrpu hans
sem á eftir að velja.
Ný glæpasaga eftir Ragnar er
væntanleg í október.
Ragnar semur við
St. Martin’s Press
Ragnar Jónasson