Húnavaka - 01.05.2004, Side 137

ANNA ARNADOTTIR, Blönduósi:
Tilviljun
Það var skiýtin þúfa í túninu heima. Hún var ekki eins og þessar venju-
legu kollþúfur. Nei, hún var aflöng og köntuð, um tveggja metra löng
og um einn á breidd en hæst í miðjunni. Eiginlega líktist hún dys í lag-
inu.
Hún olli okkur systrum oft heilabrotum. Einkum var það elsta systir
mín sem hafði uppi getgátur um þetta fyrirbæri enda hafði hún með af-
brigðum fjörugt ímyndunarafl á þessum tíma. Sennilegast fannst henni
að þar væri haugur einhvers fornkappa og ekkert líklegra en að í honum
mundu vera gersemar góðar.
Margan leikinn lékum við þarna á balanum undir hennar sþórn, þótt-
umst við þá vera fornir kappar og sló í bardaga. Ekki vantaði vopnin því
að þau smíðaði hún handa okkur úr kassafjölum og öðru tiltæku. Þar
voru bæði atgeir Gunnars á Hlíðarenda og öxin Rimmugýgur.
Svo var það dag einn að vorlagi, þegar ég kom á fætur og skokkaði
upp fyrir bæinn, sá ég þá hvar systir mín var að grafa í þúfuna og komin
nokkuð stór hola. Varð mér þá ekki um sel og ætlaði að hendast til baka
en í því kom pabbi fyrir húshornið og sá þessar aðfarir. Hann varð held-
ur brúnaþungur, spurði hvað í ósköpunum hún væri að gera og bann-
aði harðlega allar dlfæringar þarna.
Ekki varð meira að gert en holan stóð opin í nokkra daga. Þetta var
þegar sauðburður stóð sem hæst og var kvölds og morgna farið að líta
eftir fénu. Þá var alsiða að ærnar bæru úd í haganum en ekki í húsi eins
og nú. Allra veðra er von á Islandi og einmitt nú um sauðburðinn kom
slæmt hret eins og hendi væri veifað og flýtti pabbi sér til fjárins. Hann
fann nokkur lömb sem voru orðin illa köld og kom með þau heim. Flest
þeirra tókst að lífga við í volgum bakarofni móður minnar eins og oft
hafði áður tekist en tvílembingar, sem þessi systir mín átti, dóu vegna af-
leiðinga af þessu kuldakasti ásamt einu lambi í viðbót sem pabbi átd.
Þetta þótd okkur öllum afar sorglegt en pabbi sagði að best væri að nota
þessa nýteknu gröf og jarðaði öll lömbin í holunni. Og það var einmitt
elsta systir mín sem hjálpaði honum við það verk.
Fannst öllum þetta undarleg dlviljun en þúfan fékk að vera óáreitt eft-
ir þetta.