Dagblaðið Vísir - DV - 30.04.2009, Blaðsíða 45

fimmtudagur 30. apríl 2009 45Sport
Íslendingalið
Í eldlÍnunni
Coca-Cola Championship-deildin, sú næstefsta á Englandi, klárast um helgina. Tvö Íslendingalið,
Reading og Burnley, eygja enn möguleika á að komast upp í úrvalsdeildina. Reading er þó nær því en
það á eftir stórleik gegn Birmingham. Jóhannes Karl og félagar sem hafa verið spútniklið ársins geta
með sigri um helgina tryggt sér sæti í umspilinu. Hin Íslendingaliðin sigla lygnan sjó.
R
eading, lið Ívars Ingimarssonar
og Brynjars Björns Gunnarsson-
ar, getur með sigri á Birmingham
á sunnudaginn og hagstæðum úr-
slitum í leik Sheffield United og
Crystal Palace endurheimt sæti sitt í ensku úr-
valsdeildinni. Reading hefur tapað mörgum
stigum á lokasprettinum, sérstaklega eftir að
Ívar Ingimarsson meiddist, og gæti í raun fyr-
ir löngu verið búið að tryggja sér sæti á meðal
þeirra bestu. Úlfarnir eru nú þegar komnir upp
sem öruggir sigurvegarar deildarinnar.
Burnley, sem Skagamaðurinn Jóhannes Karl
Guðjónsson leikur með, hefur verið spútniklið
ársins. Það getur öllum að óvörum tryggt sér
sæti í umspili en í því taka þátt liðin sem enda
í 3.-6. sæti. Þar leikur liðið sem endar í þriðja
sæti við það í sjötta og fjórða sætið mætir því
fimmta. Takist Reading því ekki að koma sér
upp um deild í fyrstu atrennu gæti orðið Ís-
lendingaslagur í umspilinu. Leikið er heima og
að heiman og sigurvegarar beggja leika mætast
í hreinum úrslitaleik á Wembley.
Ívar og Brynjar í stúkunni
Með sigri í síðustu tveimur leikjum hefur
Reading komið sér í stöðu sem var ekki líkleg
fyrir svo löngu. Fyrir það hafði Reading aðeins
halað inn fjögur stig af fimmtán mögulegum
gegn liðum sem það á undir eðlilegum kring-
umstæðum að vinna. Það tapaði meðal annars
mikilvægum leik, 1-0, gegn Sheffield United
sem stendur með pálmann í höndunum fyrir
lokaumferðina. Vinni Sheffield United Crystal
Palace á lokadeginum er það komið upp um
deild. Takist því hins vegar ekki að leysa það
verkefni getur Reading farið upp á markamun
með sigri á Birmingham. Vinni Birmingham
Reading er það örugglega komið upp í úrvals-
deildina.
Þrír Íslendingar leika með Reading. Ívar Ingi-
marsson er þeirra mikilvægasti og besti varnar-
maður og hefur liðið ekkert falið hversu mikið
það hefur saknað hans eftir að Ívar meiddist.
Þá er Brynjar Björn Gunnarsson einnig meidd-
ur en þeir félagarnir geta lítið annað en horft á
og kvalist í stúkunni í þessum mikilvæga leik.
Vörnin hefur reyndar haldið vel að undanförnu
en liðið hefur haldið hreinu í síðustu þremur
leikjum.
Heimavöllurinn sterkur
Eins og þegar Reading lék í úrvalsdeildinni hef-
ur heimavöllur verið mikið vígi Reading. Það
nýtur því góðs af því að fá Birmingham í heim-
sókn en þurfa ekki að ferðast til miðlanda Bret-
lands í lokaleikinn. Birmingham getur held-
ur betur klórað sér í höfðinu takist því ekki
að vinna Reading en það fékk draumaleik til
þess að koma sér upp um deild í síðustu um-
ferð. Birmingham tapaði þá á heimavelli gegn
Preston og fór heldur betur illa með færin. Jafn-
tefli dugar Birmingham til þess að komast upp
en það verður þá að bíða eftir úrslitum úr leik
Sheffield United og Crystal Palace.
Burnley í umspil
Ekki var búist við miklu af mönnum Owens
Coyle í Burnley fyrir tímabilið. Þetta lið hefur
farið á kostum í báðum bikarkeppnunum í ár
og sigrað meðal annars Arsenal sannfærandi á
Emirates-vellinum. Lengi vel var Burnley ekki
líklegt til afreka í deildinni en nú stendur það
með pálmann í höndunum hvað varðar síðasta
sætið í umspilinu. Burnley tekur á móti Bristol
City sem hefur að engu að keppa fyrir lokaum-
ferðina.
Jóhannes Karl Guðjónsson lék mikið í byrj-
un leiktíðar en hefur því miður setið meira og
minna á tréverkinu undanfarið. Hann hefur
ekki verið að fá mikið meira en fimmtán mín-
útur í leik en er þó sá varamaður sem oftast
nær er kallað fyrst á. Owen Coyle, stjóri liðs-
ins, er einfaldlega ekkert mikið í því að skipta
snemma inn á. Hann er bara ekki þannig þjálf-
ari. Jói Kalli hefur þó meira en sannað verð-
gildi sitt í deildinni og getur Coyle alltaf treyst
á hann í umspilinu vanti hann baráttuglaðan
Skagamann með eitraðan hægri fót.
Heiðar og Aron á lygnum sjó
Hin Íslendingaliðin, QPR og Coventry, þar sem
Heiðar Helguson og Aron Einar Gunnarsson
leika hafa að litlu að keppa á sunnudaginn þeg-
ar lokaumferðin fer fram. Aron Einar sem hefur
farið á kostum með Coventry fær ekki gullúr-
ið frá þjálfaranum sem honum var lofað myndi
liðið enda um miðja deild og hann skora tvö
mörk til viðbótar. Coventry er í sautjánda sæti
fyrir lokaumferðina og getur best náð fjórtánda
sæti. Þá er QPR með Heiðar Helguson í farar-
broddi í ellefta sæti og getur best endað í því
níunda. Ekkert fall hjá Íslendingum í ár og enn
geta fjórir farið upp um deild. tomas@dv.is
Brynjar Björn Verður í
stúkunni að horfa á mikil-
vægasta leik tímabilsins.
mynd Getty ImAGes
Jóhannes Karl getur ásamt félögum
sínum í Burnley tryggt sér sæti í umspili.
mynd Getty ImAGes