Dagblaðið Vísir - DV - 14.08.2009, Qupperneq 10

10 föstudagur 14. ágúst 2009 fréttir
Í Frakklandi er í uppsiglingu nýtt álitamál sem varðar klæðnað múslímskra kvenna. Sundfatnaðurinn
búrkiní, sem var sérstaklega hannaður með það fyrir augum að múslímskar konur gætu farið á strönd-
ina og í sund, hugnast ekki frönskum stjórnvöldum og hefur blandast inn í umræður og vangaveltur
um bann við klæðnaði múslímskra kvenna sem hylur ásjónu þeirra.
Búrkiní Bannað
í sundlaugum
Það má eflaust til sanns vegar færa
að Frakkland sé komið í djúpu
laugina í viðleitni sinni til að tak-
marka notkun klæðnaðar sem
tengist íslömskum trúarbrögð-
um í landinu. Þrjátíu og fimm ára
franskri konu, Carole, sem tekið
hefur upp íslamska trú var meinað
að fara í sund íklædd svonefndu
búrkiní og hefur í kjölfarið hótað
mögulegri málsókn.
Carole fæddist inn í hefð-
bundna franska fjölskyldu en
snerist til íslamstrúar sautján ára
og að eigin sögn hafði hún fest
kaup á búrkiní þegar hún var í fríi
í Dúbaí. Í júlí fékk Carole athuga-
semdalaust að fara í sund íklædd
búrkiní í Emerainville, austur af
höfðuðborginni París. Í þessum
mánuði kvað við annan tón og fór
hún bónleið til búðar og var mein-
aður aðgangur og bar starfsfólk
sundlaugarinnar við heilbriðgðis-
sjónarmiðum.
Hylur allan líkamann
Búrkiní, sem var hannað af Aheda
Zanetti sem er af líbönsku og ástr-
ölsku bergi brotinn, hefur slegið í
gegn í arabaheiminum, en verið
litið hornauga víða í hinum vest-
ræna heimi. Búrkiní hylur allan
líkamann, en þrátt fyrir að nafnið
skírskoti til hins afganska búrka er
engin skýla fyrir ásjónu þess sem
því klæðist.
Atvikið er nýjasti kaflinn í bar-
áttu bókstafstrúarmanna íslams
og franska ríkisins sem hefur nú
þegar bannað notkun andlitsskýla
í opinberum skólum og gæti hugs-
anlega bannað slíkt hið sama á al-
mannafæri.
Carole sakaði starfsmenn
sundlaugarinnar um ólöglega
mismunun og hafði án tafar sam-
band við bæði lögreglu og fjöl-
miðla. „Þetta er einfaldlega að-
skilnaðarstefna,“ sagði Carole og
bætti við að hún myndi berjast til
að ná breytingum í gegn. Hún úti-
lokaði ekki að hún kynni að flytja
frá Frakklandi ef hún hefði ekki
erindi sem erfiði.
Umkvörtunum Carole vísað frá
Lögreglan vísaði umkvörtunum
Carole á bug á þeim forsendum að
starfsfólk sundlaugarinnar hefði
einungis framfylgt reglum sem
væru við lýði í öllum almennings
sundlaugum landsins; að konur
ættu að klæðast sundfatnaði og
karlmenn sundskýlum frekar en
stuttbuxum, sem taldar eru lík-
legri til að hýsa bakteríur. Bæjar-
yfirvöld í Emerainville vísa alfarið
á bug að málið tengist íslamstrú
með einum eða öðrum hætti og
snerti einungis reglugerðir sem
sneru að heilbrigðissjónarmið-
um.
Bæjarstjórinn, Alain Keylor,
sagði að búrkiní væri „ekki ís-
lamskur sundfatnaður“ og að
„þessa tegund fatnaðar væri
hvergi að finna í Kóraninum“.
Aðskilnaður kynja í sundi
En það er fleira en notkun búrk-
inís í sundlaugum sem valdið
hefur deilum því á undanförnum
árum hafa stjórnmálamenn víða
í Frakklandi mótmælt hugmynd-
um um að tekinn yrði upp sér-
stakur kvennatími í sundlaugum,
en múslímar hafa gert aðskilnað
kynjanna í sundlaugum og öðrum
íþróttamannvirkjum að baráttu-
máli. Að mati þeirra stjórnmála-
manna sem mótmælt hafa eru
slíkar hugmyndir aðför að þeim
gildum franska lýðveldisins að all-
ir séu jafnir.
Þegar bær á Rínar-Alpasvæð-
inu gerði tilraun með sérstakan
sundtíma kvenna á síðasta ári í
almenningssundlaug fordæmdi
bæjarráðsmaður úr flokki Nicol-
asar Sarkozy tilrauninni og sagði
að með henni væri svæði almenn-
ings yfirtekið á trúarlegum for-
sendum.
Herská ögrun
Sem fyrr segir hyggja stjórnvöld
leita leiða til að takmarka notk-
un klæðnaðar sem hylur með öllu
ásjónu íslamskra kvenna og þing-
nefnd íhugar nú hvort taka eigi
upp lög sem banni konum í Frakk-
landi með öllu að klæðast slíkum
fatnaði á almannafæri. Ástæða
þeirra hugleiðinga er tilkomin
vegna beiðni um fimmtíu þing-
manna um að notkun andlitsskýla
verði takmörkuð.
„Þú getur kannski séð and-
lit konunnar í þessum fáránlega
sundfatnaði en augljóst er að um
herskáa ögrun er að ræða,“ sagði
André Gerin þingmaður, sem fer
fyrir áðurnefndri þingnefnd.
André Gerin sagði ennfremur
að að baki klæðnaðinum lægi pól-
itísk stefna og byggði þá fullyrð-
ingu á þeirri staðreynd að Carole
fór rakleitt til lögreglunnar. „Þetta
er án efa upphafið að nýju vanda-
máli,“ sagði Gerin og mun nefndin,
að sögn hans, beina sjónum sínum
að „þrýstingi bókstafstrúarmanna“
á reglur sem varða íþróttaklæðnað
í Frakklandi.
Tákn um þýlyndi
Nicolas Sarkozy, forseti Frakk-
lands, reitti bókstafstrúarmenn til
reiði í júní þegar hann tók afstöðu
með banni við notkun niqab-
klæðnaðar kvenna á almannafæri.
Til að bæta gráu ofan á svart sagði
forsetinn að slíkur klæðnaður væri
ekki trúarlegt tákn heldur tákn um
þýlyndi kvenna og ætti sem slíkt
„ekkert erindi í Frakklandi“.
Erlendir öfgasinnar hafa
brugðist ókvæða við fyrirætlunum
franskra stjórnvalda. „Í gær var
það hijab og í dag er það niqab,“
sagði Abu Musab Abdul Wadud,
leiðtogi al-Kaída-hópsins Isla-
mic Maghreb, en hann hótaði að
hópurinn myndi grípa til hefnd-
araðgerða til varnar „heiðri dætra
sinna og systra“ gegn Frakklandi
og hagsmunum landsins.
Kolbeinn þorsTeinsson
blaðamaður skrifar: kolbeinn@dv.is
„Þetta er einfaldlega
aðskilnaðarstefna,“
sagði Carole og bætti
við að hún myndi berj-
ast til að ná breyting-
um í gegn.
Umdeildur sundfatnaður Frönsk kona hyggst berjast fyrir rétti sínum til að
fara í sund í búrkiní. Mynd: AFP
búrkiní-sundfatnaður Nafnið er dregið af afgönskum búrka-fatnaði, en hylur ekki andlitið. Mynd: AFP