Dagblaðið Vísir - DV - 14.08.2009, Blaðsíða 33

helgarblað 14. ágúst 2009 föstudagur 33
Ég hætti með diskótekin í smá tíma en lagði þau aldrei alveg á hilluna. Ég hélt þessu alltaf við. Spilaði diskana og tók snúning heima á stofugólfinu,“ seg-
ir Egilsstaðabúinn Kiddi um plötusnúðastarf-
ið sem hann hefur nú tekið upp þráðinn í af
fullum krafti. Hann gerði mikið af því að halda
uppi stuðinu á mannamótum á árum áður, seg-
ist ekki hafa verið nema svona 14-15 ára þegar
hann byrjaði, og var eins og þeytispjald um alla
Austfirðina þegar mest lét. „Ég hélt þessi flottu
diskótek þar sem gólfin gjörsamlega fylltust af
fólki. Og ég var mjög þekktur fyrir að fara sjálfur
út á gólfið til að koma því af stað,“ segir Kiddi.
Fyrir um tuttugu árum eða svo minnkaði er-
illinn hjá kappanum í plötuspiluninni. „Þetta
datt svolítið úr tísku. Þetta er alveg eins og með
fötin, þetta fer hringinn og kemur því alltaf aft-
ur,“ segir hann. Eftir að viðtal við Kidda í þætt-
inum Dagsljósi var sýnt í Sjónvarpinu um miðj-
an tíunda áratuginn birti aðeins til í þessum
bransa. En Kiddi hafði samt ekki mjög mikinn
tíma aflögu í tónlistina. Nóg var að gera í lík-
kistusmíðinni sem er hans aðalstarf, auk þess
sem foreldrar Kidda voru orðnir aldraðir og
hann var þeim innan handar í mörgu sem þau
þurftu aðstoð með í hinu daglega amstri. Fað-
ir hans lést árið 2000 og móðir hans sex árum
síðar og eftir það fór Kiddi að halla sér æ meira
aftur að tónlistinni.
Vakning eftir að
Viðtalið fór á Youtube
Þótt margir af þeim sem dilluðu sér við tónlist
Kidda á árum áður væru orðnir ráðsett fjöl-
skyldufólk, jafnvel komnir á gamalsaldur, er
hann alltaf beðinn við og við um að mæta með
diskasafnið til að búa til stuð á hinum og þess-
um samkomum. Ekki skemmdi fyrir í þeim
efnum þegar Dagsljósviðtalið var sett inn á vef-
síðuna Youtube fyrir um þremur árum.
„Það var aðalvakningin. Þar sáu hann all-
ir,“ segir Kiddi með breitt bros á vör. „Það er of-
boðslega gaman að geta hellt sér svona á fullu
út í þetta. Það skiptir líka öllu máli að geta sett
hugann og áhugann í þetta af fullu afli.“ Og
þegar Kiddi spilar mætir hann ekki bara í ein-
hverjum gallabuxum og stuttermabol. Hann
fer alla leið með þetta og klæðir sig upp í for-
láta diskóbúning.
„Ég klæðist honum alltaf þegar ég held disk-
ótek. Þetta er pallíettubúningur sem ég hann-
aði sjálfur og saumaði,“ segir Kiddi. Fyrsti bún-
ingurinn sem hann klæddist var frekar látlaus,
eins konar „brún dragt“ með buxum og vesti
í stíl, en hann skipti fljótlega yfir í búninginn
sem hann notar enn í dag. „Ég hef átt hann
núna í um tuttugu ár og hef aðeins betrumbætt
hann í gegnum tíðina,“ segir Kiddi og bætir við
að hann hafi ekki getað sýnt hann í sjónvarps-
viðtalinu fræga því þá var hann í breytingu.
„Það var kannski eins gott því ég var held-
ur þybbinn í búninginn þá,“ segir hann og hlær.
„Það sem mér finnst einna dásamlegast við
búninginn er að ég verð aldrei of þybbinn eft-
ir þetta. Það er ekki hægt að stækka búninginn
og þá verður Kiddi bara að minnka sig,“ segir
Kidda og skellir aftur upp úr. „Búningurinn er
mín besta grýla hvað þetta varðar.“
boðnar 60 þúsund
krónur fYrir skYrtuna
Búningurinn, eða að minnsta kosti skyrtan, er
augljóslega ekkert slor því á einni samkomu
þar sem Kiddi skemmti síðasta vetur voru hon-
um boðnir tugir þúsunda króna fyrir skyrtuna.
Og það eftir bankahrun! „Þetta var skemmtun
hjá Round Table félagsskapnum að utan. Og
þarna var einn Norðmaður sem bauð sextíu
þúsund krónur í skyrtuna mína! Hann féll al-
veg fyrir búningnum mínum og talaði ekki um
neitt annað en búninginn við vini sína þarna
inni,“ lýsir Kiddi af mikilli innlifun.
Kiddi var leynigestur á þessari samkomu,
sem haldin var á Egilsstöðum, og segir þetta
ógleymanlegt kvöld. „Ég stökk inn á sviðið og
salurinn varð alveg trylltur. Menn flautuðu,
öskruðu og veinuðu. Ég frétti síðar að Reykvík-
ingar og einhverjir aðrir höfðu víst spurt heima-
menn sem þarna voru: „Er til eitthvað svona á
Austurlandi?“ Þeim var einfaldlega svarað: „Já,
auðvitað eigum við okkar goð eins og þið!“
tók Michael Jackson á bræðslunni
Einn af þeim stöðum sem Kiddi hefur spilað
á upp á síðkastið er Borgarfjörður eystri, nán-
ar tiltekið á tónlistarhátíðinni Bræðslunni sem
þar hefur verið haldin í júlímánuði undanfar-
in ár. Á meðal listamanna sem þar hafa kom-
ið fram má nefna Damien Rice, Belle and Se-
biastian, Emilíönu Torrini og Megas. Í ár voru
stærstu nöfnin Þursaflokkurinn og Páll Óskar
Hjálmtýsson sem kom fram með vinkonu sinni
og samstarfskonu, Monicu Abendroth.
„Það var alveg meiriháttar á Bræðslunni.
Þeir tóku svo rosalega vel á móti mér að það var
alveg dásamlegt! Það kæmi mér ekki á óvart ef
maður yrði beðinnn um að koma aftur,“ segir
Kiddi glaðbeittur en þetta var í fyrsta sinn sem
hann spilar á Bræðslunni og í fyrsta sinn yfir
höfuð sem hann fer á hátíðina.
Stærstu tónleikarnir fara fram í Bræðslunni,
skemmu niðri við sjóinn sem hátíðin heitir eft-
ir, en Kiddi spilaði í félagsheimilinu í Borgar-
firði þar sem hluti dagskrárinnar fór fram. „Ég
heyrði á fólkinu að það hefði nú viljað að ég
hefði verið á sviðinu með aðalskemmtikröft-
unum í Bræðslunni. Ég fór þangað auðvitað að
njóta tónleikanna og þá spurði fólk hvort það
færi ekki að koma að mér,“ segir Kiddi svolítið
montinn.
Eins og hans var von og vísa lét hann ekki
duga að spila diskana sína heldur tók hann líka
dans til að starta stuðinu. „Og ég var með smá
leyniatriði. Ég tók nefnilega Michael Jackson
takta. Hann var eitt mitt aðalgoð þegar ég var
að halda diskótekin í gamla daga. Ég setti disk í
sem ég keypti strax eftir að hann dó og setti upp
gleraugu sem eru alveg eins og gleraugun sem
Jakson var oft með. Og þegar ég setti þau upp
vissu allir hvað ég ætlaði að fara að gera. Salur-
inn trylltist alveg hreint!“ segir Kiddi og bætir
við að hann hafi aldrei upplifað annað eins.
Kiddi er þó hógvær þegar hann er spurður
hvort hann sé góður í Michael Jackson-döns-
um. „Nei nei, ég þarf að æfa þetta miklu bet-
ur upp. Ég tók svona eitt og eitt spor sem ég
mundi. Svo bara þróast þetta upp hjá mér þeg-
ar ég fer að gera meira af þessu. En af því að
maður er með þessa dansbakteríu í fótunum
eru þeir nokkuð fljótir að taka eftir.“
fYrirMYnd Páls óskars
Eins og áður segir voru stórstjörnur á hátíðinni
eins og Páll Óskar og Egill Ólafsson, söngv-
ari Þursaflokksins. Kiddi náði ekki að hitta þá
kumpána og segir hann Bjartmar Guðlaugs-
son, tónlistarmann og góðvin sinn, hafa ávítt
hann fyrir það. „Kiddi er þannig að hann vill
alltaf standa sig í stykkinu,“ segir þúsundþjala-
smiðurinn um sig í þriðju persónu. „Og af því
að það var svolítið óljóst hvenær ég ætti að
fara á svið dreif ég mig fljótlega niður í hús til
að vera „standby“. Ég er ekki eins og stórstjörn-
urnar, vil ekki láta bíða eftir mér. Ég vil standa
mig í vinnunni,“ segir Kiddi ákveðinn.
Kiddi segist hafa hitt Egil áður en Páll Óskar
hefur aldrei orðið á vegi hans. Páll sá hins veg-
ar Kidda spila fyrir margt löngu og skiljanlega
man okkar maður lítið eftir því, enda Palli bara
lítill peyi þegar það var. „Ég neita því ekki að ég
hefði gaman af því að spjalla aðeins við hann.
Kannski ekki síst vegna þess að ég frétti af því
nýlega í gegnum vini mína, Bjartmar og Mæju,
konuna hans, að ég er ein af fyrirmyndum Páls.
Hann sá mig víst þegar ég var einhvers staðar
að skemmta fyrir löngu en hann var þá bara
níu ára gamall. Ég er auðvitað afskaplega stolt-
ur af þessu,“ segir Kiddi með miklum ánægju-
tón í röddinni.
Hann er fljótur til svars þegar hann er
spurður hvort hann spili lögin hans Páls eitt-
Ein af fyrirmyndum
„Það sem mér finnst einna dásamleg-
ast við búninginn er að ég verð aldrei
of þybbinn eftir þetta. Það er ekki
hægt að stækka búninginn og þá
verður Kiddi bara að minnka sig.“
dansarinn Að dansa er nokkuð
sem Kiddi er ekki feiminn við.
Hér stígur hann létt spor, með
eins konar Bob Marley húfu, á
samkomu í Hallormsstaðaskógi
í fyrra. Kiddi heimsótti einmitt
húsið sem Marley bjó lengst af í
á Jamaíka á síðasta ári.
MYnd gunnar gunnarsson