Dagblaðið Vísir - DV - 14.08.2009, Blaðsíða 46

Blóðþyrsta Bender-fjölskyldan
Bender-fjölskyldan var fjölskylda raðmorðingja. Fjölskyldan átti verslun og gisti-
heimili í Neosho-sýslu í Kansas í Bandaríkjunum árið 1872 til 1873. Gistiheimilið
var sóðalegur staður sem hét Wayside-gistihúsið.
Fjölskyldan samanstóð af John Bender, eiginkonu hans Marli og börnunum
John yngri og Kate. Almennt er talið að Kate hafi verið driffjöðurin í morðunum
sem fjölskyldan framdi.
Lesið um Bender-fjölskylduna í næsta helgarblaði DV.
AfbrýðisAmi læknirinn
Buck Ruxton hélt að hann hefði framið hinn fullkomna glæp eftir að hann hafði myrt eiginkonu sína
og þjónustustúlku og losað sig við líkamsleifar þeirra. En hann fór villur vegar.
Buck Ruxton fæddist í Mumbai,
sem þá hét Bombay, á Indlandi og
hét upphaflega Buktyar Rustomji.
Árið 1930 flutti hann til Englands
og setti á laggirnar eigin lækna-
stofu í Lancaster. Hann var vel
metinn og vinsæll og þekktur fyr-
ir að fella niður gjöld ef sjúklingar
höfðu ekki ráð á að greiða þau.
Hann bjó í óvígðri sambúð með
Isabellu og áttu þau þrjú börn. Isa-
bella var lífsglöð kona sem naut
þess að fara út á lífið. Buck var
hinsvegar tilfinningalega óstöð-
ugur og afbrýðisamur svo jaðraði
við geðveiki og sannfærðist um að
Isabella ætti í leynilegu ástarsam-
bandi.
Afbrýðisemi Bucks jókst í réttu
hlutfalli við vinsældir Isabellu og
átti hann til að missa stjórn á skapi
sínu á bak við luktar dyr. Í einu æð-
iskasti, 15. september, 1953, kyrkti
Buck Isabellu með berum hönd-
um.
Þjónustustúlkan
sameinast Isabellu
Sagan segir að Mary Rogerson,
þjónustustúlka hjónanna, hafi fyr-
ir slysni orðið vitni að morðinu.
Hvort sem það er rétt eða ekki
ákvað Buck að taka enga áhættu og
því fór hún sömu leið og Isabella.
Eftir að hafa myrt konurn-
ar bretti Buck upp ermarnar og
flutti lík þeirra inn á baðherbergi
og hófst handa við að hluta líkin
sundur. Buck beitti læknisþekk-
ingu sinni og á fagmannlegan máta
sundurlimaði hann líkin og vafði
líkamshlutunum inn í dagblað líkt
og slátrarar gerðu við kjötborðið.
Hann fjarlægði húðina á fingrum
þeirra og allt sem hugsanlega gæti
orðið til þess að kennsl yrðu borin
á líkin. Í skjóli nætur bar hann af-
raksturinn út og setti í farangurs-
geymslu bifreiðar sinnar.
Fleygt í afskekkt gil
Buck var ágætlega kunnugur við
skosku landamærin þar sem byggð
var strjál og um nóttina ók hann
sem leið lá til Gardenholme Linn,
suður af Edinborg. Þar vissi hann
af gili einu sem var svo afskekkt að
litlar líkur voru á mannaferðum
þar.
Það var afleitt veður þegar Buck
staðnæmdist á brún gilsins og öfl-
ugar vindkviður og regn börðu á
bílnum. Buck lét það ekki á sig fá
en hófst handa við að dreifa inn-
pökkuðum líkamshlutunum um
gilið.
Þegar hann ók heim á leið hlýtur
hann að hafa verið sannfærður um
að hafa framið hinn fullkomna glæp
og hann spann í huganum upp fjar-
vistarsönnun ef á þyrfti að halda.
Stöðvaður af lögreglu
Þegar læknirinn afbrýðisami ók
inn í bæinn Kendal í Westmorland
varð hann fyrir því óláni að aka á
hjólandi vegfaranda. Sá slapp þó
ómeiddur frá árekstrinum en var
ekki sáttur við aksturslag lælnis-
ins og lagði því á minnið skráning-
arnúmer og gerð bifreiðarinnar og
hafði síðan samband við lögregl-
una.
Án efa hefur Buck svitnað þeg-
ar hann var stöðvaður af lögregl-
unni við vegartálma í Milnthorpe
og varpað öndinn léttar þegar hon-
um var fyrirskipað að hafa sam-
band við lögregluna vegna slyssins
daginn eftir, en ekkert leitað í bif-
reiðinni. En það átti eftir að vera
skammgóður vermir.
Mary Rogerson saknað
Adam var ekki lengi í Paradís og
ekki leið á löngu þar til lögregl-
an hafði samband við Buck vegna
Mary Rogerson, vegna fyrirspurnar
af hálfu móður hennar. Buck sagði
að Mary hefði ekki komið til vinnu
í tvo daga og lét lögreglan það gott
heita.
En tveimur dögum síðar hafði
lögreglan aftur samband og þá
vegna Isabellu sem saknað var af
vinafólki. Buck sagði að hún hefði
sennilega farið til Blackpool með
elshuga sínum. Enn og aftur tók
lögreglan orð Bucks trúanleg, hann
var jú þrátt fyrir allt læknir.
En uppfrá við skosku landa-
mærin gerðist það sem Buck hafði
síst átt von á. Göngugarpur hafði
rekist á nokkra böggla innpakk-
aða í dagblöð og við nánari athug-
un kom hið óhugnanlega innihald
í ljós.
Svo margir voru bögglarnir að
lögreglan hélt í fyrstu að um væri
að ræða fimm lík, en nánari rann-
sókn í Edinborgarháskóla leiddi í
ljós að um var að ræða tvö kven-
mannslík; annað af ungri konu og
hitt af konu á fimmtugsaldri.
Eftir að lögreglan athugaði skrár
um fólk sem saknað var var aðeins
spurning um tíma hvenær hana
bæri niður hjá Buck Ruxton.
Mistök læknisins
Sérstaklega var tvennt sem lækn-
irinn afbrýðisami hafði gert og var
íhugunar virði. Hann hafði pakkað
líkamshlutunum inn í staðardag-
blöð og eins hafði það verið mein-
leg óheppni fyrir hann að hafa ekið
á hjólandi vegfaranda í Kendal á
leiðinn heim nóttina örlagaríku.
Auk þess var með snilldarleg-
um réttarvísindum hægt að færa
sönnur fyrir því að líkin sem fund-
ust væru af Mary og Isabellu.
Örlög Bucks voru ráðin en engu
að síður lifði hann í voninni um að
góður lögfræðingur gæti forðað
honum frá gálganum. Honum varð
ekki að ósk sinni og var hengdur að
morgni 12. maí, 1936.
UMsJóN: KoLBeiNN þorsteiNssoN, kolbeinn@dv.is
Eftir að hafa myrt
konurnar bretti Buck
upp ermarnar og
flutti lík þeirra inn á
baðherbergi og hófst
handa við að hluta
líkin sundur.
46 föstudagur 14. ágúst 2009 sakamál
Buck Ruxton Gerði
afdrifarík mistök í kjölfar
morðanna.
Isabella, sambýliskona Bucks Galt
fyrir lífsgleði sína með lífinu.
Mary Rogerson Var hugsanlega vitni
að morðinu á isabellu.
auglýsingasíminn er
512
70
50