Dagblaðið Vísir - DV - 14.08.2009, Blaðsíða 37

„Ég var orðin eitthvað leið á bransan-
um, var farin leiðast öll þessi ferða-
lög og það að vera ætíð fjarri þeim
sem mér þykir vænst um svo ég ákvað
að taka mér smá frí frá öllu og eyða
sumrinu hér heima,“ segir Tinna
Bergsdóttir sem hefur verið að gera
það gott sem fyrirsæta úti í heimi
síðustu fimm árin. Þegar Tinna var
19 ára sigraði hún í Face North-fyr-
irsætukeppni hér heima og í kjölfar-
ið fór hún til New York að reyna fyrir
sér í módelbransanum. Í dag er hún
24 ára og hefur m.a. setið fyrir í tíma-
ritum á borð við Elle, Cosmopolitian,
Dased and Confused, Marie Claire.
I.D. og Harper Bazaar og starfað fyr-
ir tískurisa eins og Levi’s, H&M, Dies-
el og Converce. Tinna segist ekki hafa
mikinn áhuga á hátísku, hennar per-
sónulegi stíll sé meira „streetwear“
og sem betur fer sé hún oftast bókuð
í slík verkefni. Hún hefur notið sum-
arsins í botn með fjölskyldu og vinum
og segist sjaldan hafa haft það eins
gott og skemmtilegt eins og einmitt á
Íslandi í sumar.
Kolféll fyrir indlandi
Það hafði aldrei hvarflað að Tinnu að
hún væri efni í fyrirsætu fyrr en hún
var stoppuð úti á götu og beðin um að
taka þátt í Face North-fyrirsætukeppn-
inni. „Mamma ýtti á mig að prófa því
mig vantaði sjálfstraust. Áhugi minn á
tísku var afar takmarkaður á þessum
tíma en ég ákvað að slá til,“ segir hún
og bætir við að hún hafi þroskast og
eflst og lært að treysta á sjálfa sig eftir
að hafa ferðast um heiminn endilang-
an, oftast ein og óstudd. Eftir nokkra
mánuði í New York fór Tinna til Ind-
lands þar sem hún starfaði í rúmt ár.
Þar bjó hún í stóru húsi ásamt hópi
annarra fyrirsæta þar sem þær höfðu
sinn eigin bílstjóra og öryggisverði.
Hún segist hafa kolfallið fyrir Ind-
landi en að henni hafi hins vegar líkað
best á Bretlandi en þar hafi hún búið
síðustu árin. „Planið var að vera í tvo
mánuði á Indlandi en ég varð gjör-
samlega ástfangin af landinu. Menn-
ingin og fólkið er svo allt öðruvísi en
það sem við eigum að venjast og þeg-
ar maður er ungur gleypir maður
þetta allt í sig og ég var alveg heilluð,“
segir hún og bætir við að það hafi ver-
ið magnað að sjá bláfátækt heimilis-
laust fólk skælbrosa allan liðlangan
daginn og klæðast fallegum litríkum
fötum þrátt fyrir fátæktina. „Menn-
ingin þarna breytti sýn minni á lífið
og því sem skiptir mig mestu máli.
Í dag veit ég að peningar skipta ekki
mestu heldur heilsan og fólkið sem
manni þykir vænt um,“ segir Tinna
sem ferðaðist á milli Japans og Ind-
lands um tíma áður en hún settist
að í Bretlandi. „Mér líkaði mjög vel
í London en þaðan vann ég um alla
Evrópu. Ég var samt komin með ógeð
af borginni undir lokin og langar ekki
að flytja þangað aftur í bráð.“
fann ástina á Íslandi
Á Indlandi kynntist Tinna fyrrver-
andi kærasta sínum en það samband
stóð í þrjú ár. Indverski kærastinn,
sem starfar einnig sem fyrirsæta,var
talsvert eldri en Tinna en þau voru
farin að búa saman í London áður
en sambandinu lauk. Hún segir að
brestir hafi verið komnir í samband-
ið sem, skýrist best á því hversu ólík
þau hafi verið. „Hann var eldri en ég
og við komum úr svo ólíkri menn-
ingu. Við vorum ekki á sama stað í líf-
inu en hann vildi stofna fjölskyldu en
ég er ekki tilbúin í að verða mamma
strax. Þetta var bara orðið frekar ljótt
undir lokin svo ég tók ákvörðun um
að enda þetta,“ segir hún en Tinna er í
dag í sambandi með Guðmundi Hall-
grímssyni eða Munda eins og hann
er kallaður. Mundi er ungur og upp-
rennandi fatahönnuður sem hefur
vakið mikla athygli en hann tók meðal
annars þátt í tískuviku í Kaupmanna-
höfn ásamt þeim Steinunni Sigurðar-
dóttur og Andersen&Lauth. „Ég hafði
heyrt af Munda en hélt að þetta væri
einhver eldri maður og svo loksins
þegar við hittumst í ágúst í fyrra fann
ég á mér að þessi strákur ætti eftir að
verða mikilvægur partur af lífi mínu.
Við hittumst aftur þegar hann kom til
Bretlands til að setja upp Sirkus á Art
Frieze hátíðinni og fórum svo að vera
saman þegar ég kom næst heim en þá
hafði ég slitið hinu sambandinu. Við
Mundi eigum mjög vel saman og það
er gaman að fylgjast með tískunni frá
hans hlið en það er nýtt fyrir mér.“
Hættulegur Heimur
Tinna segir margar hættur leynast í
heimi tískunnar og að hún hafi ekki
viljað hafa farið út að vinna yngri.
„Þetta eru búin að vera alveg rosaleg
fimm ár og ég fékk mikið áfall þegar
ég byrjaði því ég vissi nákvæmlega
ekkert um bransann. Ég var hins veg-
ar heppin því að stelpan sem ég bjó
með í New York tók mig að sér og
kenndi mér á hlutina. Þetta er langt
frá því að vera öruggur heimur og ég
hef séð ýmislegt ljótt. Til dæmis í Tók-
ýó, þar sem þeir vilja hafa stelpurnar
sem yngstar og grennstar, eru sum-
ar stelpurnar einungis 13 ára. Þær
yngstu eru aðallega frá Rússlandi og
Austur-Evrópu og eru jafnvel að vinna
fyrir fjölskyldu sína og það getur verið
hrikalegt að horfa upp á það hvernig
þær fara með sig. Þetta eru bara börn
en samt eru þær inni á skemmtistöð-
unum, nota eiturlyf og sofa hjá bar-
þjónum.“ Sjálf segist Tinna hafa ver-
ið heppin, bæði með samstarfsfólk
og sambýlinga. Mikil samkeppni sé
milli stelpnanna sem komi fram í
skemmdarverkum og öðru misgóðu.
„Ég hef einu sinni lent í vafasömum
aðstæðum þar sem ég varð virkilega
hrædd. Þá var ég nýkomin til New
York og hafði nælt í myndatöku sem
átti að fara fram í kjallara hótels en
þar var ekkert símasamband. Það var
enginn þarna nema ég, önnur eldri
fyrirsæta og svo ljósmyndarinn og að-
stoðarmaður hans en þeir voru báðir
að drekka. Ljósmyndarinn heimtaði
stanslaust að ég færi úr öllum fötun-
um en ég neitaði því og fljótlega var
hann farinn að leita á hina fyrirsæt-
una. Ég var alveg að fríka út en tókst
að halda ró minni en greip fyrsta
tækifæri og hljóp út þegar ég þótt-
ist ætla á klósettið. Ég var orðin mjög
hrædd og hringdi strax á skrifstofuna
og gerði þeim grein fyrir að ég myndi
ekki vinna með þessum manni aftur.
Þá kom í ljós að margar stelpur höfðu
kvartað undan honum en ég veit ekk-
ert hvað varð um hina stelpuna sem
hafði verið með mér í verkefninu,“
segir Tinna og bætir við að það sé
algengt að stelpur sofi hjá hinum og
þessum í von um að fá fleiri og betri
verkefni. „Ég hef sérstaklega tekið eft-
ir því að stelpur eru að sofa hjá bók-
urunum sínum en þeir hafa virkilega
mikil áhrif á okkar feril sem fyrirsæt-
ur. Í London var ég með bókara sem
reyndi stöðugt við mig, var alltaf að
bjóða mér í partí, senda mér óviðeig-
andi sms og segja mér hversu gaman
það væri að taka myndir af mér. Ég gaf
mig ekki og þá hætti hann snögglega
að vera bókarinn minn og ég veit al-
veg hvers vegna.“
feit með of Hátt enni
Tinna segir aðra ástæðu þess að
hún mæli gegn því að stúlkur byrji
snemma í bransanum þá að þær
verði að hafa byggt upp ákveðna
sjálfsmynd áður en þær fari af stað.
Kröfurnar séu miklar og þær megi
vera viðbúnar því að verða rakkaðar
niður. „Mitt ráð handa ungum stelp-
um sem eru að feta sín fyrstu fótspor
í þessu fagi er að vera þolinmóðar og
alls ekki treysta öllum. Eins þarftu að
vera með þykkan skráp því það er allt
látið flakka í þessum heimi. Ég hef
til dæmis verið spurð hvort ég væri
ekki til í að fara í nefaðgerð því aðeins
þannig gæti ég náð langt. Ég harðneit-
aði því ég er með nefið hans pabba og
vil ekki breyta því. Ég hef líka fengið
að heyra aðra fáránlega hluti eins og
að ég sé með of stórt enni, með mis-
stór augu, að ég sé of feit eða of grönn
en líka fullt af jákvæðum hlutum. Ég
tek bara þetta góða og gleymi hinu
en ef ég hefði verið yngri hefði þetta
brotið mig niður.“ Tinna segir mikið
djamm í bransanum og að hún hafi
tekið þátt upp að vissu marki. „Ég ætla
ekki að neita fyrir það að hafa djamm-
að. Á Indlandi var mikið um risapar-
tí í stórum villum og
eins í New York. Ég
hef lent í partíum
með Mick Jagger,
Beyonce, Leonardo
De Caprio og álíka
stjörnum og hvern-
ig ætlarðu að segja nei við því?” segir
hún brosandi en bætir við að þótt hún
hafi fundið mikið til stjarnanna koma
í byrjun kippi hún sér lítið upp við svo
fræg nöfn í dag enda séu stjörnurnar
bara fólk eins og við hin. Tinna viður-
kennir einnig að fíkniefni fari oft sam-
an með tísku en að hún hafi haldið sig
fjarri öllu slíku. Í gegnum allan glam-
úrinn hafi hún passað upp á jarðteng-
inguna og sambandið við fjölskyld-
una. „Þrátt fyrir að hafa ekki búið
heima síðan ég var 19 ára hef ég alltaf
verið í mjög góðu sambandi við fjöl-
skylduna sem er mér mjög mikilvægt.
Mamma og pabbi eru náttúrlega í
skýjunum að hafa fengið mig heim í
svona langan tíma enda fannst þeim
eins og þau hefðu týnt mér. Þau og
systkini mín höfðu samt öll heimsótt
mig en sambandið á milli okkar er
mjög sterkt og á milli okkar ríkir full-
kominn trúnaður. Ég segi mömmu og
pabba allt,“ segir hún og bætir við að
hún hafi fundið á sér þegar eldri syst-
ir hennar eignaðist sitt fyrsta barn.
„Þrátt fyrir fjarlægðina fann ég á mér
að eitthvað var að gerast og hringdi í
hana til að athuga hvort allt væri ekki
í lagi. Hún var bara hissa enda ekki
komin með hríðar eða neitt. Hálftíma
síðar hringdi mamma í mig og sagði
að systir mín hefði misst vatnið og
væri komin upp á sjúkrahús.“
framtÍðin óráðin
Tinna er tvístígandi varðandi framtíð-
ina. Hún segist ánægð á Íslandi en að
heimur tískunnar heilli, upp að vissu
marki allavega. Fyrir utan verkefni
hér heima sem feli meðal annars í sér
lítið hlutverk í kvikmynd stefni hún
til New York í haust í eitt verkefni og
mögulega annað í Tókýó í vetur. „Ég
vil ekki plana langt fram í tímann og
tek bara einn dag í einu,“ segir hún og
bætir við að það blundi í henni löng-
un til að leggja fyrirsætuskóna á hill-
una. „Ég hef áhuga á öllu sem tengist
tísku en sé mig ekki sem fatahönnuð
eða ljósmyndara eftir fyrirsætuferil-
inn, þá væri ég frekar stílisti. Kannski
er kominn tími til að breyta til og setj-
ast á skólabekk,” bætir hún við og
segir sálfræðina heillandi. „Ég var
komin með mjög mikinn leiða á fyr-
irsætustarfinu í vor og var tilbúin að
að hætta og ég á ekkert draumaverk-
efni eftir svo ég get hætt ánægð. Upp-
haflega langaði mig til að ferðast um
heiminn, sjá framandi lönd og kynn-
ast nýju fólki og það hef ég gert svo nú
er bara að bíða og sjá hvað framtíðin
býður upp á.“
Indíana Ása Hreinsdóttir
helgarblað 14. ágúst 2009 föstudagur 37
„Ég hef lent í partíum
með Mick Jagger, Bey-
once, Leonardo De
Caprio og álíka stjörn-
um og hvernig ætlarðu
að segja nei við því?”
„Það getur verið hrikalegt að horfa upp á það hvernig þær
fara með sig. Þetta eru bara börn en samt eru þær inni á
skemmtistöðunum, nota eiturlyf og og sofa hjá barþjónum.”
tinna Bergsdóttir
Hefur upplifað margt
þrátt fyrir ungan aldur.
glæsileg Tinna hefur
ferðast um allan heim í
starfi sínu sem fyrirsæta.