Dagblaðið Vísir - DV - 19.08.2009, Blaðsíða 3

fréttir 19. ágúst 2009 miðvikudagur 3
Hálft ár er síðan nýir hluthafar tóku við rekstri Morgunblaðsins. Lestur þess eykst
ekki enn, tekjusamdráttur er mikill sem og prentkostnaður. Forsvarsmenn félagsins
leggjast nú á eitt að koma í veg fyrir að nýtt hlutafé brenni upp og boða breytingar.
Þungt undir fæti hjá Mogga
„Nú stendur yfir umfangsmikil
stefnumótunar- og skipulagsvinna
hjá Árvakri hf.“ Þetta segja Óskar
Magnússon, útgáfustjóri Árvakurs,
og Sigurbjörn Magnússon, stjórnar-
formaður félagsins, í samtali við DV
en neita að ræða frekar fjárhag og
rekstur félagsins.
Vitað er að margir þættir eru mót-
drægir útgáfu dagblaða um þessar
mundir og forsvarsmenn Árvakurs
hf. neita því ekki að stefnumótunar-
vinnan miði að sparnaði í rekstri.
DV hefur heimildir fyrir því að
innan tíðar kunni að draga til tíð-
inda og starfsmönnum verði kynnt-
ar niðurstöður stefnumótunar- og
skipulagsvinnunnar. Eftir því sem
næst verður komist fela þær í sér
frekari fækkun starfsmanna. Fyrri
útgefendur Morgunblaðsins höfðu
þegar í nóvember sagt upp um 30
starfsmönnum í sparnaðarskyni.
Svo mjög var þrengt að fjárhag Ár-
vakurs undir lok árs að launagreiðsl-
ur töfðust til hluta starfsmanna í
byrjun desember síðastliðinn. Tap
félagsins á síðastliðnu ári var enda
um 600 milljónir króna.
Risar hreyfa sig hægt
Seint gekk að koma saman hlut-
hafahópi til þess að bjóða í Árvak-
ur og taka við rekstri félagsins í
upphafi árs. Úr varð að viðskipta-
bankinn, Glitnir, gekk sjálfur í mál-
ið, en skuldir félagsins við bank-
ann námu að líkindum vel á fimmta
milljarð króna í byrjun mars. Samist
hafði svo um að bankinn legði félag-
inu til rekstrarfé og héldi útgáfunni
gangandi þar til mál skýrðust um
nýja eigendur. Lausafjárþörf Árvak-
urs um hver mánaðamót er er áætl-
uð um 150 milljónir króna. Brýnt
þykir að lækka rekstrarkostnaðinn
og gerðu áætlanir fyrri stjórnenda
ráð fyrir allt að 840 milljóna króna
viðsnúningi frá tapi síðasta árs til
lokauppgjörs þessa árs. DV hefur
áður sagt frá því að Íslandsbanki og
Landsbanki gengu að tilboði nýrra
eigenda gegn niðurfellingu um
þriggja milljarða króna af skuldum
félagsins.
Hart í ári hjá fjölmiðlum
Vitað er að samdráttur auglýsinga-
tekna er verulegur í fjölmiðlum
vegna kreppunnar hér á landi. Að
jafnaði er um þriðjungssamdrátt að
ræða hjá miðlum 365, en mestur er
hann hjá Fréttablaðinu eða yfir 40
prósent. Ætla má að samdrátturinn
sé viðlíka mikill hjá Morgunblað-
inu.
Lestur Morgunblaðsins hefur
ekkert aukist frá því í könnun Capac-
ent fyrir liðlega ári. Þá var lesturinn
í lágmarki en jókst nokkuð eftir það.
Í nýrri lestrarkönnun Capacent er
lestur Morgunblaðsins engu meiri
en hann var í maí í fyrra. Fréttablað-
ið hefur umtalsverða yfirburði hvort
sem litið er á lestur eftir kyni, aldri
eða búsetu.
Lestrartölurnar benda til þess að
nýjum eigendum hafi ekki gengið
sem skyldi að afla nýrra áskrifenda.
Loks hefur allur kostnaður hækk-
að með lækkandi gengi krónunn-
ar. Þetta á einkum við um innflutt-
an dagblaðapappir, blek og og aðrar
rekstrarvörur í prentiðnaði.
Nýtt fé uppurið?
Þótt hvorki Sigurbjörn Magnússon,
stjórnarformaður Árvakurs, né Ósk-
ar Magnússon, útgáfustjóri félags-
ins, vilji neitt um málið segja benda
heimildir DV afdráttarlaust í þá
átt að frekari niðurskurður sé fram
undan hjá Árvakri. Niðurskurður-
inn felst óhjákvæmilega í uppsögn-
um þar sem launakostnaður er lang-
stærsti hluti rekstrarkostnaðar.
Hlutafélagið Þórsmörk eignaðist
Morgunblaðið eftir kapphlaup við
að minnsta kosti tvo aðra sem buðu
í Árvakur snemma árs. Helstu eig-
endur Árvakurs eru Þórsmörk ehf
undir stjórn Sigurbjörns Magnús-
sonar, stjórnarformanns Árvakurs
hf. Í stjórn þess félags sitja auk Sig-
urbjörns þau Ásdís Halla Bragadótt-
ir, Gunnar Dungal, Ásgeir Bolli Krist-
insson og fleiri. Stærstu hluthafar
Árvakurs eru Guðbjörg Matthías-
dóttir í Vestmannaeyjum, Þorsteinn
Már Baldvinsson í Samherja, Pétur
H. Pálsson hjá Vísi hf í Grindavík,
Gísli Baldur Garðarsson og fleiri.
Viðbúið er að hluthafar, sem
söfnuðu allt að 600 milljónum króna
til að ná Morgunblaðinu til sín, ger-
ist nú órólegir og krefjist aðgerða
áður en nýtt hlutafé tapast.
JóHaNN HaukssoN
blaðamaður skrifar: johannh@dv.is
Lestur Morgunblaðsins
hefur ekkert aukist frá
því í könnun Capacent
fyrir liðlega ári.
Úr áætlunuM uM endurreisn árvakurs:
Upphæðir í milljónum króna - Ekki er víst að áætlanir þær sem settar voru fram í byrjun árs standist lengur
2008 2009 2010 2011 2012 2013
Tekjur 3.700 4.300 4.500 4.600 4.700 4.900
Gjöld 4.200 4.000 4.000 4.000 4.100 4.100
EBITDa -570 271 456 588 681 813

Lán í byrjun árs
Lán vegna prentsmiðju Glitnir / Íslandsbanki 2,70 milljarðar kr.
Önnur veðlán Glitnir / Íslandsbanki 0,45 milljarðar kr.
Fjárfestinga-/ rekstrarlán Glitnir / Íslandsbanki 0,33 milljarðar kr.
Fjárfestinga-/ rekstrarlán Landsbankinn 0,90 milljarðar kr.
Samtals 4,43 milljarðar króna
Íslandsbanki og Landsbanki afskrifuðu milljarða þegar nýir hluthafar tóku við rekstri Árvakurs.
Útgáfustjóri Morgunblaðsins Óskar Magnússon kýs að ræða ekki niðurskurðar-
hugmyndir við blaðamann DV en segir skipulags- og stefnumótunarvinnu í gangi.
Í Hádegismóum Margt er mótdrægt Morgun-
blaðnu þessa dagana. Prentkostnaður er mikill,
auglýsingatekjur rýrna, lestur blaðsins stendur í stað
eða minnkar og samkeppni eykst. Viðbúið er að
gripið verði til frekari uppsagna í sparnaðarskyni.
ÚtgerÐ MagnÚsar er
veÐsett ÍslandsBanka
Magnús kaupir
sér flugvél
Þrátt fyrir skuldastöðu Magnúsar
hjá gamla Landsbankanum og þrátt
fyrir það afskrifa þurfi tugi milljarða
af skuldum hans við bankann keypti
Magnús sér nýlega flugvél ásamt
tveimur öðrum Eyjamönnum,
þeim Guðmundi Alfreðssyni og
Arnari Richards. Magnús er mikill
flugáhugamaður og notaði meðal
annars þyrlu til að ferðast til og frá
Vestmannaeyjum þar til rétt fyrir
bankahrunið í haust. Frá þessu er
greint á vefsíðu flugfélags Selfoss.
Á síðunni segir um flugvélakaupin:
„Ein af þeim flugvélum, sem hafa
verið hvað lengst með aðsetur á
Selfossflugvelli, fékk nýja eigendur
þann 29. júlí síðastliðinn. Hér er verið
að tala um TF-EOS sem er af gerðinni
Piper PA-28-151 Cherokee Warrior.
Nýir eigendur eru frá Vestmannaeyj-
um og heita Guðmundur Alfreðs-
son, Arnar Richards og Magnús
Kristinsson. Má segja að hlutirnir
hafi gengið nokkuð hratt fyrir sig,
en nýir eigendur fréttu að vélin væri
til sölu og voru ekkert að hika við
hlutina heldur skelltu sér beint upp
á land að skoða hana og leist svo vel
á gripinn að 2 dögum seinna komu
þeir aftur, keyptu flugvélina og flugu
henni til Eyja.“
Lán án tryggra veða
Viðskiptasaga Magnúsar við Lands-
bankann segir meira en mörg orð
um lánastefnu íslenskra banka á síð-
ustu árum og þá sérstaklega Lands-
bankans. Magnús og félög hans virð-
ast hafa fengið milljarða króna að
láni í bankanum án almennilegra
veða, sennilega oft á tíðum í eignar-
haldsfélögum og fyrirtækjum Magn-
úsar sem nú eru orðin verðlaus. En
Magnús var hluthafi í Landsbank-
anum og kann að vera að hann hafi
fengið lán frá bankanum til að kaupa
hlutinn.
Lögfræðingur sem þekkir vel til
í íslenska bankakerfinu, sem ekki
vill láta nafn síns getið, segir að afar
erfitt sé að glíma við menn sem eru
í svipaðri stöðu og Magnús „Þegar
kemur að því að þú ert með félag
sem er í eigu manns sem gat vals-
að um bankann og tekið lán hægri
og vinstri án þess að forsvarsmenn
bankanna krefðust neinnar ábyrgð-
ar frá eiganda félagsins, félagið er
greinilega eignalaust og það er eng-
inn í persónulegum ábyrgðum fyrir
félagið þá gerist bara eitt á endan-
um: Félagið fer í þrot. Hvað ger-
ist þá í bankanum? Það þarf að af-
skrifa kröfuna af því að þú færð
hana hvergi annars staðar,“ segir
lögfræðingurinn.
Heimildir DV herma að ekki
standi til hjá Íslandsbanka að sækja
að Magnúsi og Berg-Hugin vegna
skuldastöðu útgerðarmannsins við
bankann. Skuldastaða Magnúsar
við Íslandsbanka virðist því vera allt
önnur og betri en skuldastaða hans
við þrotabú gamla Landsbankans.
Útgerðarfélagið þykir ágætlega rek-
ið og Magnús hefur staðið í skilum
við Íslandsbanka eftir því sem næst
verður komist. Magnús mun því
halda áfram útgerðinni í Eyjum á
næstu árum þó svo að hann muni
missa aðrar eignir út úr viðskipta-
veldi yfir til gamla Landsbankans.
Líklega verður þetta þó með miklu
eftirliti skilanefndar Landsbank-
ans og væntanlega Íslandsbanka
einnig.